Eziz watandaşlar!
Bagt köşgi
Aşgabat şäher häkimliginiň «Bagt köşgi» toý dabaralary merkezi
Ömrüňiziň iň bagtly güni şu ýerden başlanýar
- Telefon95-57-68
- Açylan ýyly2011
- gat11
Soňky habarlar
Çuňňur hormatlanylýan Türkmenistanyň Prezidenti!
Şu gün ýurdumyzda hormatly Prezidentimiz Serdar Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi.
Şu gün ýurdumyzyň ähli künjeklerinde bolşy ýaly, Gahryman Arkadagymyzyň yhlasyndan binýat bolan Arkadag şäherinde hem ählihalk bag ekmek dabarasynyň güýzki möwsümine…
Şu gün Gazagystan Respublikasyna iş saparynyň ikinji gününde hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi…
Şu gün Gazagystan Respublikasyna iş saparynyň çäklerinde hormatly Prezidentimiz Serdar Berdimuhamedow Iordaniýa Haşimit Patyşalygynyň Patyşasy Abdulla II ibn Al Husseýn…
Habarlar Türkmenistanyň Döwlet habarlar gullugyndan (tdh.gov.tm) · Ähli habarlar
Merkez barada
«Bagt köşgi» toý dabaralary merkezi 2011-nji ýylyň 28-nji oktýabrynda Türkmenistanyň Garaşsyzlygynyň 20 ýyllygy mynasybetli açyldy. Merkez milli däp-dessurlarymyza laýyklykda toý we nikalaşmak dabaralaryny geçirmek, ýaş nesli ýokary ahlak ruhunda terbiýelemek, halkymyzyň agzybirligini we bitewiligini pugtalandyrmak maksady bilen döredildi.
Merkeziň binasy 11 gatdan ybarat. Onda üç sany uly toý zaly, ýedi sany banket zaly, ýedi sany nika zaly, 22 otagly myhmanhana, 36 dükan we hyzmat salony, dynç alyş otaglary we kafeler ýerleşýär. Bina ýerasty we daşky duralgalar bilen üpjün edilen.
Merkez toý we baýramçylyk dabaralaryny guraýar, toý dabaralaryny gurnamak boýunça ýaş hünärmenleri taýýarlaýar, zallary, söwda nokatlaryny we toý awtoulaglaryny kärendesine berýär, şeýle hem ýaňy öýlenenlere, ýerli ilata we daşary ýurtly myhmanlara myhmanhana hyzmatlaryny hödürleýär.
- 11gat
- 3toý zaly
- 7banket zaly
- 7nika zaly
- 22myhmanhana otagy
- 36dükan we salon
- 600awtoulag duralgasy
Zallarymyz
Toý zallary merkeziň 1-nji gatynda ýerleşýär. Olarda halkymyzyň asylly däp-dessurlaryna laýyk dabaralar — sadaka, bäbek toýy, sowgat gowşurmak, toý we beýleki baýramçylyklar geçirilýär. Banket zallaryny kärendesine almak üçin: 95-57-64, 95-57-65.
Toý zallary
1000
orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
500
orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bronlamak üçin95-06-47
500
orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Banket zallary
200
orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
100
orun
100
orun
100
orun
100
orun
100
orun
100
orun
Nika zallary
150
orun
150
orun
100
orun
100
orun
100
orun
100
orun
100
orun
Myhmanhana
Myhmanhananyň maksady — ýurdumyzyň raýatlaryna we daşary ýurtly myhmanlara rahat otaglarda ýokary hilli hyzmatlary hödürlemek. «Bagt köşgi» ýaşlara toý dabaralaryny aýratyn ýagdaýda geçirmäge mümkinçilik berýär.
Myhmanhana 22 otagdan ybarat: 10-sy lýuks, 12-si standart otag. Her otagda myhmanlaryň rahat dynç almagy we işlemegi üçin ähli şertler döredilen.
