Hormatly halkara teatr festiwalyna gatnaşyjylar!
Bagt Köşgi
Bagt Köşgi Wedding Ceremonies Center of the Ashgabat City Administration
The happiest day of your life begins here
- Phone95-57-68
- Opened in2011
- floors11
Latest news
Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan…
Şu gün hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi Aziýa döwlet Baştutanlary derejesindäki duşuşygyna…
Şu gün paýtagtymyzdaky “Arçabil” myhmanhanasynda Türkmenistanyň Kärdeşler arkalaşyklarynyň Milli merkeziniň hem-de Halkara Zähmet Guramasynyň (HZG) Zähmetkeşleriň işleri…
Şu gün hormatly Prezidentimiz Serdar Berdimuhamedow Daşoguz welaýatyna iş saparyny amala aşyryp, Aşgabat — Daşoguz awtomobil ýolunyň, Garaşsyzlyk etrabynda ýylda 60 müň…
Eziz watandaşlar!
News from the Turkmen State News Service (tdh.gov.tm), in Turkmen · All news
About the center
The Bagt Köşgi wedding center opened on 28 October 2011 as part of the celebrations of the 20th anniversary of Turkmenistan's Independence. It was created to hold weddings and marriage ceremonies in line with national traditions, to raise the younger generation in the spirit of high moral values and to strengthen the unity of the people.
The building has 11 floors and houses three large wedding halls, seven banquet halls, seven ceremony halls, a 22-room hotel, 36 shops and service salons, lounges and cafes. Covered and open parking is available.
The center hosts weddings and celebrations, trains young wedding-industry professionals, rents out halls, retail space and wedding cars, and offers hotel services to newlyweds, locals and foreign guests.
- 11floors
- 3wedding halls
- 7banquet halls
- 7ceremony halls
- 22hotel rooms
- 36shops and salons
- 600parking spaces
Our halls
The wedding halls are on the first floor of the center and host celebrations rooted in Turkmen traditions: sadaka, a baby's welcome, gift-giving, weddings and other festivities. To rent a banquet hall call 95-57-64 or 95-57-65.
Wedding halls
1000
seats
2 price options for daytime events and 5 for evening weddings. Newlyweds receive extra comforts and keepsake gifts.
500
seats
2 price options for daytime events and 3 for evening weddings. Newlyweds receive extra comforts and keepsake gifts.
Booking95-06-47
500
seats
Wedding menu from 130 manat, guest menu from 70. Pay 50% upfront and the rest interest-free over up to 24 months; bank credit for up to 36 months. Gifts: cake, hall decoration, photos, music and lighting, hotel stay, decorated wedding car.
Banquet halls
200
seats
2 price options for daytime events and 3 for evening weddings. Newlyweds receive extra comforts and keepsake gifts.
100
seats
100
seats
100
seats
100
seats
100
seats
100
seats
Ceremony halls
150
seats
150
seats
100
seats
100
seats
100
seats
100
seats
100
seats
Hotel
The hotel offers comfortable, well-appointed rooms and quality service to guests from across the country and abroad. Newlyweds can celebrate their wedding here in a special setting.
There are 22 rooms: 10 luxury and 12 standard. Every room is set up for a restful stay and for work.
- 10 luxury rooms
- 12 standard rooms
- Up to 44 guests at a time
- Accessible room
- Conference room
- Laundry and taxi service
Prices
Wedding cars
The center's transport department has 14 vehicles for weddings and celebrations: 2 Lincoln limousines, 10 Lincoln sedan convertibles and 2 Toyota Coaster buses. Cars are decorated in national or modern style and are available on favorable terms.
58 manat / hour
10 pcs
66 manat / hour
2 pcs
64 manat / hour
2 pcs
Professional courses
The cultural and methodical department runs short professional courses for specialists in organizing weddings and celebrations. Graduates receive a certificate.
Video and photo operation at weddings
Organizing and hosting weddings
Wedding decoration
3 months course
1449 manat
A certificate is issued on completion. 4th floor of the center, cultural and methodical department.
Get in touch
-
Address15 Bagtyyarlyk Street, Bagtyyarlyk district, Ashgabat
-
Phone95-57-68 · Fax: 95-57-60
-
Emailbagtkoshgi@sanly.tm
1 / 10
Ak ýol
Wedding halls
1000 seats
2 price options for daytime events and 5 for evening weddings. Newlyweds receive extra comforts and keepsake gifts.
1 / 10
Nur
Wedding halls
500 seats
2 price options for daytime events and 3 for evening weddings. Newlyweds receive extra comforts and keepsake gifts.
Booking95-06-47
1 / 9
Älem
Wedding halls
500 seats
Wedding menu from 130 manat, guest menu from 70. Pay 50% upfront and the rest interest-free over up to 24 months; bank credit for up to 36 months. Gifts: cake, hall decoration, photos, music and lighting, hotel stay, decorated wedding car.
Çeşme
Banquet halls
200 seats
2 price options for daytime events and 3 for evening weddings. Newlyweds receive extra comforts and keepsake gifts.
Bagtly
Banquet halls
100 seats
Sahawat
Ceremony halls
150 seats
Şäher
Ceremony halls
150 seats
Dessan
Ceremony halls
100 seats
Ylham
Ceremony halls
100 seats
Ýyldyz
Ceremony halls
100 seats
Şamçyrag
Ceremony halls
100 seats
Şapak
Ceremony halls
100 seats
1 / 7
Hotel
A 22-room hotel: 10 luxury and 12 standard rooms. Every room is set up for rest and work. Call us for details and prices.
Rates for Turkmen citizens
| Room type | TWIN | DBL |
|---|---|---|
| Standard room (STD) | 114,00 manat | 114,00 manat |
| Luxury room (LUX) | 199,50 manat | 199,50 manat |
Rates for foreign citizens
| Room type | TWIN | DBL |
|---|---|---|
| Standard room (STD) | 50 USD | 100 USD |
| Luxury room (LUX) | 50 USD | 100 USD |
Per night
Book a room95-57-68
1 / 6
1 / 5
1 / 3
Wedding video and photo operator
Video and photo operation at weddings
3 months course · 1449 manat
A certificate is issued on completion. 4th floor of the center, cultural and methodical department.
Sign up
Wedding manager
Organizing and hosting weddings
3 months course · 1449 manat
A certificate is issued on completion. 4th floor of the center, cultural and methodical department.
Sign up
Wedding designer
Wedding decoration
3 months course · 1449 manat
A certificate is issued on completion. 4th floor of the center, cultural and methodical department.
Sign up«Bagtyýarlyk döwrüniň teatr sungaty» atly V halkara teatr festiwalyna gatnaşyjylara
06.11.2026
Hormatly halkara teatr festiwalyna gatnaşyjylar!
Gadyrly dostlar!
Sizi «Bagtyýarlyk döwrüniň teatr sungaty» atly V halkara teatr festiwalynyň açylmagy bilen tüýs ýürekden gutlaýaryn. Bu iri halkara medeni çärä gatnaşýan daşary ýurtlaryň hem-de ýurdumyzyň teatrlarynyň döredijilik toparlaryna tomaşaçylaryň göwünlerini galkyndyrjak şowly çykyşlary arzuw edýärin.
Häzirki döwürde Türkmenistan döwletimiz hemişelik Bitaraplyk hukuk ýagdaýyndan ugur alyp, dostlukly ýurtlar bilen däbe öwrülen medeni hyzmatdaşlygy üstünlikli dowam edýär. Ählumumy parahatçylygyň dabaralanmagyna we dost-doganlyk gatnaşyklarynyň rowaçlanmagyna uly goşant goşýan iri halkara çäreler ýurdumyzda yzygiderli geçirilýär. Türkmenistan döwletimizde parahatçylyk, ynsanperwerlik, agzybirlik ýörelgelerine esaslanýan medeni diplomatiýany ösdürmäge aýratyn ähmiýet berilýär.
Medeni diplomatiýa dünýä halklarynyň arasynda hoşniýetli gatnaşyklary berkitmegiň möhüm binýadydyr. Türkmenistanda bäşinji gezek geçirilýän halkara teatr festiwaly medeni diplomatiýamyzyň aýrylmaz bölegine öwrüldi. Halkara teatr festiwallaryna dostlukly ýurtlaryň teatrlarynyň döredijilik toparlarynyň yzygiderli gatnaşmagy özara medeni hyzmatdaşlygymyzy has-da pugtalandyrýar. Halkara medeni gatnaşyklary ösdürmekde bolsa sungatyň ähli ugurlary bilen birlikde, teatr sungatyna hem uly orun degişlidir.
«Bagtyýarlyk döwrüniň teatr sungaty» atly V halkara teatr festiwalynyň «Garaşsyz, baky Bitarap Türkmenistan — bedew batly at-myradyň mekany» ýylynda guralmagy aýratyn ähmiýete eýedir. Bu halkara medeni çäre türkmen bedewleriniň şan-şöhratynyň dünýä ýüzünde belende göterilýän ýylynda özara medeni gatnaşyklarymyzyň bedew batly ösüşlere beslenýändigini alamatlandyrýar.
Dostlukly ýurtlaryň teatr toparlaryny, režissýorlaryny, artistlerini, dramaturglaryny bir döredijilik giňişliginde jemleýän bu halkara teatr festiwaly halklaryň arasyndaky medeni-ynsanperwer gatnaşyklary has-da dabaralandyrýar. Bu özboluşly sungat baýramy ýaş nesilleriň teatr sungatyna söýgüsini artdyrmaga, dostlukly ýurtlaryň teatr sungatynyň ösüşleri bilen ýakyndan tanyşdyrmaga uly ýardam berer.
Gadyrly sungat ussatlary!
Häzirki döwürde Türkmenistanda teatr sungatyny kämilleşdirmäge uly üns berilýär. Türkmenistanyň teatrlarynyň döredijilik toparlary daşary ýurtlarda geçirilýän halkara teatr festiwallaryna yzygiderli gatnaşyp, abraýly baýraklara eýe bolýarlar. Medeni ulgamda ýola goýlan halkara hyzmatdaşlyk teatr sungatynda gazanylýan üstünlikleri birek-birege ýakyndan tanyşdyrmaga, özara tejribe alyşmaga we teatr artistleriniň, režissýorlaryň hünär ussatlygyny ýokarlandyrmaga uly ýardam berýär. Teatrlaryň sahnasynda parahatçylygy, agzybirligi, ynsanperwerligi ündeýän, milli gymmatlyklary wasp edýän sahna oýunlarynyň goýulmagy halklaryň arasyndaky dost-doganlygy berkitmekde aýratyn ähmiýetlidir.
Hormatly myhmanlar!
Teatr sungaty gözelligiň sungatydyr. Ol ynsanyň ruhy dünýäsini baýlaşdyrýar, umumadamzat gymmatlyklaryny, dostlugy we gözelligi wasp edýär. Ynsan kalbynda gözellik döredip bilýän sungat hemişe sarpalydyr. Teatr sahnasy özboluşly dünýädir. Ol tomaşaçylarda hoşniýetli duýgulary oýarýar, ýagşy gylyk-häsiýetleri terbiýeleýär. Sahna oýunlaryna tomaşa edende, ynsanyň göwni ganatlanýar, watansöýüjiligi, ruhubelentligi ýokarlanýar.
Häzirki döwürde türkmen teatr sungaty özüniň taryhy köklerinden ugur alyp, döwrebap sahna diliniň we hünär ussatlygynyň täze belentliklerine galkynýar. Teatr sungatynyň ösüşi ynsanyň döredijilik dünýäsiniň çäksizdigini görkezýär. Teatr sungatynyň gazananlary umumadamzat gymmatlyklaryny, ynsanperwer ýörelgeleri çeper taryp etmegiň kämil nusgasydyr.
«Bagtyýarlyk döwrüniň teatr sungaty» atly V halkara teatr festiwalynyň çäklerinde görkeziljek sahna eserleriniň sungat işgärleriniň hünär ussatlygyny ýokary derejede görkezjekdigine, tomaşaçylaryň gyzgyn söýgüsini we ýokary bahasyny gazanjakdygyna berk ynanýaryn.
Hormatly halkara teatr festiwalyna gatnaşyjylar!
«Bagtyýarlyk döwrüniň teatr sungaty» atly V halkara teatr festiwalynyň dabaraly açylmagy mynasybetli sizi ýene-de bir gezek tüýs ýürekden gutlaýaryn. Size jan saglygyny, maşgala abadançylygyny we teatr sungatyny ösdürmek ugrunda alyp barýan döredijilik işleriňizde uly üstünlikleri arzuw edýärin.