- 10 lýuks otag
- 12 standart otag
- Bir wagtyň özünde 44 myhman
- Ýörite mümkinçilikli adamlar üçin otag
- Konferens otagy
- Eşik ýuwmak we taksi çagyrmak
Bahalar
Toý awtoulaglary
Merkeziň awtoulag bölüminde toý we baýramçylyk dabaralary üçin 14 awtoulag bar: 2 «Lincoln» limuzin, 10 «Lincoln» kabriolet-sedan we 2 «Toyota Coaster» awtobusy. Awtoulaglar milli we häzirkaýl bezegler bilen bezelýär, hyzmat amatly şertlerde berilýär.
58 manat / sagat
10 sany
66 manat / sagat
2 sany
64 manat / sagat
2 sany
Hünär kurslary
Medeni-usulyýet bölümi toý dabaralaryny gurnamak boýunça gysga möhletli hünär kurslaryny geçirýär. Okuwyň ahyrynda diňleýjilere degişli şahadatnama gowşurylýar.
Toý dabaralarynda wideo-surat operatorlygy
Toý dabaralaryny gurnamak we geçirmek
Toý dabaralarynyň bezeg işi
3 aýlyk kurs
1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Habarlaşmak üçin
-
SalgymyzAşgabat şäheri, Bagtyýarlyk etraby, Bagtyýarlyk köçesi, 15-nji jaý
-
Telefon95-57-68 · Faks: 95-57-60
-
E-poçtabagtkoshgi@sanly.tm
1 / 10
Ak ýol
Toý zallary
1000 orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
1 / 10
Nur
Toý zallary
500 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bronlamak üçin95-06-47
1 / 9
Älem
Toý zallary
500 orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Çeşme
Banket zallary
200 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bagtly
Banket zallary
100 orun
Sahawat
Nika zallary
150 orun
Şäher
Nika zallary
150 orun
Dessan
Nika zallary
100 orun
Ylham
Nika zallary
100 orun
Ýyldyz
Nika zallary
100 orun
Şamçyrag
Nika zallary
100 orun
Şapak
Nika zallary
100 orun
1 / 7
Myhmanhana
22 otagly myhmanhana: 10 lýuks we 12 standart otag. Her otagda rahat dynç almak we işlemek üçin ähli şertler bar. Otag we bahalar barada jaň ediň.
Ýerli raýatlar üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 114,00 manat | 114,00 manat |
| Lýuks otag (LUX) | 199,50 manat | 199,50 manat |
Daşary ýurt raýatlary üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 50 USD | 100 USD |
| Lýuks otag (LUX) | 50 USD | 100 USD |
Bir gije üçin
Otag bronlamak95-57-68
1 / 6
1 / 5
1 / 3
Toý dabaralarynda wideo-surat operatory
Toý dabaralarynda wideo-surat operatorlygy
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň menejeri
Toý dabaralaryny gurnamak we geçirmek
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň dizaýneri
Toý dabaralarynyň bezeg işi
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
ÝazylmakGaraşsyz, hemişelik Bitarap Türkmenistanyň edermen oba zähmetkeşlerine, hasyl ussatlaryna we ähli halkyna
08.11.2026
Eziz watandaşlar!
Edermen daýhanlar!
Sizi Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» ýylynda daýhanlaryň çekýän halal we gaýratly zähmetiniň, nygmata baý türkmen topragynyň berekediniň şanyna uludan tutulýan Hasyl toýy mynasybetli tüýs ýürekden gutlaýaryn. Ýurdumyzda ekerançylyk meýdanlaryny özleşdirip, ekinlerden bol hasyl alyp, azyk bolçulygyna goşant goşmakda, milli ykdysadyýetimiziň oba hojalyk pudagyny ösdürmekde alyp barýan asylly işleriňizde size uly üstünlikleri, berk jan saglygyny, maşgala abadançylygyny arzuw edýärin.
Garaşsyz, hemişelik Bitarap ýurdumyzda il agzybirligi bilen uludan bellenilýän Hasyl toýy merdana halkymyzyň ata Watanymyzy gülletmekde çekýän halal zähmetine, ene topragymyzyň eçilýän bol hasylyna goýulýan belent sarpadan nyşan bolup, bu baýramçylyk daýhanlary täze zähmet ýeňişlerine ruhlandyrýar, ata Watana, ene topraga bolan söýgülerini goşalandyrýar. Munuň özi türkmen daýhanlarynyň ýylboýy çekýän halal zähmetine döwlet derejesinde goýulýan hormatdyr.
Eziz watandaşlar!
Hormatly oba hojalyk işgärleri!
Häzirki döwürde ýurdumyzyň oba hojalyk pudagyny toplumlaýyn ösdürmek, onuň maddy-enjamlaýyn binýadyny has-da berkitmek, ekerançylygyň medeniýetini ýokarlandyrmak, önümçilige öňdebaryjy tehnologiýalary ornaşdyrmak, tohumçylyk işini kämilleşdirmek boýunça netijeli işler durmuşa geçirilýär. Guşçulygy we maldarçylygy ösdürmek, azyk bolçulygyny üpjün etmek, ýer we suw serişdelerini netijeli peýdalanmak, daşky gurşawy goramak bilen bagly wezipeler üstünlikli amala aşyrylýar.
Agzybirlikde çekilen zähmetiň soňy hemişe rehnet getirýär. Oba hojalyk pudagynyň işiniň sazlaşykly ýola goýulmagy netijesinde şu ýyl gallaçy daýhanlarymyz Watan harmanyna 1 million 400 müň tonnadan gowrak bugdaý hasylyny tabşyrdylar. Guşgursak bugdaý hasyly mähriban halkymyzyň, eziz Watanymyzyň baýlygydyr, saçaklarymyzyň rysgal-berekedidir.
Ata-babalarymyzyň «Ýer daýhany dabanyndan tanarmyş» diýen ýaly parasatly sözleri toprak bilen bagry badaşan türkmen daýhanynyň yhlasynyň ýer bilen berk baglanyşyklydygyna şaýatlyk edýär. Şoňa görä-de, ýurdumyzyň oba hojalyk işgärleriniň çekýän yhlasly we tutanýerli zähmeti netijesinde sahawatly türkmen topragynda ekinleriň bol hasyly ösdürilip ýetişdirilýär, azyk bolçulygy has-da pugtalandyrylýar. Edermen gallaçy, pagtaçy daýhanlarymyz bolsa döwlet tarapyndan berilýän kömek-goldawlaryň netijesinde bereketli türkmen topragyndan bol hasyl öndürmekde ähli gujur-gaýratyny gaýgyrman, ak ýürekden, halal zähmet çekýärler, täze-täze üstünlikleri gazanýarlar.
Merdana oba zähmetkeşleri!
Ýurdumyzyň oba senagat toplumynyň ösdürilmeginde öz tejribesini, bilimini we başarnygyny Watana hyzmat etmäge bagyşlan kärendeçileriň, pagtaçylaryň, gallaçylaryň, mehanizatorlaryň, alym-agronomlaryň, seçgiçileriň, bakjaçylaryň, bagbanlaryň we beýleki hünärmenleriň ýokary öndürijilikli işlemekleri, bereketli toprakdan bol hasyl öndürip, halal zähmeti bilen baýamaklary üçin giň şertler döredilýär. Oba hojalyk pudagyny ylmy esasda ösdürmek, onda ýola goýlan işleri döwrebaplaşdyrmak hemişe döwletiň üns merkezinde durýar.
Oba hojalykçylar üçin häzirki zaman oba hojalyk tehnikalary, enjamlary we gurallary mundan beýläk hem yzygiderli satyn alnar. Topragyň berekedini artdyrýan mineral dökünler, ýokary hilli tohumlar bilen ýeterlik üpjün ediler. Önüm öndürijiler tarapyndan tabşyrylan hasyl üçin hasaplaşyklar öz wagtynda geçiriler. Döwletimiziň döredýän mümkinçiliklerini, goldaw-kömeklerini, ýeňilliklerini ýakyndan duýup, zähmet çekmek üçin ähli tagallalar ediler. Türkmen daýhanynyň zähmetine mynasyp baha berilmegine aýratyn üns berler. Bereketli toprakdan bol hasyl almagy başarýan edermen daýhanlarymyza halal zähmeti bilen baýamagy, çekýän zähmetiniň hözirini görüp, abadan we bagtyýar durmuşda ýaşamagy üçin geljekde-de döwletimiz tarapyndan ähli şertler dörediler.
Edermen hasyl ussatlary!
Eziz watandaşlar!