Türkmenistanyň Prezidenti
Serdar Berdimuhamedow.
Source: tdh.gov.tm
Türkmenistanyň Ministrler Kabinetiniň mejlisi
05.11.2026
Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisde şu ýylyň on aýynda ýurdumyzda alnyp barlan işleriň jemleri jemlenildi.
Ilki bilen, Mejlisiň Başlygy D.Gulmanowa şu ýylyň ýanwar — oktýabr aýlarynda Türkmenistanyň Mejlisinde ýerine ýetirilen işler barada maglumat berdi. Bellenilişi ýaly, şu döwürde Türkmenistanyň Kanunlarynyň 8-si, şol sanda “Türkmenistanyň Garaşsyzlygynyň 35 ýyllygyna bagyşlanyp geçirilen dabaraly harby ýörişe gatnaşyja” atly “Türkmenistanyň ýubileý medalyny döretmek hakynda” we “Türkmenistanda ahalteke bedew atlarynyň döwlet goragy hakynda” Türkmenistanyň Kanunlary hem-de Mejlisiň kararlarynyň 15-si kabul edildi. Şeýle hem raýatlaryň hukuklaryny we kanuny bähbitlerini goramak, önümçilik desgalarynyň senagat howpsuzlygyny üpjün etmek, buhgalterçilik hasaba alnyşyny we maliýe hasabatlylygyny kämilleşdirmek, awtomobil ýollary we ýol işi, daşky gurşawy, suwuň biologik serişdelerini goramak, migrasiýa syýasatynyň netijeliligini has-da ýokarlandyrmak bilen baglanyşykly hereket edýän kanunlara degişli üýtgetmeler we goşmaçalar girizildi.
Mejlisde daşary ýurtlaryň Türkmenistandaky Adatdan daşary we Doly ygtyýarly ilçilerinden ynanç hatlarynyň 8-si kabul edildi. Şeýle hem dünýä döwletleriniň parlamentleriniň, daşary ýurtlaryň Türkmenistandaky wekilhanalarynyň we halkara guramalaryň wekilleri bilen ikitaraplaýyn hyzmatdaşlyk meselelerini ara alyp maslahatlaşmak boýunça duşuşyklaryň 48-si geçirildi. Halkara guramalaryň ýurdumyzyň degişli ministrlikleri, pudaklaýyn dolandyryş edaralary bilen bilelikde guran okuw maslahatlarynyň 105-sine gatnaşyldy. Kanunçykaryjylyk işinde tejribe alyşmak maksady bilen, Mejlisiň wekilleriniň daşary ýurtlara iş saparlarynyň 24-si amala aşyryldy.
Hormatly Prezidentimiz Serdar Berdimuhamedow berkarar döwletimiziň hukuk binýadyny berkitmek, şeýle hem ýurdumyzyň kanunçylygyny yzygiderli kämilleşdirmek boýunça alnyp barylýan işleri dowam etmegiň möhümdigini belledi.
Soňra Ministrler Kabinetiniň Başlygynyň orunbasary H.Geldimyradow şu ýylyň on aýynyň makroykdysady görkezijileri barada hasabat berdi. Bellenilişi ýaly, hasabat döwründe jemi içerki önümiň ösüşi 6,3 göterim artdy, şol sanda ösüş depgini senagat pudagynda 3,8 göterime, gurluşykda 6,8 göterime, ulag-aragatnaşyk pudagynda 10,4 göterime, söwdada 8,6 göterime, oba hojalygynda 1,2 göterime we hyzmatlar ulgamynda 8,5 göterime deň boldy.
Geçen ýylyň degişli döwri bilen deňeşdirilende, şu ýylyň ýanwar — oktýabr aýlarynda jemi öndürilen önüm 10 göterim artyp, ykdysadyýetiň pudaklarynda oňyn önümçilik netijeleri gazanyldy. Hasabat döwründe, geçen ýylyň degişli döwri bilen deňeşdirilende, bölek satuw haryt dolanyşygy 10,6 göterim, daşary söwda dolanyşygy bolsa 9,5 göterim artdy.
Şu ýylyň ýanwar — oktýabr aýlarynyň jemleri boýunça Döwlet býujetiniň girdeji böleginiň meýilnamasy 102,2 göterim we çykdajy böleginiň meýilnamasy 97,3 göterim ýerine ýetirildi. Hasabat döwründe býujetden maliýeleşdirilýän we hojalyk hasaplaşygyndaky döwlet kärhanalarynda zähmet haklary, pensiýalar, döwlet kömek pullary hem-de talyp haklary öz wagtynda maliýeleşdirildi. Maliýeleşdirmegiň ähli çeşmeleriniň hasabyna özleşdirilen düýpli maýa goýumlaryň möçberi, geçen ýylyň degişli döwri bilen deňeşdirilende, 3,3 göterim ýokarlandy. Şeýle hem Oba milli maksatnamasyny durmuşa geçirmegiň çäklerinde 2026-njy ýylyň ýanwar — oktýabr aýlarynda ýerine ýetirilen işler, şol sanda dürli maksatly desgalaryň gurluşygy barada aýdyldy.
Döwlet Baştutanymyz hasabaty diňläp, ykdysadyýet, maliýe we bank toplumynyň işini kämilleşdirmegi dowam etmegiň, jemi içerki önümiň ösüş depginini ýokary derejede saklamagyň, şeýle hem ykdysadyýetiň pudaklaryny sazlaşykly ösdürmek boýunça zerur çäreleri görmegi dowam etmegiň möhümdigini belledi we şunuň bilen baglylykda wise-premýere degişli tabşyryklary berdi.
Ministrler Kabinetiniň Başlygynyň orunbasary G.Agajanow ýurdumyzda nebitiň we gazyň çykarylyşyny artdyrmak, olary dünýä bazaryna çykarmagyň ugurlaryny köpeltmek boýunça 2026-njy ýylyň ýanwar — oktýabr aýlarynda ýerine ýetirilen işleriň netijeleri barada hasabat berdi. Bellenilişi ýaly, “Türkmennebit” döwlet konserni tarapyndan nebit çykarmagyň meýilnamasy 109,3 göterim ýerine ýetirildi.
Hasabat döwründe nebiti gaýtadan işleýän zawodlar tarapyndan nebiti gaýtadan işlemegiň meýilnamasy 107,1 göterim ýerine ýetirildi. Benzin öndürmegiň meýilnamasy 118,9 göterim, dizel ýangyjyny öndürmegiň meýilnamasy 115,7 göterim, kerosin öndürmegiň meýilnamasy 105,6 göterim, çalgy ýaglaryny öndürmegiň meýilnamasy 100 göterim, suwuklandyrylan gazy öndürmegiň meýilnamasy 112,1 göterim berjaý edildi. Tebigy we ugurdaş gazy çykarmagyň meýilnamasy bolsa 108,3 göterim ýerine ýetirildi. Şeýle hem tebigy gazy daşary ýurtlara ibermegiň meýilnamasy 109,1 göterim berjaý edildi.
Hormatly Prezidentimiz hasabaty diňläp, ýurdumyzyň nebitgaz toplumynyň önümçilik kuwwatyny netijeli peýdalanmak, nebitiň we gazyň çykarylyşyny artdyrmak, şeýle hem nebitgaz ýataklarynyň täze gorlaryny açmak boýunça alnyp barylýan işleri netijeli dowam etmegiň zerurdygyny belledi hem-de wise-premýere degişli tabşyryklary berdi.
Ministrler Kabinetiniň Başlygynyň orunbasary T.Atahallyýew gözegçilik edýän toplumynda şu ýylyň on aýynda ýerine ýetirilen işleriň netijeleri, şeýle hem ýurdumyzyň welaýatlarynda oba hojalyk işleriniň geçirilişi barada hasabat berdi. Bellenilişi ýaly, hasabat döwründe oba hojalyk pudagy boýunça önümçiligiň ösüş depgini, geçen ýylyň degişli döwri bilen deňeşdirilende, 118,2 göterime barabar boldy. Bu görkeziji Oba hojalyk ministrligi boýunça 111,4 göterime, Daşky gurşawy goramak ministrligi boýunça 107,3 göterime, Suw hojalygy baradaky döwlet komiteti boýunça 107,4 göterime, “Türkmenpagta” döwlet konserni boýunça 122,1 göterime, “Türkmengallaönümleri” döwlet birleşigi boýunça 126,4 göterime, “Türkmenobahyzmat” döwlet birleşigi boýunça 100,7 göterime, Azyk senagaty döwlet birleşigi boýunça 121,6 göterime, Maldarçylyk we guşçulyk senagaty döwlet birleşigi boýunça 104,7 göterime hem-de “Türkmen atlary” döwlet birleşigi boýunça 101,1 göterime deň boldy. Maýa goýum serişdelerini özleşdirmegiň meýilnamasy 149,2 göterim ýerine ýetirildi.
Häzirki wagtda oba hojalygyndaky möwsümleýin işleriň çäklerinde bugdaý ekilen meýdanlarda agrotehnikanyň kadalaryna laýyklykda ideg etmek, şeýle hem pagta hasylyny soňky hanasyna çenli ýygnap almak işleri dowam edýär. Bu işler bilen bir hatarda, ählihalk bag ekmek dabarasyny guramaçylykly geçirmek boýunça degişli taýýarlyk işleri alnyp barylýar.
Döwlet Baştutanymyz Serdar Berdimuhamedow hasabaty diňläp, ýurdumyzyň oba hojalyk pudagyny toplumlaýyn ösdürmegiň, onuň maddy-enjamlaýyn binýadyny berkitmegi dowam etmegiň zerurdygyny belledi. Şunuň bilen baglylykda wise-premýere oba hojalyk pudagy boýunça önümçiligiň möçberini artdyrmak we hilini gowulandyrmak boýunça alnyp barylýan işleri üns merkezinde saklamagy, şeýle-de ýurdumyzda alnyp barylýan oba hojalyk işlerini berk gözegçilikde saklamagy tabşyrdy.
Soňra Ministrler Kabinetiniň Başlygynyň orunbasary B.Annamämmedow gurluşyk we senagat toplumy tarapyndan 2026-njy ýylyň ýanwar — oktýabr aýlarynda ýerine ýetirilen işleriň netijeleri barada hasabat berdi. Bellenilişi ýaly, hasabat döwründe toplum tarapyndan öndürilen önümleriň we ýerine ýetirilen işleriň meýilnamasy 118,8 göterim berjaý edildi.
Öndürilen önümleriň we ýerine ýetirilen işleriň meýilnamasy Gurluşyk we binagärlik ministrligi boýunça 102,6 göterim, Senagat we gurluşyk önümçiligi ministrligi boýunça 132 göterim, Energetika ministrligi boýunça 103,7 göterim ýerine ýetirildi. Awtomobil ýollary ministrligi tarapyndan ýerine ýetirilen işleriň meýilnamasy 107,5 göterim berjaý edildi. “Türkmenhimiýa” döwlet konserni boýunça bu görkeziji 122,9 göterime deň boldy. Aşgabat şäheriniň häkimligi boýunça ýerine ýetirilen işleriň meýilnamasy 133 göterim berjaý edildi.
Hormatly Prezidentimiz Serdar Berdimuhamedow hasabaty diňläp, gurluşyk we senagat toplumynyň kärhanalarynyň işini yzygiderli kämilleşdirmek, himiýa kärhanalarynyň işiniň netijeliligini has-da ýokarlandyrmak, elektrik energiýasyny öndürmek, şeýle-de awtomobil ýollaryny gurmak hem-de durkuny täzelemek boýunça alnyp barylýan işleri netijeli dowam etmegiň möhümdigini belledi we şunuň bilen baglylykda wise-premýere anyk tabşyryklary berdi.
Ministrler Kabinetiniň Başlygynyň orunbasary N.Atagulyýew gözegçilik edýän ministrliklerinde we pudaklaýyn dolandyryş edaralarynda, şeýle hem telekeçilik ulgamynda şu ýylyň ýanwar — oktýabr aýlarynda alnyp barlan işleriň netijeleri barada hasabat berdi. Bellenilişi ýaly, Söwda we daşary ykdysady aragatnaşyklar ministrligi boýunça söwda dolanyşygynyň ösüş depgini, geçen ýylyň degişli döwri bilen deňeşdirilende, 114 göterime barabar boldy. Dokma senagaty ministrligi boýunça önüm öndürmekde, geçen ýylyň degişli döwri bilen deňeşdirilende, 109,6 göterim ösüş depgini üpjün edilip, bu görkeziji nah ýüplügiň önümçiliginde 103,4 göterime, nah matalarda 101,7 göterime, tikin we trikotaž önümlerinde 103,6 göterime, gön önümlerinde 100,4 göterime deň boldy. “Türkmenhaly” döwlet birleşiginiň kärhanalarynda gazanylan umumy girdejiniň ösüş depgini 106 göterime barabar boldy.
Hasabat döwründe Döwlet haryt-çig mal biržasy tarapyndan 249 birža söwdasy geçirilip, olarda 25 müň 987 şertnama hasaba alyndy. Geçen ýylyň degişli döwri bilen deňeşdirilende, umumy girdejiniň ösüş depgini 146,4 göterime, 2026-njy ýylyň ýanwar — oktýabr aýlarynda Söwda-senagat edarasy boýunça ýerine ýetirilen işleriň ösüş depgini 107,3 göterime barabar boldy. Hasabat döwründe 22 sergi we 10 maslahat geçirildi. Senagatçylar we telekeçiler birleşmesi boýunça oba hojalyk we azyk önümlerini öndürmegiň ösüş depgini 109,7 göterime, senagat önümlerini öndürmegiň ösüş depgini 108,1 göterime deň boldy. Söwda-haryt dolanyşygynda 110,2 göterim, hyzmatlar ulgamynda 109,3 göterim ösüş gazanyldy.
Döwlet Baştutanymyz hasabaty diňläp, bazarlarda we söwda nokatlarynda azyk önümleriniň hem-de beýleki harytlaryň üpjünçiligini hemişe gözegçilikde saklamagy, dokma senagatynyň kärhanalarynda ýokary hilli dokma önümlerini öndürmek işlerini dowam etmegi hem-de hususy pudagy ösdürmek boýunça netijeli işleri alyp barmagy wise-premýere tabşyrdy.
Soňra Ministrler Kabinetiniň Başlygynyň orunbasary B.Seýidowa gözegçilik edýän ulgamynda şu ýylyň ýanwar — oktýabr aýlarynda alnyp barlan işleriň netijeleri barada hasabat berdi. Bellenilişi ýaly, hasabat döwründe 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» ýyly diýlip yglan edilmegi mynasybetli dürli medeni çäreler we dabaralar, şeýle-de Türkmenistanyň Halk Maslahatynyň mejlisinden gelip çykýan wezipeleri wagyz etmek maksady bilen, maslahatlar hem-de wagyz-nesihat çäreleri geçirildi.
Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşik yglan edildi. 2026-njy ýylda Türkmenistanyň Garaşsyz Döwletleriň Arkalaşygynda başlyklyk etmegi bilen baglylykda «Awaza» milli syýahatçylyk zolagynda geçirilen ýokary derejedäki çäreleriň çäklerinde GDA agza ýurtlaryň döwlet we jemgyýetçilik teleradioýaýlymlarynyň ýolbaşçylarynyň nobatdaky mejlisi, «Tatar gyzy — 2026» atly halkara bäsleşigiň jemleýji tapgyry, telewideniýe we kino sungatyndaky üstünliklere bagyşlanan metbugat maslahaty, «Bedew bady: güýç hem gözellik» atly döwletara telewizion filmleriň bäsleşiginiň ýeňijilerini sylaglamak dabarasy, şeýle hem medeniýet-sungat ussatlarynyň konserti ýokary derejede geçirildi. Paýtagtymyzdaky «Aşgabat» köpugurly stadionynda daşary ýurtlaryň tanymal estrada aýdymçylarynyň gatnaşmaklarynda konsert geçirildi.
Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen Geýdar Aliýew adyndaky gaznanyň bilelikde guramagynda Türkmenistanyň Döwlet çeperçilik akademiýasynyň Sergiler jaýynda «Ene – tebigat» atly halkara sergi öz işine başlady. Şekillendiriş sungaty muzeýinde «Ajaýyp Hytaý: Sinszýanyň sungaty we gözelligi» atly nakgaş eserleriniň we fotosuratlaryň sergisi açyldy.
Ýurdumyzyň döredijilik toparlary, mugallymlary we talyp ýaşlary Gazagystanyň Türküstan şäherinde geçirilen Türki dünýäsiniň IV halkara talyplar teatr festiwalyna, Täjigistanyň Duşenbe şäherinde geçirilen GDA agza döwletleriň ýaşlar Delfi oýunlaryna, gurjak teatrlarynyň «Çodary haýol» atly VIII halkara festiwalyna, Özbegistanyň Andijan şäherinde geçirilen TÜRKSOÝ-a agza ýurtlaryň IV halkara teatr festiwalyna, Gazagystanyň Atyrau şäherinde geçirilen «Altyn dombra» atly VII halkara bäsleşigine gatnaşyp, üstünlikli çykyş etdiler we dürli sylaglara, baýrakly orunlara mynasyp boldular. Meşhur sungat ussatlarymyz Gazagystan Respublikasynyň II derejeli «Dostluk» ordeni bilen sylaglandylar.
Şeýle hem ýurdumyzyň köpçülikleýin habar beriş serişdeleri, Türkmen döwlet neşirýat gullugy tarapyndan ýerine ýetirilen işler barada aýdyldy.
Hormatly Prezidentimiz Serdar Berdimuhamedow hasabaty diňläp, ýurdumyzyň medeniýet ulgamynyň işini kämilleşdirmegi dowam etmegiň, medeni mirasymyzy giňden wagyz etmek boýunça işleri alyp barmagyň, şeýle hem taryhy we medeni ýadygärlikleri rejelemek, dikeltmek, gorap saklamak babatda alnyp barylýan işleri döwrebap ýola goýmagyň zerurdygyny belledi. Şunuň bilen baglylykda wise-premýere degişli tabşyryklary berdi.
Ministrler Kabinetiniň Başlygynyň orunbasary B.Mämmedow gözegçilik edýän ulgamlarynda şu ýylyň ýanwar — oktýabr aýlarynda alnyp barlan işleriň netijeleri barada hasabat berdi. Hasabatda bellenilişi ýaly, şu ýylyň on aýynyň dowamynda bilim ulgamyny döwrebaplaşdyrmak boýunça işler dowam etdirildi, okatmagyň öňdebaryjy usullary bilim işine giňden ornaşdyryldy. Okuwçy we talyp ýaşlar halkara bilim bäsleşiklerine gatnaşyp, jemi 1039 medal gazandylar. Ýokary okuw mekdepleri tarapyndan halkara olimpiadalaryň 10-sy, halkara ylmy-amaly maslahatlaryň 15-si geçirildi.
Ylym ulgamyny dünýä ölçeglerine laýyklykda ösdürmäge, ylmyň gazananlaryny önümçilige ornaşdyrmaga gönükdirilen işler dowam etdirildi. Bu döwürde okuw kitaplarynyň, gollanmalaryň, maksatnamalaryň 666-sy makullanyldy. Hasabat döwründe türkmen wekiliýeti birnäçe halkara forumlara hem-de ylmy maslahatlara gatnaşdy.
“Saglyk” Döwlet maksatnamasyna laýyklykda, ilatyň saglygyny goramak, ýokary hilli lukmançylyk hyzmatlarynyň elýeterliligini üpjün etmek, ýetilen sepgitleri halkara derejede ykrar etmek boýunça işler alnyp baryldy. Türkmen halkynyň Milli Lideri Gahryman Arkadagymyzyň başlangyjy bilen döredilen haýyr-sahawat gaznasynyň serişdeleriniň hasabyna näsag çagalara dürli lukmançylyk operasiýalary we bejergiler amala aşyryldy.
10 — 12-nji oktýabrda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara sergi we ylmy maslahat ýokary derejede geçirildi. Gahryman Arkadagymyzyň gatnaşmagynda “Arçman” şypahanasynda goşmaça täze bejeriş merkeziniň binalar toplumy, hormatly Prezidentimiziň gatnaşmagynda Halkara onkologiýa ylmy-kliniki merkezi, Stomatologiýa merkezi, Halkara pediatriýa merkezi açylyp ulanmaga berildi. Saglygy goraýyş ulgamynyň işgärleriniň 40-syna döwlet sylaglary gowşuryldy hem-de hormatly atlar dakyldy.
Şeýle hem bedenterbiýäni, sporty ösdürmek boýunça işler dowam etdirildi. Türgenlerimiz halkara ýaryşlarda ýokary netijeleri görkezip, jemi 179 altyn, 188 kümüş, 223 bürünç medal gazandylar.
Döwlet Baştutanymyz Serdar Berdimuhamedow hasabaty diňläp, ýurdumyzyň ylym, bilim, saglygy goraýyş we sport ulgamynyň işini yzygiderli kämilleşdirmegi dowam etmegiň möhümdigine ünsi çekip, bilim işgärleriniň hünär derejesini yzygiderli ýokarlandyrmak, saglygy goraýyş ulgamynyň işini döwrebaplaşdyrmak boýunça işleri dowam etmegi, şeýle hem sporty ösdürmek işini talabalaýyk alyp barmagy wise-premýere tabşyrdy.
Soňra Ministrler Kabinetiniň Başlygynyň orunbasary, daşary işler ministri R.Meredow şu ýylyň ýanwar — oktýabr aýlarynda ministrlik tarapyndan ýerine ýetirilen işleriň netijeleri barada hasabat berdi. Bellenilişi ýaly, hormatly Prezidentimiziň alyp barýan daşary syýasatyny durmuşa geçirmek, hemişelik Bitarap Türkmenistanyň daşary ýurt döwletleri we halkara guramalar bilen ikitaraplaýyn we köptaraplaýyn gatnaşyklaryny ösdürmek babatda öňde goýlan wezipeleri ýerine ýetirmek maksady bilen, Daşary işler ministrligi tarapyndan hasabat döwründe degişli işler amala aşyryldy.
Mälim bolşy ýaly, ýurdumyzyň halkara hyzmatdaşlygyny ösdürmekde ýokary derejedäki saparlar we duşuşyklar möhüm orun eýeleýär. Şunuň bilen baglylykda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň şu ýylyň on aýynyň dowamynda Amerikanyň Birleşen Ştatlaryna, Hytaýa, Awstriýa, Russiýa Federasiýasyna, Beýik Britaniýa, Eýrana, Owganystana hem-de Niderlandlar Patyşalygyna saparlary guraldy.
Hormatly Prezidentimiz şu ýylyň on aýynyň dowamynda Gazagystana, Azerbaýjana, Gruziýa, Gyrgyzystana, Koreýa Respublikasyna, Ermenistana we Türkiýä saparlary amala aşyrdy.
2026-njy ýylyň 8-9-njy oktýabrynda “Awaza” milli syýahatçylyk zolagynda döwlet Baştutanlarynyň ýokary derejeli duşuşyklaryna gatnaşmak üçin Azerbaýjanyň, Belarus Respublikasynyň, Gazagystanyň, Gyrgyzystanyň, Russiýa Federasiýasynyň, Täjigistanyň, Özbegistanyň, Eýran Yslam Respublikasynyň Prezidentleri we Ermenistanyň Premýer-ministri ýurdumyza sapar bilen geldiler. Şeýle hem şu ýylyň 22-nji maýynda paýtagtymyzda GDA-nyň Hökümet Baştutanlarynyň Geňeşiniň mejlisi geçirildi. Mejlise gatnaşmak üçin Arkalaşygyň 7 döwletiniň Hökümet ýolbaşçylary ýurdumyza sapar bilen geldiler.
Hasabat döwründe Daşary işler ministrliginiň üsti bilen jemi 718 wekiliýet döwletimize sapar bilen geldi we Türkmenistandan 1189 wekiliýet daşary ýurtlarda saparda boldy.
Şu ýylyň ýanwar — oktýabr aýlarynda sanly ulgam arkaly dürli derejedäki duşuşyklaryň 385-si geçirildi. Şeýle hem hasabat döwründe Türkmenistanda daşary ýurt döwletleri we halkara guramalar bilen bilelikde 1971 resmi gepleşikler we duşuşyklar guraldy.
Döwletimiziň halkara gatnaşyklarynyň şertnamalaýyn-hukuk binýadyny berkitmek hem esasy wezipeleriň hatarynda durýar. Şunuň bilen baglylykda, ýylyň başyndan bäri 219 halkara resminama baglaşyldy.
Türkmenistanyň Daşary işler ministrligi bilen beýleki döwletleriň daşary syýasat edaralarynyň arasynda syýasy geňeşmeleri geçirmek boýunça işler hem amala aşyrylýar. Hasabat döwründe Türkmenistanyň Daşary işler ministrligi 30 ýurduň daşary syýasat edaralary bilen syýasy geňeşmeleri geçirdi.