Sizi «Garaşsyz, baky Bitarap Türkmenistan — bedew batly at-myradyň mekany» ýylynda türkmen topragynyň rysgal-berekediniň şanyna tutulýan Hasyl toýy bilen ýene-de bir gezek tüýs ýürekden gutlaýaryn. Size berk jan saglygyny, maşgala abadançylygyny, ata-babalarymyzyň bize miras goýan daýhançylyk däplerini mynasyp dowam etdirip, eziz Watanymyzyň mundan beýläk-de gülläp ösmegi ugrunda alyp barýan tutanýerli işleriňizde uly üstünlikleri arzuw edýärin. Goý, sahawatly türkmen topragynyň berekedi hiç haçan egsilmesin!
Türkmenistanyň Prezidenti
Serdar BERDIMUHAMEDOW.
Çeşme: tdh.gov.tm
Türkmenistanyň Prezidenti hormatly Serdar Berdimuhamedowa
08.11.2026
Çuňňur hormatlanylýan Türkmenistanyň Prezidenti!
Sizi berkarar Watanymyzda «Garaşsyz, baky Bitarap Türkmenistan — bedew batly at-myradyň mekany» ýylynda giňden tutulýan, sahawatly türkmen topragynyň egsilmez rysgal-berekedini alamatlandyrýan Hasyl toýy mynasybetli türkmen halkynyň hem-de Türkmenistanyň Halk Maslahatynyň adyndan tüýs ýürekden gutlaýaryn.
Hormatly Prezidentimiz!
Ekerançylyk medeniýetiniň dünýäde ilkinji kemala gelen ojaklarynyň biri bolan türkmen topragy müňýyllyklaryň dowamynda sahawatlylygy, hasyllylygy bilen şöhratlanyp gelýär. Änew, Jeýtun, Marguş ýaly gadymy medeniýetleriň taryhy Türkmenistanda ekerançylygyň örän irki döwürlerde kemala gelendigine şaýatlyk edýär. Änew düzlüginde ýüze çykarylan, bäş müň ýyllyk taryhly bugdaý däneleri bolsa türkmen topragynyň ak bugdaýyň gadymy mekanydygyny äleme ýaýdy.
«Daýhandan hereket — ýerden bereket», «Çekseň zähmet — ýagar rehnet», «Zähmet soňy — rehnet» diýen pähimli jümleler hem zähmetsöýer halkymyzyň topragy mukaddeslik, bugdaýy rysgal, çöregi bereket hasaplaýandygyny äşgär görkezýär. Şoňa görä-de, Hasyl toýy halkymyzyň durmuşynda aýratyn orny eýeleýän, nesilleriň zähmetsöýerlik we watançylyk däpleriniň dowamatlylygyny üpjün edýän baýramdyr. Ol ýylyň dowamynda mele topraga maňlaý derini siňdiren babadaýhanlarymyzyň yhlasynyň ýerine düşendigini, sahawatly türkmen topragynyň rysgal-berekediniň halkymyzyň saçagyna dolandygyny alamatlandyrýar.
Hormatly Arkadagly Gahryman Serdarymyz!
Täze taryhy döwürde ata-babalarymyzyň asyrlaryň dowamynda kämilleşdirip gelen daýhançylyk tejribesiniň häzirki zaman ylmynyň we tehnikasynyň gazananlary bilen utgaşdyrylýandygy bizi örän buýsandyrýar. Siziň baştutanlygyňyzda ýurdumyzyň oba hojalyk pudagyny ösdürmek, onuň ykdysadyýetdäki ornuny has-da pugtalandyrmak, oba zähmetkeşleriniň öndürijilikli zähmet çekmegi üçin zerur şertleri döretmek döwlet syýasatynyň ileri tutulýan ugurlarynyň birine öwrüldi. Ýer we suw serişdelerinden rejeli peýdalanmak, oba hojalyk önümçiligini sanlylaşdyrmak, takyk ekerançylyk ulgamyny ösdürmek, suw tygşytlaýjy tehnologiýalary giňden ornaşdyrmak, ekin dolanyşygyny ylmy esasda alyp barmak babatda durmuşa geçirilýän çäreler häzirki döwürde pudagyň ösüşiniň möhüm şertleri bolup durýar.