Daşary ýurt döwletleriniň ilçihanalarynyň üsti bilen diplomatik gatnaşyklary ösdürmek we olary has-da kämilleşdirmek Bitarap Türkmenistanyň daşary syýasy işiniň wajyp ugurlarynyň biri bolup durýar. Şunuň bilen baglylykda, şu ýylyň ýanwar — oktýabr aýlarynda 14 döwletiň Türkmenistanda täze bellenilen ilçileriniň we BMG-niň Türkmenistandaky hemişelik utgaşdyryjysynyň ynanç hatlaryny gowşurandyklary bellenildi. Şol bir wagtda Türkmenistanyň 4 sany ilçisi, şeýle hem BMG-niň we Yslam Hyzmatdaşlyk Guramasynyň ýanyndaky Türkmenistanyň hemişelik wekilleri ynanç hatlaryny gowşuryp, resmi taýdan işe başladylar.
Hormatly Prezidentimiz Serdar Berdimuhamedow hasabaty diňläp, dünýä döwletleri bilen dost-doganlyk hem-de özara bähbitli gatnaşyklary berkitmegiň ýurdumyzyň daşary syýasatynyň ileri tutulýan ugurlarynyň biri bolup durýandygyny belledi. Şunuň bilen baglylykda wise-premýer, daşary işler ministrine bu ugurda alnyp barylýan işleri dowam etmegi, şeýle hem ýylyň ahyryna çenli geçiriljek halkara çärelere, Garaşsyz döwletimiziň Bitaraplyk baýramyna gowy taýýarlyk görmegi tabşyrdy.
Ministrler Kabinetiniň Başlygynyň orunbasary B.Annaýew gözegçilik edýän düzümlerinde 2026-njy ýylyň ýanwar — oktýabr aýlarynda ýerine ýetirilen işleriň netijeleri barada hasabat berdi. Bellenilişi ýaly, ulag-aragatnaşyk toplumy boýunça ýerine ýetirilen işleriň we hyzmatlaryň ösüş depgini 113,6 göterime deň boldy. Ulaglaryň ähli görnüşi arkaly ýük daşamagyň ösüş depgini, geçen ýylyň degişli döwri bilen deňeşdirilende, 108,5 göterime, ýolagçy gatnatmagyň ösüş depgini bolsa 101,9 göterime barabar boldy.
Hasabat döwründe Demir ýol ulaglary ministrligi boýunça ýerine ýetirilen hyzmatlaryň ösüş depgini 107,4 göterime, Awtomobil ulaglary ministrligi boýunça hyzmatlaryň ösüş depgini 114,9 göterime, “Türkmenhowaýollary” döwlet gullugy boýunça hyzmatlaryň ösüş depgini 118,3 göterime deň boldy. Deňiz we derýa ulaglary döwlet gullugy boýunça bu görkeziji 101,4 göterime, Aragatnaşyk ministrligi boýunça bolsa 115,1 göterime barabar boldy.
Döwlet Baştutanymyz hasabaty diňläp, ulag we aragatnaşyk toplumynyň maddy-enjamlaýyn binýadyny döwrebaplaşdyrmak boýunça alnyp barylýan işleri gözegçilikde saklamagy, ýurdumyzda ýolagçy we ýük dolanyşygyny artdyrmak boýunça geçirilýän zerur işleri, şeýle hem sanly ulgamyň mümkinçiliginden netijeli peýdalanyp, hyzmatlaryň görnüşlerini artdyrmagy dowam etmegi wise-premýere tabşyrdy.
Soňra hormatly Prezidentimiz Ministrler Kabinetiniň agzalaryna ýüzlenip, şu ýylyň on aýynda ýerine ýetirilen işleriň gowy netijeleri görkezendigini, ýurdumyzy ösdürmäge gönükdirilen döwlet maksatnamalarynyň üstünlikli durmuşa geçirilýändigini kanagatlanma bilen belledi.
“Jemi içerki önümiň ösüşiniň hasabat döwründe 6,3 göterim derejede durnukly saklanyp gelýändigini bellemek isleýärin. Ykdysadyýetimiziň pudaklarynda özgertmeler üstünlikli dowam edýär. Önümçilik pudaklary yzygiderli döwrebaplaşdyrylýar” diýip, döwlet Baştutanymyz aýtdy we ýurdumyzda iri senagat desgalarynyň, ýaşaýyş jaýlarynyň, mekdepleriň, çagalar baglarynyň, beýleki desgalaryň gurluşygynyň dowam edýändigini aýratyn belledi. Şunuň bilen baglylykda, hormatly Prezidentimiz öňde goýlan wezipeleri üstünlikli durmuşa geçirmek maksady bilen, kabul edilen maksatnamalary amala aşyrmak boýunça netijeli işleri geçirmegi dowam etmegiň zerurdygyny nygtady.
Mejlisde döwlet durmuşyna degişli başga-da birnäçe möhüm meselelere seredildi we olar boýunça degişli çözgütler kabul edildi.
Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglygyny, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.
Source: tdh.gov.tm
Türkmenistanyň Prezidentiniň Gazagystan Respublikasyna iş sapary başlandy
05.11.2026
Şu gün hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi Aziýa döwlet Baştutanlary derejesindäki duşuşygyna gatnaşmak üçin iş sapary bilen Gazagystan Respublikasyna ugrady. Paýtagtymyzyň Halkara howa menzilinde döwlet Baştutanymyzy ýurdumyzyň resmi adamlary ugratdylar.
Türkmenistan bilen Gazagystan Respublikasynyň arasyndaky strategik dialog köpasyrlyk dostluk gatnaşyklaryna, medeni we ruhy gymmatlyklaryň umumylygyna, özara hormat goýmak ýörelgelerine esaslanýar. Bu günki gün ikitaraplaýyn gatnaşyklar özara ynanyşmagyň ýokary derejesini görkezip, hil taýdan täze sepgitlere çykarylýar. Söwda-ykdysady we üstaşyr ulag ulgamlary özara hyzmatdaşlygyň esasy ugurlary bolup durýar. Bu ugurda Gazagystan — Türkmenistan — Eýran demir ýoly ýaly bilelikdäki giň möçberli taslamalar sebiti Ýewropanyň, Aziýanyň we Ýakyn Gündogaryň arasynda möhüm logistika merkezine öwürýär.
Halkara giňişlikde we sebit platformalarynda tagallalary utgaşdyrmak ikitaraplaýyn gün tertibinde aýratyn orun eýeleýär. Türkmenistan hem-de Gazagystan ählumumy gün tertibiniň meseleleri boýunça garaýyşlarynyň ýakyndygyny ýa-da gabat gelýändigini görkezýärler.
2015-nji ýylda döredilen Akaba prosesi häzirki döwrüň ählumumy wehimlerine garşy göreşmek babatda tagallalary birleşdirmek üçin abraýly halkara meýdança hökmünde bellidir. Bu format döwlet Baştutanlaryny, halkara bilermenleri we tehnologik kompaniýalaryň ýolbaşçylaryny bir ýere jemleýär.
Ählumumy wehimleriň üýtgemegi bilen Akaba prosesiniň gün tertibi sanly giňişligi goramak, kiberhowpsuzlygy üpjün etmek we emeli aň ulgamyny düzgünleşdirmek ýaly meseleleri hem öz içine alýar. Merkezi Aziýanyň döwlet Baştutanlarynyň gatnaşmagynda Astanada geçirilýän ýokary derejeli duşuşyk bu prosesiň ösüşinde täze tapgyry alamatlandyrýar.
Türkmenistan BMG tarapyndan üç gezek ykrar edilen hemişelik Bitaraplyk hukuk derejesine eýermek bilen, Merkezi Aziýada parahatçylyk döredijilik merkezi we durnuklylygyň kepili hökmünde çykyş edýär. Ýurdumyzyň daşary syýasy strategiýasy Gahryman Arkadagymyzyň öňe süren “Dialog — parahatçylygyň kepili” filosofiýasyna esaslanýar. Türkmenistanyň öňüni alyş diplomatiýasyna işjeň gatnaşmagy we BMG-niň başlangyçlaryny goldamagy tutuş sebitde hoşniýetli goňşuçylygy, howpsuzlygy üpjün etmek üçin berk binýat döredýär. Sanlylaşdyrmagyň we emeli aňyň işjeň ornaşdyrylýan häzirki döwründe ýurdumyz bitewi, ygtybarly tehnologik giňişligi döretmek ugrunda çykyş edýär.
...Birnäçe sagatdan hormatly Prezidentimiziň uçary Astana şäheriniň iki ýurduň Döwlet baýdaklary bilen bezelen Nursultan Nazarbaýew adyndaky Halkara howa menziline gelip gondy.
Haly düşelen ýodajygyň iki tarapynda Hormat garawulynyň esgerleri nyzama düzülipdir. Bu ýerde döwlet Baştutanymyzy Gazagystan Respublikasynyň Premýer-ministri Olžas Bektenow we dostlukly ýurduň resmi adamlary, şeýle hem ýurdumyzyň resmi wekiliýetiniň agzalary mähirli garşyladylar.
Hormatly Prezidentimiziň Gazagystan Respublikasyna iş sapary dowam edýär.
Source: tdh.gov.tm
Merkezi Aziýa ýurtlarynyň we Azerbaýjan Respublikasynyň kärdeşler arkalaşyklarynyň ýolbaşçylarynyň sebitara forumy
05.11.2026
Şu gün paýtagtymyzdaky “Arçabil” myhmanhanasynda Türkmenistanyň Kärdeşler arkalaşyklarynyň Milli merkeziniň hem-de Halkara Zähmet Guramasynyň (HZG) Zähmetkeşleriň işleri boýunça edarasynyň bilelikde guramagynda Merkezi Aziýa ýurtlarynyň we Azerbaýjan Respublikasynyň kärdeşler arkalaşyklarynyň ýolbaşçylarynyň sebitara forumy geçirildi. Onuň işine degişli ýurtlaryň kärdeşler arkalaşyklarynyň, zähmeti goramak we kärdeşler arkalaşyklarynyň işini utgaşdyrmak boýunça ýöriteleşen halkara guramalaryň ýolbaşçylary hem-de wekilleri gatnaşdylar.
Ýurdumyzda zähmet gatnaşyklaryny kämilleşdirmek häzirki döwürde zähmet we iş üpjünçilik ulgamynda amala aşyrylýan döwlet syýasatynyň ileri tutulýan ugurlarynyň biridir. Bu gatnaşyklaryň hukuk binýadyny pugtalandyrmakda Halkara Zähmet Guramasynyň ýörelgelerinden ugur alynýar. Mynasyp zähmet we durmuş adalatlylygyny üpjün etmek ýurdumyzda zähmet gatnaşyklaryny ösdürmegiň we kämilleşdirmegiň esasy ýörelgeleri bolup durýar.
Sebitara forumda bellenilişi ýaly, sebit derejesinde özara bähbitli hyzmatdaşlygyň ikitaraplaýyn we köptaraplaýyn görnüşde ösdürilmegine möhüm ähmiýet berýän Garaşsyz, baky Bitarap Türkmenistan bu ugurda yzygiderli tagallalary durmuşa geçirýär. Şunuň bilen baglylykda, kärdeşler arkalaşyklarynyň sebitara forumynyň “Merkezi Aziýa+Azerbaýjan Respublikasy” görnüşinde ilkinji gezek geçirilmeginiň taryhy ähmiýeti bellenildi. Mälim bolşy ýaly, şu ýylyň oktýabr aýynda “Awaza” milli syýahatçylyk zolagynda şu görnüşde döwlet Baştutanlarynyň ilkinji konsultatiw duşuşygy geçirilipdi. Munuň özi ýurtlarymyzyň döwlet we jemgyýetçilik düzümleriniň arasyndaky gatnaşyklaryň ösüşinde hem täze tapgyry açdy. Ýeri gelende bellesek, şeýle görnüşde sebitara hyzmatdaşlygy ösdürmekde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň ägirt uly tagallalary bar.