Oba hojalyk pudagynyň ylmy esasda ösdürilmegine aýratyn ähmiýet berilmegi hem guwandyryjy ýagdaýdyr. Siziň başlangyjyňyz bilen däneçilik, ekerançylyk we pagtaçylyk ugurlary boýunça ylmy-barlag düzümleriniň döredilmegi, seçgiçilik we tohumçylyk işleriniň ösdürilmegi, ýokary hasylly hem-de ýerli toprak-howa şertlerine laýyk gelýän täze sortlaryň önümçilige ornaşdyrylmagy bu ugurdaky özgertmeleriň netijelidigini görkezýär. Bereketli Diýarymyzda güýzlük bugdaýyň «Serdar», «Arkadag», «Pyragy» ýaly täze sortlarynyň döredilmegi milli oba hojalyk ylmynyň gazananlarynyň aýdyň beýanydyr.
Sarpasy belent Prezidentimiz!
«Daýhan baýasa, döwlet baýar» diýen pähimde halkymyzyň çuňňur durmuş pelsepesi jemlenendir. Çünki daýhanyň halal zähmetinden kemala gelýän bol hasyl halkymyzyň rysgal-berekedidir, Watanymyzyň ykdysady kuwwatydyr, azyk howpsuzlygynyň ygtybarly binýadydyr. Türkmen topragynyň sahawaty bugdaýyň we «ak altynyň» bol hasyly bilen birlikde, gök-bakja önümleriniň, miweleriň, ir-iýmişleriň, şalynyň, gant şugundyrynyň, maldarçylyk we guşçulyk önümleriniň bolçulygynda-da öz beýanyny tapýar. Siziň pederlerimiziň gymmatly mirasyny döwrebap önümçilik tejribeleri bilen baýlaşdyrmak ugrundaky tagallalaryňyz ýurdumyzda oba hojalyk önümleriniň görnüşlerini hem-de möçberini artdyrmak, gaýtadan işleýän senagaty ösdürmek, bazarlarymyzy we dükanlarymyzy ekologiýa taýdan arassa önümler bilen bolelin üpjün etmek boýunça amala aşyrýan netijeli işleriňizde aýdyň ýüze çykýar. Eziz Diýarymyzda giňden tutulýan Hasyl toýy bolsa halkymyzyň agzybirliginiň, zähmetsöýerliginiň, milli däp-dessurlara ygrarlylygynyň dabaralanmasydyr.
Hormatly Prezidentimiz!
Sizi merdana daýhanlarymyzyň halal zähmetiniň miwesini dabaralandyrýan Hasyl toýy mynasybetli ýene-de bir gezek tüýs ýürekden gutlaýaryn. Size berk jan saglyk, uzak ömür, ýurdumyzyň ykdysady kuwwatyny pugtalandyrmaga, halkymyzyň azyk bolçulygyny we abadançylygyny üpjün etmäge gönükdirilen asylly tagallalaryňyzda mundan beýläk-de uly üstünlikleri arzuw edýärin. Goý, sahawatly türkmen topragynyň berekedi egsilmesin! Ene ýerimiziň sahawaty, halkymyzyň agzybirligi hem-de zähmetsöýerligi Garaşsyz Watanymyzyň ösüşleriniň mizemez binýady bolup hyzmat etsin!
Sizi hormatlamak bilen,
Türkmen halkynyň Milli Lideri,
Türkmenistanyň Halk Maslahatynyň Başlygy,
Gahryman Arkadag
Gurbanguly BERDIMUHAMEDOW.
Çeşme: tdh.gov.tm
Hormatly Prezidentimiz ählihalk bag ekmek dabarasyna gatnaşdy
07.11.2026
Şu gün ýurdumyzda hormatly Prezidentimiz Serdar Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi.
Täze taryhy eýýamda Gahryman Arkadagymyzyň ýurdumyzy bagy-bossanlyga öwürmäge gönükdirilen başlangyçlary hormatly Prezidentimiziň baştutanlygynda üstünlikli durmuşa geçirilýär. Ählihalk bag ekmek dabarasy umumymilli çäreleriň iň möhümleriniň biri bolup, ýurdumyzyň ekologiýa abadançylygy ýörelgelerine ygrarlydygyny alamatlandyrýar.
Hormatly Prezidentimiziň baştutanlygynda ýurdumyzda durmuşa geçirilýän ekologiýa strategiýasy diňe bir milli bähbitleri öz içine alman, eýsem, tutuş adamzadyň abadançylygyna gönükdirilen ählumumy meseleler bilen hem berk baglanyşyklydyr. Häzirki wagtda döwletimiz tarapyndan ekologiýa diplomatiýasyny ösdürmek, tebigy baýlyklary aýawly saklamak we "ýaşyl" ykdysadyýete geçmek ugrunda möhüm ädimler ädilýär. Bu yzygiderli tagallalar ýurdumyzyň halkara derejesindäki abraýyny has-da belende göterýär.
Şu günki dabara gatnaşyjylaryň hatarynda Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, syýasy partiýalaryň we jemgyýetçilik guramalarynyň, diplomatik wekilhanalaryň we halkara guramalaryň ýolbaşçylary hem-de wekilleri, halk köpçüligi bar.
Ählihalk bag ekmek dabarasy diňe bir ekologiýa çäresi bolman, eýsem, jemgyýetde jebisligi pugtalandyrmaga ýardam berýän möhüm medeni-durmuş wakadyr. Bu çäreler ýaş nesilde tebigata aýawly garamak we daşky gurşaw bilen sazlaşykly ýaşamak medeniýetini kemala getirýär. Ýurdumyzda asylly däbe öwrülen bag nahallaryny ekmek çäreleri giň möçberli özgertmeleri durmuşa geçirmäge gönükdirilen döwlet syýasatynyň möhüm ugry bolup, täze seýilgähleri, tokaý zolaklaryny döretmäge, türkmen topragynyň ösümlik dünýäsini baýlaşdyrmaga ýardam berýär. Şeýle yzygiderli tagallalaryň netijesinde paýtagtymyzyň we ýurdumyzyň beýleki şäherleriniň daş-töwerekleri tokaý zolaklary bilen gurşalýar.
Çeşme: tdh.gov.tm
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz ählihalk bag ekmek dabarasyna gatnaşdy
07.11.2026
Şu gün ýurdumyzyň ähli künjeklerinde bolşy ýaly, Gahryman Arkadagymyzyň yhlasyndan binýat bolan Arkadag şäherinde hem ählihalk bag ekmek dabarasynyň güýzki möwsümine badalga berildi.
“Garaşsyz, baky Bitarap Türkmenistan –bedew batly at-myradyň mekany”ýylynyň taryhy ähmiýeti bolan wakalarynyň üstüni ýetiren umumymilli çäre halal zähmetiň joşguny we belent ruha beslenen aýdym-sazly dabaralar bilen utgaşykly dowam etdi.
Häzirki döwürde ýurdumyzyň çar künjeklerinde, ýol-ýakalarynda, derýalaryň we iri göwrümli suw akabalarynyň, kolleriň kenarlarynda köpçülikleýin bag nahallary ekilýär. Asylly işler ýurdumyzyň oba-şäherleriniň çäklerinde ýokary ekologiýa derejesiniň saklanmagyny üpjün edýär. Munuň özi Gahryman Arkadagymyzyň başyny başlan we Arkadagly Gahryman Serdarymyzyň ýolbaşçylygynda üstünlikli alnyp barylýan döwlet syýasatynyň esasy ugurlarynyň birine öwrüldi.
Ýurdumyzda ählihalk bag ekmek dabarasynyň ýazky hem-de güýzki möwsümleriniň geçirilmeginde çuňňur many bar. Munuň özi döwlet Baştutanymyzyň ekologiýa syýasatynyň rowaçlyklara beslenýändigini görkezýär. Şunda Köpetdagyň etegindäki ajaýyp künjekde gurlan Arkadag şäheriniň çäklerinde asylly çäräniň ýazky hem-de güýzki tapgyrlarynda müňlerçe düýp bag nahallary ekilýär. Munuň özi täze şäheriň çäklerinde ýakymly howa gurşawyny döretmek meselelerine döwlet derejesinde ähmiýet berilýändiginiň aýdyň beýanydyr.