Maslahata gatnaşyjylar Aşgabat şäherinde sebitara möçberinde şu forumyň geçirilmeginiň ýurtlarymyzyň arasyndaky hyzmatdaşlygyň barha ösýändigini, hoşniýetli goňşuçylyk gatnaşyklarynyň pugtalandyrylýandygyny, durmuş-ykdysady ösüşiň möhüm meselelerini bilelikde çözmekde tagalla edilýändigini görkezýändigini nygtadylar. Zähmet bazarynda bolup geçýän üýtgeşmeler, sanlylaşdyrmak, täze tehnologiýalaryň ornaşdyrylmagy, hünärmenleri taýýarlamak meseleleri, işgärleriň zähmet we durmuş goraglylygy kärdeşler arkalaşyklaryndan täzeçil çemeleşmeleri we ýakyn hyzmatdaşlygy talap edýär. Şunuň bilen baglylykda, sebitara forumyň diňe bir özara pikir alyşmak üçin däl, eýsem, geljekki hyzmatdaşlyk üçin netijeli meýdança bolup hyzmat edýändigi bellenildi. Şunda ýurtlaryň ugurdaş düzümleriniň toplan tejribesi uly ähmiýete eýedir.
Forumda durmuş ugurly syýasaty üstünlikli amala aşyrýan ýurdumyzda Türkmenistanyň Kärdeşler arkalaşyklarynyň Milli merkeziniň alyp barýan işi barada-da aýdyldy. Türkmenistanda zähmeti ylmy esasda guramak arkaly, zähmete bolan konstitusion hukuklaryň üpjün edilişini kämilleşdirmek babatda giň gerimli işler amala aşyrylýar. Bu ugurdaky kanunçylyk namalary halkara hukugyň umumy ykrar edilen ýörelgelerine laýyklykda yzygiderli döwrebaplaşdyrylýar. Ýurdumyzda milli maksatnamalarda iş bilen üpjünçilik ulgamyny döwrebaplaşdyrmaga, durmuş goraglylygyny giňeltmäge we durmuş hyzmatdaşlygyna ýardam etmäge möhüm ähmiýet berilýär. Türkmenistanda raýatlaryň durmuş goraglylygyny ýokarlandyrmaga gönükdirilen maksatnamalar, işgärlere berilýän ýeňillikler zähmet gatnaşyklaryny ösdürmäge, döredijilikli zähmetiň netijeliligini artdyrmaga oňyn täsirini ýetirýär. Giň gerimli özgertmeleriň çäklerinde täze iş orunlary döredilip, ykdysadyýetiň ähli ugurlaryna sanly tehnologiýalaryň we innowasiýalaryň giňden ornaşdyrylmagy netijesinde, işgärleriň mynasyp zähmet çekmegi üçin şertler döredilýär.
Duşuşykda ýurdumyzyň Halkara Zähmet Guramasy bilen yzygiderli ösdürýän hyzmatdaşlygyna hem aýratyn üns çekildi. HZG-niň konwensiýalaryndan gelip çykýan borçnamalara ygrarly bolan ýurdumyz halkara hukugyň umumy ykrar edilen kadalaryny milli kanunçylyga ornaşdyrmak boýunça netijeli işleri alyp barýar. Ilaty durmuş taýdan goramak hakynda kodeksde, Zähmet kodeksinde, «Ilatyň iş bilen üpjünçiligi hakynda» Türkmenistanyň Kanunynda we beýleki kanunçylyk namalarynda HZG-niň konwensiýalaryndan gelip çykýan kadalar öz beýanyny tapýar. Duşuşyga gatnaşyjylaryň belleýişleri ýaly, Türkmenistanyň Kärdeşler arkalaşyklarynyň Milli merkezi işgärleriň hukuklaryny we bähbitlerini goramak, durmuş adalatlylygyny goldamak, zähmet şertlerini gowulandyrmak işinde möhüm wezipäni ýerine ýetirýär. Bu ugurda degişli jemgyýetçilik guramalary we döwlet edaralary tarapyndan alnyp barylýan işler ýurdumyzyň durmuş-ykdysady taýdan has-da ösmeginde, halkymyzyň abadan durmuşyny üpjün etmekde uly ähmiýete eýedir.
Halkara Zähmet Guramasynyň (HZG) Zähmetkeşleriň işleri boýunça edarasynyň hem-de Halkara kärdeşler arkalaşyklarynyň konfederasiýasynyň wekilleri sebit we sebitara hyzmatdaşlygy ösdürmekde ýurdumyzyň tagallalaryna ýokary baha berdiler. Bellenilişi ýaly, kärdeşler arkalaşyklarynyň arasynda hyzmatdaşlygyň işjeňleşdirilmegi ýurtlaryň halklarynyň ýaşaýyş-durmuş derejesiniň yzygiderli ýokarlanmagy üçin meseleleriň oňyn çözülmegine ýardam edýär.
Kärdeşler arkalaşyklarynyň işiniň esasy wezipesi iş berijileriň we döwlet edaralarynyň öňünde işgärleriň bähbitlerine wekilçilik etmekden, zähmet kanunçylygynyň ýerine ýetirilişini üpjün etmekden hem-de zähmet şertlerini gowulandyrmakdan ybaratdyr. Adamyň hukuklaryna hormat goýmak, amatly zähmet şertlerini döretmek, iş bilen üpjünçiligi gowulandyrmak, ykdysady durnuklylygyň berkidilmegi durmuş adalatlylygynyň esasyny düzýän gymmatlyklardyr.
Maslahatda Merkezi Aziýa ýurtlarynyň we Azerbaýjan Respublikasynyň kärdeşler arkalaşyklarynyň degişli ugurda ýeten sepgitleri barada-da giňişleýin durlup geçildi. Şunuň bilen baglylykda, olaryň işini ösdürmekde sanly ulgamyň mümkinçiliklerinden peýdalanmak boýunça gazanylan üstünlikler, işgärleriň zähmet hukugy babatda bilimlerini artdyrmak boýunça görülýän çäreler duşuşyga gatnaşyjylarda uly gyzyklanma döretdi. Şeýle hem sebit ýurtlarynyň kärdeşler arkalaşyklarynyň arasynda özara hyzmatdaşlygyň ösdürilmegi üçin şeýle duşuşyklaryň yzygiderli geçirilmeginiň möhümdigi bellenildi.
Goňşy ýurtlaryň wekilleri sebitiň döwletleriniň ilatynyň hemmetaraplaýyn sazlaşykly ösüşiniň üpjün edilmeginde kärdeşler arkalaşyklarynyň utgaşykly işiniň mümkinçiliklerini bellediler. Şunda hünärmenleriň hünär derejesini artdyrmakda, özara okuwlary guramakda sebit ähmiýetli taslamalaryň amala aşyrylmagyna uly gyzyklanma bildirilýär. Iş üpjünçilik, zähmetkeşleriň hukuklaryny we bähbitlerini goramak ulgamynyň kämilleşdirilmegi babatda özara hyzmatdaşlyk Durnukly ösüş maksatlaryna ýetmäge ýardam edýär. Çykyş edenler ylmy taýdan esaslandyrylan çemeleşmeleri, innowasion tehnologiýalary we ykdysady taýdan netijeli çözgütleri kabul etmekde dünýä döwletlerinde ileri tutulýan ylmyň öňdebaryjy gazananlaryny yzygiderli öwrenmegiň zerurdygyny nygtadylar.
Merkezi Aziýa ýurtlarynyň we Azerbaýjan Respublikasynyň kärdeşler arkalaşyklarynyň wekilleri türkmen topragynda bildirilen myhmansöýerlik, ak mermerli Aşgabatda meýilleşdirilen çäreleriň ýokary derejede guralandygy üçin tüýs ýürekden hoşallyk bildirdiler.
Sebitara forumyň çäklerinde Jemgyýetçilik guramalarynyň merkezinde Türkmenistanyň Kärdeşler arkalaşyklarynyň Milli merkeziniň başlygynyň ýolbaşçylygynda Kärdeşler arkalaşyklarynyň pudaklaýyn geňeşleriniň başlyklarynyň we bölüm müdirleriniň Azerbaýjan Respublikasynyň Kärdeşler arkalaşyklarynyň Konfederasiýasynyň başlygy we wekilleri bilen iş duşuşygy geçirildi. Duşuşygyň dowamynda kärdeşler arkalaşyklarynyň arasyndaky hyzmatdaşlygy ösdürmek, özara tejribe alyşmak we bilelikdäki hyzmatdaşlygyň geljekki ugurlary boýunça pikir alşyldy.
Source: tdh.gov.tm
Hormatly Prezidentimiz Serdar Berdimuhamedow möhüm desgalaryň düýbüni tutmak we açylyş dabaralaryna gatnaşdy
04.11.2026
Şu gün hormatly Prezidentimiz Serdar Berdimuhamedow Daşoguz welaýatyna iş saparyny amala aşyryp, Aşgabat — Daşoguz awtomobil ýolunyň, Garaşsyzlyk etrabynda ýylda 60 müň tonna senagat pagta çigidini gaýtadan işleýän ösümlik ýag kärhanasynyň hem-de azotly dökünleri öndürýän täze toplumyň düýbüni tutmak dabaralaryna gatnaşdy. Şeýle hem döwlet Baştutanymyz sanly ulgam arkaly göni ýaýlymda Türkmenbaşy — Garabogaz — Gazagystan awtomobil ýolunyň Garabogaz — Gazagystan böleginiň açylyşyna ak pata berdi. Munuň özi ýurdumyzda giňden bellenilýän Gurluşyk we senagat toplumynyň işgärleriniň gününe ajaýyp toý sowgady bolmak bilen, Gahryman Arkadagymyzyň asylly başlangyçlaryny üstünlikli durmuşa geçirýän Arkadagly Gahryman Serdarymyzyň baştutanlygynda köpri gurmak, ýol çekmek ýaly sogap işleriň dowamata atarylýandygynyň aýdyň beýanyna öwrüldi.
Gahryman Arkadagymyzyň başlangyçlary bilen, hormatly Prezidentimiziň baştutanlygynda ýurdumyzyň welaýatlaryny toplumlaýyn ösdürmek hem-de olaryň senagat we ulag infrastrukturasyny kämilleşdirmek boýunça zerur işler alnyp barylýar. Bu bolsa “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda” bellenilen wezipeleriň üstünlikli amala aşyrylýandygyna şaýatlyk edýär. Berkarar döwletiň täze eýýamynyň Galkynyşy döwründe Diýarymyzyň çar künjeginde medeni-durmuş, önümçilik maksatly desgalaryň gurlup ulanmaga berilmegi milli ykdysadyýetimiziň kuwwatynyň aýdyň görkezijisidir. Hormatly Prezidentimiziň alyp barýan döwlet syýasatynda halkymyzyň ýaşaýyş-durmuş derejesiniň has-da ýokarlandyrylmagyna möhüm ähmiýet berilýär.
Häzirki wagtda ýerli çig malyň binýadynda öndürilýän önümleriň möçberini artdyrmak maksady bilen, gurluşyk we senagat toplumynyň düzümindäki önümçilik desgalaryny döwrebaplaşdyrmak, importyň ornuny tutýan, eksport ugurly önümleri öndürýän täze önümçilikleri döretmek boýunça yzygiderli işler durmuşa geçirilýär. Şunuň bilen bir hatarda, ýurdumyzyň ýol-ulag düzümini kämilleşdirmek, täze halkara ulag geçelgelerini döretmek babatda iri taslamalar amala aşyrylýar. Şonuň netijesinde, häzirki döwrüň ýokary talaplaryna laýyk gelýän awtomobil ýollarynyň ösen ulgamy kemala getirildi.
...Irden paýtagtymyzyň Halkara howa menzilinde döwlet Baştutanymyzy ýurdumyzyň resmi adamlary ugratdylar. Birnäçe wagtdan hormatly Prezidentimiz Serdar Berdimuhamedowyň uçary Daşoguz şäheriniň Halkara howa menziline gelip gondy.
Bu ýerde döwlet Baştutanymyz mähirli garşylanyldy.
Arkadagly Gahryman Serdarymyz welaýatyň medeniýet we sungat ussatlarynyň aýdym-sazly çykyşlaryna tomaşa etdi.
Aýdym-sazly çykyşlar tamamlanandan soňra, döwlet Baştutanymyz dabaranyň geçirilýän ýerine ugrady.
Şanly waka mynasybetli bu ýere Mejlisiň Başlygy, Ministrler Kabinetiniň Başlygynyň orunbasarlary, ýurdumyzyň ministrlikleriniň, pudaklaýyn dolandyryş edaralarynyň ýolbaşçylary, Daşoguz welaýatynyň häkimi, köp sanly myhmanlar ýygnandylar.
Dabara gatnaşyjylar uly ruhubelentlik bilen hormatly Prezidentimizi mübäreklediler. Medeniýet we sungat ussatlarynyň aýdym-sazly çykyşlary dabaranyň şowhunyny has-da artdyrdy.