Çeşme: tdh.gov.tm
Türkmenistanyň Prezidentiniň Gazagystan Respublikasyna iş sapary tamamlandy
06.11.2026
Şu gün Gazagystan Respublikasyna iş saparynyň ikinji gününde hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi Aziýa döwlet Baştutanlary derejesindäki duşuşygyna gatnaşdy.
...Ir bilen döwlet Baştutanymyz çäräniň geçirilýän ýerine — Garaşsyzlyk köşgüne bardy. Bu ýerde hormatly Prezidentimizi Gazagystan Respublikasynyň Prezidenti Kasym-Žomart Tokaýew we Iordaniýa Haşimit Patyşalygynyň Patyşasy Abdulla II mähirli garşyladylar hem-de bilelikde ýadygärlik surata düşdüler.
Ähli wekiliýet Baştutanlarynyň bilelikde resmi surata düşmek dabarasyndan soňra sammit öz işine başlady.
Bu ýokary derejeli duşuşyga Gazagystan Respublikasynyň Prezidenti, Iordaniýanyň Patyşasy, Täjigistan Respublikasynyň Prezidenti, Özbegistan Respublikasynyň Prezidenti, Azerbaýjan Respublikasynyň Milli mejlisiniň başlygy, Gyrgyz Respublikasynyň daşary işler ministri, halkara guramalaryň, şol sanda BMG-niň ýöriteleşdirilen edaralarynyň, Ýewropa Bileleşiginiň, GDA-nyň ugurdaş edaralarynyň, Şanhaý Hyzmatdaşlyk Guramasynyň wekilleri, emeli aň howpsuzlygy ulgamyndaky halkara bilermenler we beýlekiler gatnaşdylar.
Sammitiň gün tertibine emeli aň ulgamynda howpsuzlygy üpjün etmek, kiberhowplara garşy durmak hem-de bu ugurda Merkezi Aziýa we Ýakyn Gündogar ýurtlarynyň ugurdaş düzümleriniň hem-de maglumat tehnologiýalary ulgamynyň wekilleriniň tagallalaryny birleşdirmek bilen baglanyşykly meseleler girizildi.
Hormatly Prezidentimiz Serdar Berdimuhamedow sammitde çykyş etmek bilen, ýurdumyz tarapyndan öňe sürülýän başlangyçlary beýan etdi.
Hormatly Prezidentimiz: “Türkmenistan halkara ähmiýetli teklipleri öňe sürmek bilen, dünýäde uzak möhletli howpsuzlygy, ilkinji nobatda, öňüni alyş diplomatiýasyny işjeňleşdirmek, bitaraplyk ýörelgelerini iş ýüzünde ulanmak, şeýle hem parahatçylyk, ynanyşmak we syýasy dialog medeniýetini gaýtadan dikeltmek arkaly üpjün edip boljakdygyndan ugur aldy” diýip belledi.
Döwlet Baştutanymyz Türkmenistanyň Merkezi Aziýada we tutuş dünýäde berk howpsuzlygy we durnuklylygy üpjün etmek boýunça hyzmatdaşlyga üýtgewsiz ygrarlydygyny hem-de Akaba prosesiniň maksatlaryny hem-de wezipelerini durmuşa geçirmäge netijeli goşandyny goşmaga taýýardygyny tassyklady.
Şeýle hem sammitiň dowamynda sebit we halkara gün tertibiniň özara gyzyklanma bildirilýän möhüm meseleleri boýunça pikir alşyldy.
Gazagystan Respublikasyna iş saparynyň maksatnamasy tamamlanandan soňra, hormatly Prezidentimiz Serdar Berdimuhamedow Astana şäheriniň Nursultan Nazarbaýew adyndaky Halkara howa menziline bardy we bu ýerden Watanymyza ugrady.
Birnäçe sagatdan soňra, döwlet Baştutanymyzyň uçary paýtagtymyzyň Halkara howa menziline gelip gondy. Bu ýerde hormatly Prezidentimizi ýurdumyzyň resmi adamlary mähirli garşyladylar.