Döwlet Baştutanymyz ýörite gurnalan mejlisler zalyna baryp, täze desgalaryň açylyş we düýbüniň tutulyş dabaralary mynasybetli çykyş etdi.
Arkadagly Gahryman Serdarymyz dabara gatnaşyjylara ýüzlenip, şu gün ýurdumyzyň Daşoguz welaýatynda möhüm ähmiýetli desgalaryň — Aşgabat — Daşoguz awtomobil ýolunyň, senagat pagta çigidini gaýtadan işleýän ösümlik ýag kärhanasynyň hem-de azotly dökünleri öndürýän täze toplumyň düýbüni tutmak dabarasynyň geçirilýändigini, şeýle hem şu gün Balkan welaýatynda Türkmenbaşy — Garabogaz — Gazagystan awtomobil ýolunyň Garabogaz — Gazagystan böleginiň açylyp ulanmaga beriljekdigini belledi hem-de hemmeleri täze desgalaryň düýbüni tutmak we ulanmaga bermek dabarasy bilen gutlady.
Bellenilişi ýaly, parasatly pederlerimiz ýol çekmegi, köpri gurmagy döwletlilik hasaplap, ony asylly ýörelgä öwrüpdirler. Beýik Ýüpek ýolunyň ýüregi bolan Türkmenistanda häzirki wagtda bu asylly işler mynasyp dowam etdirilýär. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy», ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasy üstünlikli durmuşa geçirilýär. Netijede, täze awtomobil ýollary, köprüleri yzygiderli gurlup ulanmaga berilýär, awtomobil ýollary ulgamynyň işi kämilleşdirilýär.
Döwlet Baştutanymyz şu gün Demirgazyk — Günorta ugry boýunça amatly ulag geçelgesi hasaplanýan Aşgabat — Daşoguz awtomobil ýolunyň gurluşygyna badalga berilýändigini aýdyp, ýurdumyzyň demirgazyk künjegini paýtagtymyz bilen birleşdirýän Aşgabat — Daşoguz awtomobil ýolunyň gurulmagynyň üstaşyr ulag geçelgelerini ösdürmäge, gatnawlaryň howpsuzlygyny üpjün etmäge ýardam berjekdigini, şeýle hem goňşy döwletleriň arasynda haryt dolanyşygynyň, ulag we ýolagçy gatnawlarynyň möçberini has-da artdyrjakdygyny nygtady.
Umumy uzynlygy 550 kilometre golaý bolan bu ýolda ýolagçylar we sürüjiler üçin ähli şertler dörediler. Täze awtomobil ýoly sanly ulgam arkaly dolandyrylýan döwrebap ýol gözegçilik enjamlary bilen üpjün ediler. Täze ýoluň ugrunda uzynlygy 812 metr bolan täze häzirki zaman awtomobil köprüsi hem gurlar. Şeýle hem bar bolan 9 sany awtomobil köprüsi doly döwrebaplaşdyrylar.
Nygtalyşy ýaly, geçen ýyl Türkmenbaşy — Garabogaz — Gazagystanyň serhedine barýan awtomobil ýolunyň düýbi tutuldy. Bu gün bolsa bu möhüm ähmiýetli ýoluň uzynlygy 44 kilometr bolan Garabogaz — serhetýaka bölegi açylyp ulanmaga berilýär. Demirgazyk — Günorta halkara ulag geçelgesiniň aýrylmaz bölegi bolan bu ýol-ulag düzümi halkara ähmiýetli ulag ugurlarynyň möhüm bölegine öwrüler.
Şu gün Daşoguz welaýatynyň Garaşsyzlyk etrabynda kuwwatlylygy ýylda 60 müň tonna senagat pagta çigidini gaýtadan işlemäge we ösümlik ýagyny öndürmäge niýetlenen döwrebap kärhananyň hem düýbi tutulýar. Kärhanada ösümlik ýagyny öndürmek pudagynda uly tejribä eýe bolan halkara kompaniýalaryň döwrebap enjamlary ornaşdyrylar. Bu bolsa kärhananyň halkara hil talaplary esasynda işlemegini üpjün edip, ýokary hilli pagta ýagyny öndürmäge mümkinçilik berer. Döwrebap kärhananyň işe girizilmegi bilen, bu ýerde 250-ä golaý adamyň zähmet çekmegi üçin ähli şertler dörediler.
Hormatly Prezidentimiz ýurdumyzda senagat ulgamyny innowasion esasda ösdürmäge möhüm ähmiýet berilýändigini, ýakynda bolsa «Türkmenistany senagat taýdan ösdürmegiň 2030 — 2045-nji ýyllar üçin milli Strategiýasynyň» kabul edilendigini belläp, häzirki wagtda ýurdumyzda eksporta niýetlenen önümçilikleriň döredilýändigini, dürli görnüşli we ýokary hilli önümleriň möçberiniň yzygiderli artdyrylýandygyny aýtdy.
Bellenilişi ýaly, himiýa senagaty hem ykdysadyýetimiziň möhüm pudaklarynyň biri bolup durýar. Pudagy ösdürmek üçin ýurdumyzda giň gerimli işler alnyp barylýar. Uly möçberli maýa goýumlar özleşdirilip, iri taslamalar amala aşyrylýar. Önümçilige döwrebap tehnologiýalar giňden ornaşdyrylýar. Häzirki döwürde ýurdumyzyň himiýa senagatynda birnäçe iri kärhanalar netijeli işleýär. Şol kuwwatly kärhanalarda ýerli çig mallary ulanmaga möhüm ähmiýet berilýär. Şu gün Daşoguz welaýatynda düýbi tutulýan täze himiýa desgasy hem uly möçberli maýa goýum taslamalarynyň biri bolup durýar. Täze toplumyň önümçiliginde Ýewropanyň we Aziýanyň öňdebaryjy kompaniýalarynyň kämil tehnologiýalary ornaşdyrylar. Bu bolsa ekologiýa taýdan arassa önümçilik işini ýola goýmaga ýardam eder.
Döwrebap toplum ýylda 350 müň tonna karbamid we 350 müň tonna ammiak selitra dökünlerini öndürmäge niýetlenendir. Bu toplumda öndüriljek dökünler ýurdumyzyň oba hojalyk sarp edijileriniň isleglerini doly kanagatlandyrar. Şeýle hem daşary ýurtlara eksport ediler. Bu ýerde bir müňden gowrak täze iş orunlary dörediler. Zähmet çekjek hünärmenleriň köp sanlysy daşary ýurtlaryň ýokary okuw mekdeplerinde okadylyp, olaryň işlemegi üçin ähli zerur şertler dörediler. Umuman, döwrebap azotly dökünleri öndürýän toplumyň gurulmagy ýurdumyzyň himiýa senagatyny mundan beýläk-de ösdürmäge uly goşant goşar.
“Ýurdumyzyň beýleki welaýatlary bilen bir hatarda Daşoguz welaýatyny durmuş-ykdysady taýdan ösdürmek boýunça maksatnamalaýyn işler üstünlikli durmuşa geçirilýär. Bu ýerde kuwwatly senagat kärhanalary, medeni-durmuş maksatly binalar we desgalar yzygiderli gurlup ulanmaga berilýär” diýip, döwlet Baştutanymyz belledi hem-de geljekde hem Garaşsyz Diýarymyzyň sebitlerini ösdürmek boýunça alnyp barylýan işleriň dowam etdiriljekdigini aýtdy. Hormatly Prezidentimiz çykyşynyň ahyrynda «Garaşsyz, baky Bitarap Türkmenistan — bedew batly at-myradyň mekany» ýylynda Aşgabat — Daşoguz awtomobil ýolunyň, senagat pagta çigidini gaýtadan işleýän ösümlik ýag kärhanasynyň hem-de azotly dökünleri öndürýän täze toplumyň düýbüniň tutulmagy, şeýle hem Garabogaz — serhetýaka awtomobil ýolunyň açylyp ulanmaga berilmegi bilen hemmeleri tüýs ýürekden gutlady hem-de berk jan saglygyny, maşgala abadançylygyny, alyp barýan işlerinde uly üstünlikleri arzuw etdi.
Hormatly Prezidentimiziň çykyşy şowhunly el çarpyşmalar bilen garşylanyldy.
Soňra sanly ulgam arkaly göni aragatnaşykda Türkmenbaşy — Garabogaz — Gazagystan awtomobil ýolunyň Garabogaz — Gazagystan böleginiň açylyş dabarasy boldy.
Balkan welaýatyndan Hormatly il ýaşulusy A.Begjanow sanly ulgam arkaly çykyş edip, Berkarar döwletiň täze eýýamynyň Galkynyşy döwründe ýurdumyzyň ulag we aragatnaşyk ulgamynyň uly ösüşleri başdan geçirýändigini, ata-babalarymyzyň «Ýol salan sogap gazanar», «Ýoly bar ýurduň ýagty geljegi bar» ýaly asylly ýörelgeleriniň hormatly Prezidentimiziň tagallalary bilen barha rowaçlanýandygyny belledi. Nygtalyşy ýaly, Gahryman Arkadagymyzyň başlangyçlary esasynda we hormatly Prezidentimiziň parasatly baştutanlygynda ýurdumyz dost-doganlygyň mekanyna, parahatçylyk köprüsine öwrüldi. Geçen ýyl döwlet Baştutanymyzyň ak pata bermegi bilen düýbi tutulan Türkmenbaşy — Garabogaz — Gazagystan awtomobil ýolunyň Garabogaz — serhetýaka böleginiň şu gün dabaraly ýagdaýda açylyp ulanmaga berilmegi bedew batly Watanymyzyň taryhyna altyn harplar bilen ýazyljak şanly wakadyr. Bu ýol diňe bir iki goňşy döwleti däl, eýsem, sebitleri birleşdirjek, söwda-haryt dolanyşygyny, ulag we ýolagçy gatnawlaryny ösdürjek dostluk ýoly bolar.
Şunuň bilen baglylykda, A.Begjanow döwlet Baştutanymyzdan Garabogaz — serhetýaka awtomobil ýolunyň açylyşyna ak pata bermegini haýyş etdi.
Döwlet Baştutanymyz täze ýoluň açylyş dabarasyna ak pata berdi.
Şol pursat şowhunly aýdym-sazlar ýerine ýetirilip, dabara gatnaşýan hormatly ýaşulular toý bagyny kesdiler.
Soňra täze awtomobil ýolunyň ulanmaga berilmegini beýan edýän wideoşekil görkezildi.
Demirgazyk — Günorta halkara ulag geçelgesiniň möhüm bölegi bolan Türkmenbaşy — Garabogaz — Gazagystan awtomobil ýolunyň Garabogaz — serhetýaka böleginiň umumy uzynlygy 44 kilometre deňdir. Ýer düşeginiň ini 27,5 metre deň bolan bu döwrebap awtomobil ýolunyň gatnaw bölegi her biriniň ini 9 metr bolan iki ugurdan ybaratdyr. Ýoluň howpsuzlygyny we amatlylygyny üpjün etmek maksady bilen, 3,5 metrlik bölüji zolak hem-de her tarapynda ini 3 metr bolan ýol gyralary göz öňünde tutulypdyr. Ýoluň gurluşygy halkara standartlara laýyklykda ýerine ýetirilip, onuň esasy gatnaw bölegi toprak gatlagynyň we geotekstiliň üstünden 20 santimetrlik iki sany iri däneli çagyl-çäge, 10 santimetrlik ownuk däneli çagyl garyndylary, şeýle hem 8 santimetrlik öýjükli, 7 santimetrlik iri däneli hem-de 5 santimetrlik dykyz ownuk däneli gyzgyn asfaltbeton gatlaklaryndan ybaratdyr. Bölüji zolakda bolsa toprak gatlagynyň üstünden 15 santimetrlik owradylan çagyl garyndysy we 10 santimetrlik ownuk däneli gyzgyn asfaltbeton gatlagy düşelip, ýol infrastrukturasynyň durnuklylygy üpjün edilýär.
Soňra täze düýbi tutuljak Aşgabat — Daşoguz awtomobil ýoly barada taýýarlanan animasion wideofilm görkezildi.
Aşgabat şäheriniň görküne görk goşýan Oguz han suw çüwdürimler toplumyndan başlanýan Aşgabat — Daşoguz awtomobil ýolunyň umumy uzynlygy 546 kilometre deňdir. Ulag durnuklylygyny we ýokary tizligi üpjün etmek maksady bilen, ýol dört tapgyra bölünip, iň kämil ykdysady-tehniki görkezijileriň esasynda gurlar. Onuň 1-nji böleginiň, ýagny 0 — 9-njy kilometr aralygynyň ýer düşeginiň ini 65 metr bolup, jemi 8 zolakdan ybaratdyr. Bu ýerde iki taraplaýyn pyýada ýollary, gök zolaklar we ýanýollar göz öňünde tutulandyr. Ýoluň 9 — 48-nji hem-de 527 — 546-njy kilometr aralyklarynyň ýer düşeginiň ini 34 metr bolup, 6 hereket zolagyndan ybaratdyr. 48 — 527-nji kilometr aralygynda bolsa ýoluň ini 26,5 metr bolup, 4 hereket zolagyna bölünendir. Ýoluň ugrunda ýolagçylaryň we sürüjileriň rahatlygy üçin ähli şertler göz öňünde tutulypdyr.
Taslamanyň dowamynda öň bar bolan jemi 9 sany köpriniň durky täzelener. Şeýle hem “Naýzalydepiz” oýtumynda uzynlygy 812 metr, ini 25 metr bolan 2 gatnawly awtomobil köprüsi we onuň 2 kilometrlik eltiji ýollary, ýoluň ugrunda döwrebap we oňaýly 136 sany awtobus duralgasy hem-de 13 sany awtoduralga meýdançasy gurlar. Mundan başga-da, ýol hereketiniň kadaly we howpsuz bolmagyny üpjün etmek maksady bilen, polisiýanyň ýol gözegçilik nokatlarynyň 7-si gurlar hem-de döwrebap wideogözegçilik we tizlik ölçeýji ulgamlary ornaşdyrylar.
Soňra döwlet Baştutanymyz ýaş nesliň wekilleriniň haýyşy boýunça täze awtomobil ýolunyň düýbüniň tutulmagy mynasybetli ýadygärlik ýazgy galdyrdy.
Soňra Daşoguz welaýatynyň Garaşsyzlyk etrabynda ýylda 60 müň tonna senagat pagta çigidini gaýtadan işlejek ösümlik ýag kärhanasy barada taýýarlanan animasion wideofilm görkezildi.
Umumy meýdany 122 müň 500 inedördül metr bolan önümçilik desgasy bir gije-gündizde 600 tonna çig mal kabul etmäge ukyply bolup, kabul edilen çig mal ilkinji tapgyrda kärhananyň barlaghanasynda barlagdan geçirilýär we çig mal ammarlarynda toplanýar. Kärhanadaky sykma bölümi günde 200 tonna çig maly gaýtadan işlemäge niýetlenendir. Sykma bölüminden çykan çig ýag arassalamak we hilini gowulandyrmak üçin rafinasiýa bölümine iberilýär. Rafinasiýa bölüminiň kuwwatlylygy bir gije-gündizde 50 tonna çig ýagy arassalamaga mümkinçilik berýär.
Kärhanada öndürilen ekologiýa taýdan arassa, ýokary hilli ýag guýma we gaplama binasyna ugradylýar. Bu binada dünýäniň öňdebaryjy tehnologiýalary ornaşdyrylyp, bir ýylda jemi 9 milliona golaý 1 litr göwrümdäki plastik gaplara guýlan ýag öndürmäge mümkinçilik berýär. Täze kärhana içerki bazarda haryt bolçulygyny üpjün etmäge, ýurdumyzda azyk howpsuzlygyny berkitmäge hem-de ýerli önümçiligi ösdürmäge uly goşant goşar.
Soňra hormatly Prezidentimiz senagat pagta çigidini gaýtadan işleýän ösümlik ýag kärhanasy barada ýadygärlik ýazgy galdyrdy.
Soňra Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak dabarasynda çykyş etmek üçin «Çalyk Holding» kompaniýalar toparynyň dolandyryjylar geňeşiniň başlygy Ahmet Çalyga söz berildi.
Işewür hemmeleri mübärekläp, Gahryman Arkadagymyz tarapyndan başy başlanan toplumlaýyn işleriň netijesinde hem-de hormatly Prezidentimiziň baştutanlygynda ata Watanymyz Türkmenistanyň ähli ugurlarda uly üstünliklere ýetip, durnukly ösüş ýoly bilen ynamly öňe barýandygyny belledi. Nygtalyşy ýaly, ýurdumyzyň ykdysadyýetiniň uzak möhletli ösüş maksatlaryna laýyklykda, himiýa senagatyny ösdürmäge, onuň önümçilik kuwwatyny artdyrmaga we milli ykdysadyýetde eýeleýän ornuny has-da pugtalandyrmaga gönükdirilen giň gerimli maýa goýumlary özleşdirmek işleri yzygiderli durmuşa geçirilýär.
Türkmenistanyň himiýa senagatyny mundan beýläk-de ösdürmäge gönükdirilen maksatnamalara laýyklykda, öňdebaryjy halkara tejribäni, innowasion tehnologiýalary hem-de ylmy-tehniki gazanylanlary giňden ornaşdyrmak möhüm ähmiýete eýe bolýar. Şunuň bilen baglylykda, ýokary goşmaça gymmaty bolan bäsdeşlige ukyply himiki önümleriň önümçiligini giňeltmek, tebigy baýlyklary we ýerli çig mal serişdelerini netijeli peýdalanmak arkaly himiýa senagatynyň kuwwatyny pugtalandyrmak ileri tutulýan ugurlaryň biri hökmünde kesgitlenýär. Bu maksatnamalary üstünlikli durmuşa geçirmegiň çäklerinde Türkmenistan himiýa senagatynyň durnukly ösüşini üpjün etmäge, pudaga öňdebaryjy tehnologiýalary we innowasion çözgütleri giňden ornaşdyrmaga, şeýle hem özara tejribe we bilim alyşmalaryny işjeňleşdirmäge aýratyn ähmiýet berýär.
Ahmet Çalyk şu günki dabara hormatly Prezidentimiziň gatnaşmagynyň ähmiýetini belläp, ýurdumyzyň ykdysady taýdan has-da ösmegine, senagat kuwwatynyň artmagyna oňyn täsirini ýetirjek bu täze desganyň gurluşygynyň ýolbaşçylyk edýän kompaniýasyna ynanylandygy üçin döwlet Baştutanymyza we Gahryman Arkadagymyza tüýs ýürekden hoşallyk bildirdi hem-de «GAP Inşaat» gurluşyk kompaniýasynyň Germaniýanyň «ThyssenKrupp Uhde GmbH» kompaniýasy bilen hyzmatdaşlykda bu desganyň gurluşygyny halkara standartlara laýyklykda amala aşyrjakdygyna hem-de taslamany ösen tehnologiýalaryň, innowasion çözgütleriň we ekologiýa taýdan arassa çemeleşmeleriň esasynda durmuşa geçirjekdigine ynandyrdy.
Soňra German ykdysadyýetiniň Gündogar komitetiniň ýerine ýetiriji direktory Mihael Harms çykyş edip, Daşoguz welaýatynda geçirilýän şeýle möhüm waka gatnaşmagyň özi üçin uly mertebedigini belledi hem-de ýolbaşçylyk edýän komitetiniň adyndan Türkmenistanyň ykdysady kuwwatynyň hem-de häzirki zaman senagat ösüşiniň berk binýadyny goýan Gahryman Arkadagymyza, bu özgertmeleri üstünlikli dowam edýän hormatly Prezidentimize tüýs ýürekden hoşallyk bildirdi.
Bellenilişi ýaly, Türkmenistan Garaşsyzlyk ýyllarynyň dowamynda Germaniýa bilen ýakyn hyzmatdaşlyk alyp barýar. Şol ýyllaryň dowamynda nemes kompaniýalary Türkmenistanyň ykdysadyýetiniň esasy pudaklarynda iş alyp barmak bilen, öňdebaryjy tehnologiýalary, senagat enjamlaryny ornaşdyrmak we durnukly infrastrukturany ösdürmek işine uly goşant goşup gelýärler. Häzirki wagtda german-türkmen ykdysady gatnaşyklary ýokary derejelere çykarylyp, şu günki täze desganyň düýbüni tutmak dabarasy hem ikitaraplaýyn gatnaşyklary pugtalandyrmakda hem-de umumy ykdysady üstünlikleri berkitmekde ýene-de bir möhüm tapgyr bolar. Daşoguzdaky toplumda «ThyssenKrupp Uhde GmbH» kompaniýasynyň ammiak, karbamid we ammiak selitrasyny öndürmek boýunça dünýäde meşhur bolan tehnologiýalary ornaşdyrylar. Bu öňdebaryjy çözgütler serişdelerden iň ýokary derejede netijeli peýdalanmagy hem-de içki bazaryň talaplaryny kanagatlandyrmak üçin ýokary hilli dökünleriň öndürilmegini üpjün edýär.
Mihael Harms bu möhüm senagat taslamasynyň ähmiýetini belläp, onuň gurluşygyna badalga berilýändigi üçin hormatly Prezidentimize we Gahryman Arkadagymyza ýene-de bir gezek hoşallyk bildirdi.
Soňra Germaniýa Federatiw Respublikasynyň «ThyssenKrupp Uhde GmbH» kompaniýasynyň baş ýerine ýetiriji direktory hanym Nadýa Hokanssona söz berildi. Ol Türkmenistanda ammiak selitrasyny we karbamid öndürýän toplumyň düýbüni tutmak dabarasyna gatnaşmagyň we bu ýerde çykyş etmegiň özi üçin uly hormatdygyny belläp, «ThyssenKrupp Uhde GmbH» kompaniýasynyň adyndan şeýle möhüm dabara gatnaşmaga döredilen mümkinçilik üçin hormatly Prezidentimize tüýs ýürekden hoşallygyny beýan etdi.
Işewür zenan döwlet Baştutanymyzyň goldawy bilen durmuşa geçirilýän bu döwrebap önümçilik toplumynda wekilçilik edýän kompaniýasynyň iň kämil inženerçilik we tehnologik çözgütleriniň ulanyljakdygyny belläp, bu innowasiýalaryň energiýa we serişde tygşytlamaga, munuň netijesinde bolsa önümçiligiň netijeliligini ýokarlandyrmaga hem-de daşky gurşawa ýetirilýän täsiri peseltmäge ýardam edýändigini aýtdy.
Nadýa Hokansson şu gün Türkmenistanyň senagat ulgamyny ösdürmekde möhüm ähmiýete eýe boljak iri önümçilik toplumynyň gurluşygyna badalga berilýändigini belläp, «ThyssenKrupp Uhde GmbH» kompaniýasynyň bu taslamanyň üstünlikli durmuşa geçirilmegini üpjün etmek üçin öz öňdebaryjy tehnologiýalaryny we inženerçilik tejribesini hödürlemäge taýýardygyny tassyklady.
Daşoguz welaýatynyň Garaşsyzlyk etrabynyň çäginde ýylda 350 müň tonna karbamid we 350 müň tonna ammiak selitra dökünlerini öndürjek täze toplum barada taýýarlanan animasion wideofilm görkezildi.
Toplumyň önümçiliginiň esasy çig maly tebigy gaz bolup, onuň deslapdan bir ýylda 630 million kub metr möçberini sarp etmek göz öňünde tutulýar. Täze taslamada dünýäniň öňdebaryjy kompaniýalarynyň tehnologiýalary ulanylar hem-de energetika üpjünçiligi ornaşdyrylan turbina generatorlary bilen üpjün ediler. Toplumda öndüriljek karbamid hem-de ammiak selitra dökünleri ýurdumyzyň içerki sarp edijileriniň isleglerini doly kanagatlandyrmaga gönükdirilendir. Şeýle hem täze toplumda öndüriljek karbamidiň agramly bölegi daşary ýurtlara eksport ediler. Mundan başga-da, toplumda 1 müňden gowrak täze iş orunlarynyň döredilmegine garaşylýar. Bu bolsa Daşoguz welaýatynyň ilatynyň iş bilen üpjünçiligini ýokarlandyrmaga itergi berer.
Wideofilm tamamlanandan soňra hormatly Prezidentimiz körpeleriň haýyşy boýunça täze toplum barada ýadygärlik ýazgy galdyrdy.
Soňra döwlet Baştutanymyz azotly dökünleri öndürjek täze toplumyň düýbüniň tutuljak ýerine geldi.
Ýaş nesliň wekili hormatly Prezidentimizden täze toplumyň düýbüni tutup bermegini haýyş etdi hem-de gol çekilen sene ýazgyly gutyny gowşurdy.