Şeýlelikde, döwlet Baştutanymyzyň Astanada geçirilen ýokary derejedäki duşuşyga gatnaşmagy ýurdumyzyň parahatçylygyň, durnuklylygyň we ählumumy howpsuzlygyň bähbidine köptaraplaýyn dialoga ygrarlydygyny nobatdaky gezek tassyklady. Hormatly Prezidentimiziň ählumumy kiberhowpsuzlygyň täze arhitekturasyny kemala getirmäge gönükdirilen netijeli başlangyçlary hem-de teklipleri bolsa sammite gatnaşyjylaryň ýokary bahasyna mynasyp boldy.
Çeşme: tdh.gov.tm
Türkmenistanyň Prezidentiniň Iordaniýanyň Patyşasy bilen duşuşygy
06.11.2026
Şu gün Gazagystan Respublikasyna iş saparynyň çäklerinde hormatly Prezidentimiz Serdar Berdimuhamedow Iordaniýa Haşimit Patyşalygynyň Patyşasy Abdulla II ibn Al Husseýn bilen duşuşdy.
Söhbetdeşler emeli aň ulgamynda howpsuzlyk boýunça Akaba prosesiniň Merkezi Aziýanyň döwlet Baştutanlary derejesindäki duşuşygyň çäklerinde duşuşmaga dörän mümkinçilige kanagatlanma bildirip, Türkmenistanyň hem-de Iordaniýanyň dostlukly gatnaşyklary ösdürmäge we özara bähbitli hyzmatdaşlygy mundan beýläk-de pugtalandyrmaga uly ähmiýet berýändiklerini bellediler.
Hormatly Prezidentimiz Türkmenistanyň Iordaniýa bilen deňhukukly we özara hormat goýmak esasynda ýola goýlan hyzmatdaşlygy giňeltmäge ygrarlydygyny tassyklap, şu duşuşygyň ikitaraplaýyn gatnaşyklary ösdürmäge we hyzmatdaşlygyň täze ugurlaryny kesgitlemäge möhüm goşant goşjakdygyna ynam bildirdi.
“Biz Iordaniýa bilen Birleşen Milletler Guramasynyň we beýleki halkara guramalaryň çäklerinde özara gyzyklanma bildirilýän meseleler boýunça hyzmatdaşlygy dowam etdirmäge, şeýle hem parahatçylygy, ynanyşmagy we durnuklylygy pugtalandyrmaga gönükdirilen başlangyçlary goldamaga taýýardyrys” diýip, döwlet Baştutanymyz aýtdy hem-de häzirki wagtda syýasy-diplomatik, söwda-ykdysady, medeni-ynsanperwer ugurlary boýunça ikitaraplaýyn hyzmatdaşlygy giňeltmek üçin uly mümkinçilikleriň bardygyny belledi.
Döwlet Baştutanymyz şeýle hem häzirki döwürde emeli aň tehnologiýalarynyň çalt depginler bilen ösmegini nazara almak bilen, olaryň howpsuz we jogapkärli ulanylmagyny üpjün etmek meselesiniň halkara gün tertibiniň möhüm ugurlarynyň birine öwrülýändigini belläp, Akaba prosesiniň çäklerinde bu mesele boýunça halkara hyzmatdaşlygy ösdürmegiň we döwletleriň tagallalaryny utgaşdyrmagyň aýratyn ähmiýetini nygtady.
Duşuşygyň dowamynda hormatly Prezidentimiz Serdar Berdimuhamedow Patyşa Abdulla II-ni özi üçin islendik amatly wagtda sapar bilen Türkmenistana gelmäge çagyrdy. Iordaniýanyň Patyşasy çakylygy hoşallyk bilen kabul edip, şu günki duşuşygyň döwletara gatnaşyklary mundan beýläk-de ösdürmäge itergi berjekdigine ynam bildirdi.
Duşuşygyň ahyrynda hormatly Prezidentimiz Serdar Berdimuhamedow hem-de Iordaniýa Haşimit Patyşalygynyň Patyşasy Abdulla II ibn Al Husseýn birek-birege berk jan saglyk, alyp barýan jogapkärli döwlet işlerinde uly üstünlikleri, iki ýurduň dostlukly halkyna bolsa mundan beýläk-de abadançylyk arzuw etdiler.
Çeşme: tdh.gov.tm