Arkadagly Gahryman Serdarymyz täze toplumyň binýadyna ýadygärlik ýazgyly gutujygy oklady hem-de pil bilen ilkinji beton garyndysyny guýup, onuň gurluşygyna badalga berdi. Döwlet Baştutanymyzyň göreldesine eýerip, dabara gatnaşyjylar hem toplumyň düýbüne beton garyndysyny atdylar.
Soňra döwlet Baştutanymyz senagat pagta çigidini gaýtadan işleýän ösümlik ýag kärhanasynyň düýbüni tutmak dabarasynyň geçirilýän ýerine geldi. Bu ýerde ýurdumyzyň medeniýet we sungat ussatlarynyň çykyşlary ýaýbaňlandyryldy.
Ýaş nesliň wekili hormatly Prezidentimizden senagat pagta çigidini gaýtadan işleýän ösümlik ýag kärhanasynyň düýbüni tutup bermegini haýyş etdi hem-de gol çekilen sene ýazgyly gutyny gowşurdy.
Ýadygärlik ýazgy galdyrylan gutujyk ýygnananlaryň şowhunly el çarpyşmalary astynda täze toplumyň binýadyna atyldy. Hormatly Prezidentimiz düýbi tutulýan desganyň binýadyna ilkinji beton garyndysyny atdy. Dabara gatnaşýan hormatly ýaşulular hem döwlet Baştutanymyzyň göreldesine eýerip, desganyň binýadyna beton garyndysyny atdylar.
Soňra hormatly Prezidentimiz bu ýerden Aşgabat — Daşoguz awtomobil ýolunyň düýbüniň tutuljak ýerine geldi.
Arkadagly Gahryman Serdarymyz ýaş nesliň wekiliniň haýyşy boýunça täze awtomobil ýolunyň düýbüniň tutulmagy mynasybetli ýadygärlik ýazgy galdyrylan gutujygy hem-de ilkinji beton garyndysyny ýygnananlaryň şowhunly el çarpyşmalary astynda gurluşyk meýdançasynyň binýadyna atdy we bu başlangyja ak pata berdi.
Bu ýerde Watanymyzy we täze taryhy döwrümiziň ägirt uly özgertmelerini wasp edýän aýdym-sazlar ýaňlandy.
Soňra Ministrler Kabinetiniň Başlygynyň orunbasarlary ähli dabara gatnaşyjylaryň adyndan şu günki möhüm wakalar bilen hormatly Prezidentimizi, Gahryman Arkadagymyzy tüýs ýürekden gutladylar hem-de bu möhüm taslamalaryň halkymyzyň abadançylygynyň bähbidine gönükdirilen durmuş ugurly döwlet syýasatynyň üstünliklere beslenýändiginiň aýdyň beýanydygyny bellediler.
Döwlet Baştutanymyz gutlaglar üçin minnetdarlyk bildirip, dabara gatnaşyjylar bilen mähirli hoşlaşdy we bu ýerden Daşoguz şäheriniň Halkara howa menziline ugrady.
Hormatly Prezidentimiziň uçary Halkara howa menzilinden paýtagtymyza tarap ugur aldy. Paýtagtymyzyň Halkara howa menzilinde döwlet Baştutanymyzy ýurdumyzyň resmi adamlary mähirli garşyladylar.
Şeýlelikde, Aşgabat — Daşoguz awtomobil ýolunyň, Garaşsyzlyk etrabynda ýylda 60 müň tonna senagat pagta çigidini gaýtadan işlejek ösümlik ýag kärhanasynyň hem-de ýylda 350 müň tonna karbamid we 350 müň tonna ammiak selitra dökünlerini öndürjek täze toplumyň düýbüni tutmak, şeýle hem Türkmenbaşy — Garabogaz — Gazagystan awtomobil ýolunyň Garabogaz — serhetýaka böleginiň açylyş dabaralary ýurdumyzyň durnukly durmuş-ykdysady ösüşinde täze tapgyry alamatlandyrmak bilen, hormatly Prezidentimiz Serdar Berdimuhamedowyň parasatly baştutanlygynda halkymyzyň abadan durmuşyny üpjün etmäge gönükdirilen giň möçberli özgertmeleriň üstünliklere beslenýändiginiň aýdyň subutnamasy boldy.
***
Daşoguz şäheriniň «Türkmeniň ak öýi» binasynyň köpçülikleýin dabaraly çäreleriň geçirilýän binasynda welaýatyň Garaşsyzlyk etrabynda hormatly Prezidentimiziň gatnaşmagynda bolan dabaralar mynasybetli toý sadakasy berildi.
Source: tdh.gov.tm
Türkmenistanyň Prezidenti Serdar Berdimuhamedowyň Daşoguz welaýatynda awtomobil ýolunyň, senagat kärhanalarynyň düýbüni tutmak, şeýle hem Balkan welaýatynda täze awtomobil ýolunyň açylyş dabaralaryndaky ÇYKYŞY
04.11.2026
Eziz watandaşlar!
Hormatly adamlar!
Şu gün biz ýurdumyzyň Daşoguz welaýatynda möhüm ähmiýetli desgalaryň — Aşgabat — Daşoguz awtomobil ýolunyň, senagat pagta çigidini gaýtadan işleýän ösümlik ýag kärhanasynyň hem-de azotly dökünleri öndürýän täze toplumyň düýbüni tutmak dabarasyna gatnaşýarys. Şeýle hem şu gün Balkan welaýatynda Türkmenbaşy — Garabogaz — Gazagystan awtomobil ýolunyň Garabogaz — Gazagystan bölegi açylyp ulanmaga berler. Men siziň ähliňizi täze desgalaryň düýbüni tutmak we ulanmaga bermek dabarasy bilen tüýs ýürekden gutlaýaryn.
Hormatly adamlar!
Parasatly pederlerimiz ýol çekmegi, köpri gurmagy döwletlilik hasaplap, ony asylly ýörelgä öwrüpdirler. Beýik Ýüpek ýolunyň ýüregi bolan Türkmenistanda häzirki wagtda bu asylly işler mynasyp dowam etdirilýär. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy», ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasy üstünlikli durmuşa geçirilýär. Netijede, täze awtomobil ýollary, köprüleri yzygiderli gurlup, ulanmaga berilýär, awtomobil ýollary ulgamynyň işi has-da kämilleşdirilýär.
Ine, bu gün bolsa Demirgazyk — Günorta ugry boýunça amatly ulag geçelgesi hasaplanýan Aşgabat — Daşoguz awtomobil ýolunyň gurluşygyna badalga berýäris. Ýurdumyzyň demirgazyk künjegini paýtagtymyz bilen birleşdirýän Aşgabat — Daşoguz awtomobil ýolunyň gurulmagy üstaşyr ulag geçelgelerini ösdürmäge, gatnawlaryň howpsuzlygyny üpjün etmäge ýardam berer. Şeýle hem goňşy döwletleriň arasynda haryt dolanyşygynyň, ulag we ýolagçy gatnawlarynyň möçberini has-da artdyrar. Umumy uzynlygy 550 kilometre golaý bolan bu ýolda ýolagçylar we sürüjiler üçin ähli şertler dörediler. Täze awtomobil ýoly sanly ulgam arkaly dolandyrylýan döwrebap ýol gözegçilik enjamlary bilen üpjün ediler. Täze ýoluň ugrunda uzynlygy 812 metr bolan täze häzirki zaman awtomobil köprüsi hem gurlar. Şeýle hem bar bolan 9 sany awtomobil köprüsi doly döwrebaplaşdyrylar.
Hormatly adamlar!
Geçen ýyl Türkmenbaşy — Garabogaz — Gazagystanyň serhedine barýan awtomobil ýolunyň düýbi tutuldy. Bu gün bolsa bu möhüm ähmiýetli ýoluň uzynlygy 44 kilometr bolan Garabogaz — serhetýaka bölegini açyp ulanmaga berýäris. Demirgazyk — Günorta halkara ulag geçelgesiniň aýrylmaz bölegi bolan bu ýol-ulag düzümi halkara ähmiýetli ulag ugurlarynyň möhüm bölegine öwrüler.
Hormatly adamlar!
Şu gün Daşoguz welaýatynyň Garaşsyzlyk etrabynda kuwwatlylygy ýylda 60 müň tonna senagat pagta çigidini gaýtadan işlemäge we ösümlik ýagyny öndürmäge niýetlenen döwrebap kärhananyň hem düýbi tutulýar. Kärhanada ösümlik ýagyny öndürmek pudagynda uly tejribä eýe bolan halkara kompaniýalaryň döwrebap enjamlary ornaşdyrylar. Bu bolsa kärhananyň halkara hil talaplary esasynda işlemegini üpjün edip, ýokary hilli pagta ýagyny öndürmäge mümkinçilik berer. Döwrebap kärhananyň işe girizilmegi bilen, bu ýerde 250-ä golaý adamyň zähmet çekmegi üçin ähli şertler dörediler.
Hormatly adamlar!
Biz ýurdumyzyň senagatyny innowasion esasda ösdürmäge möhüm ähmiýet berýäris. Ýakynda bolsa «Türkmenistany senagat taýdan ösdürmegiň 2030 — 2045-nji ýyllar üçin milli Strategiýasy» kabul edildi. Häzirki wagtda ýurdumyzda eksporta niýetlenen önümçilikler döredilýär. Dürli görnüşli we ýokary hilli önümleriň möçberi yzygiderli artdyrylýar.
Himiýa senagaty hem ykdysadyýetimiziň möhüm pudaklarynyň biri bolup durýar. Pudagy ösdürmek üçin ýurdumyzda giň gerimli işler alnyp barylýar. Uly möçberli maýa goýumlar özleşdirilip, iri taslamalar amala aşyrylýar. Önümçilige döwrebap tehnologiýalar giňden ornaşdyrylýar. Häzirki döwürde ýurdumyzyň himiýa senagatynda birnäçe iri kärhanalar netijeli işleýär. Şol kuwwatly kärhanalarda öz ýerli çig mallarymyzy ulanmaga möhüm ähmiýet berilýär. Şu gün Daşoguz welaýatynda düýbi tutulýan täze himiýa desgasy hem uly möçberli maýa goýum taslamalarynyň biri bolup durýar.
Täze toplumyň önümçiliginde Ýewropanyň we Aziýanyň öňdebaryjy kompaniýalarynyň kämil tehnologiýalary ornaşdyrylar. Bu bolsa ekologiýa taýdan arassa önümçilik işini ýola goýmaga ýardam eder. Döwrebap toplum ýylda 350 müň tonna karbamid we 350 müň tonna ammiak selitra dökünlerini öndürmäge niýetlenendir. Bu toplumda öndüriljek dökünler ýurdumyzyň oba hojalyk sarp edijileriniň isleglerini doly kanagatlandyrar. Şeýle hem daşary ýurtlara eksport ediler. Bu ýerde 1 müňden gowrak täze iş orunlary dörediler. Zähmet çekjek hünärmenleriň köp sanlysy daşary ýurtlaryň ýokary okuw mekdeplerinde okadylyp, olaryň işlemegi üçin ähli zerur şertler dörediler. Umuman, döwrebap azotly dökünleri öndürýän toplumyň gurulmagy ýurdumyzyň himiýa senagatyny mundan beýläk-de ösdürmäge uly goşant goşar.
Hormatly adamlar!
Ýurdumyzyň beýleki welaýatlary bilen bir hatarda Daşoguz welaýatyny durmuş-ykdysady taýdan ösdürmek boýunça maksatnamalaýyn işler üstünlikli durmuşa geçirilýär. Bu ýerde kuwwatly senagat kärhanalary, medeni-durmuş maksatly binalar we desgalar yzygiderli gurlup ulanmaga berilýär. Biz geljekde hem Garaşsyz Diýarymyzyň sebitlerini ösdürmek boýunça alyp barýan işlerimizi dowam etdireris.
Hormatly adamlar!
Gadyrly dabara gatnaşyjylar!
«Garaşsyz, baky Bitarap Türkmenistan — bedew batly at-myradyň mekany» ýylynda Aşgabat — Daşoguz awtomobil ýolunyň, senagat pagta çigidini gaýtadan işleýän ösümlik ýag kärhanasynyň hem-de azotly dökünleri öndürýän täze toplumyň düýbüniň tutulmagy, şeýle hem Garabogaz — serhetýaka awtomobil ýolunyň açylyp ulanmaga berilmegi bilen sizi ýene-de bir gezek tüýs ýürekden gutlaýaryn. Size berk jan saglygyny, maşgala abadançylygyny, alyp barýan işleriňizde uly üstünlikleri arzuw edýärin.
Source: tdh.gov.tm