Şu gün ýurdumyzda hormatly Prezidentimiz Serdar Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi.
Bagt köşgi
Aşgabat şäher häkimliginiň «Bagt köşgi» toý dabaralary merkezi
Ömrüňiziň iň bagtly güni şu ýerden başlanýar
- Telefon95-57-68
- Açylan ýyly2011
- gat11
Soňky habarlar
Şu gün ýurdumyzyň ähli künjeklerinde bolşy ýaly, Gahryman Arkadagymyzyň yhlasyndan binýat bolan Arkadag şäherinde hem ählihalk bag ekmek dabarasynyň güýzki möwsümine…
Şu gün Gazagystan Respublikasyna iş saparynyň ikinji gününde hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi…
Şu gün Gazagystan Respublikasyna iş saparynyň çäklerinde hormatly Prezidentimiz Serdar Berdimuhamedow Iordaniýa Haşimit Patyşalygynyň Patyşasy Abdulla II ibn Al Husseýn…
Şu gün paýtagtymyzda GDA gatnaşyjy döwletleriň Medeni hyzmatdaşlyk boýunça geňeşiniň nobatdaky mejlisi geçirildi. Bu iri halkara çäre Arkalaşyga agza döwletleriň…
Şu gün paýtagtymyzda «Bagtyýarlyk döwrüniň teatr sungaty» atly V halkara teatr festiwalynyň açylyş dabarasy boldy. Teatr sungatynyň bu uly baýramçylygy Gazagystanyň…
Habarlar Türkmenistanyň Döwlet habarlar gullugyndan (tdh.gov.tm) · Ähli habarlar
Merkez barada
«Bagt köşgi» toý dabaralary merkezi 2011-nji ýylyň 28-nji oktýabrynda Türkmenistanyň Garaşsyzlygynyň 20 ýyllygy mynasybetli açyldy. Merkez milli däp-dessurlarymyza laýyklykda toý we nikalaşmak dabaralaryny geçirmek, ýaş nesli ýokary ahlak ruhunda terbiýelemek, halkymyzyň agzybirligini we bitewiligini pugtalandyrmak maksady bilen döredildi.
Merkeziň binasy 11 gatdan ybarat. Onda üç sany uly toý zaly, ýedi sany banket zaly, ýedi sany nika zaly, 22 otagly myhmanhana, 36 dükan we hyzmat salony, dynç alyş otaglary we kafeler ýerleşýär. Bina ýerasty we daşky duralgalar bilen üpjün edilen.
Merkez toý we baýramçylyk dabaralaryny guraýar, toý dabaralaryny gurnamak boýunça ýaş hünärmenleri taýýarlaýar, zallary, söwda nokatlaryny we toý awtoulaglaryny kärendesine berýär, şeýle hem ýaňy öýlenenlere, ýerli ilata we daşary ýurtly myhmanlara myhmanhana hyzmatlaryny hödürleýär.
- 11gat
- 3toý zaly
- 7banket zaly
- 7nika zaly
- 22myhmanhana otagy
- 36dükan we salon
- 600awtoulag duralgasy
Zallarymyz
Toý zallary merkeziň 1-nji gatynda ýerleşýär. Olarda halkymyzyň asylly däp-dessurlaryna laýyk dabaralar — sadaka, bäbek toýy, sowgat gowşurmak, toý we beýleki baýramçylyklar geçirilýär. Banket zallaryny kärendesine almak üçin: 95-57-64, 95-57-65.
Toý zallary
1000
orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
500
orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bronlamak üçin95-06-47
500
orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Banket zallary
200
orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
100
orun
100
orun
100
orun
100
orun
100
orun
100
orun
Nika zallary
150
orun
150
orun
100
orun
100
orun
100
orun
100
orun
100
orun
Myhmanhana
Myhmanhananyň maksady — ýurdumyzyň raýatlaryna we daşary ýurtly myhmanlara rahat otaglarda ýokary hilli hyzmatlary hödürlemek. «Bagt köşgi» ýaşlara toý dabaralaryny aýratyn ýagdaýda geçirmäge mümkinçilik berýär.
Myhmanhana 22 otagdan ybarat: 10-sy lýuks, 12-si standart otag. Her otagda myhmanlaryň rahat dynç almagy we işlemegi üçin ähli şertler döredilen.
- 10 lýuks otag
- 12 standart otag
- Bir wagtyň özünde 44 myhman
- Ýörite mümkinçilikli adamlar üçin otag
- Konferens otagy
- Eşik ýuwmak we taksi çagyrmak
Bahalar
Toý awtoulaglary
Merkeziň awtoulag bölüminde toý we baýramçylyk dabaralary üçin 14 awtoulag bar: 2 «Lincoln» limuzin, 10 «Lincoln» kabriolet-sedan we 2 «Toyota Coaster» awtobusy. Awtoulaglar milli we häzirkaýl bezegler bilen bezelýär, hyzmat amatly şertlerde berilýär.
58 manat / sagat
10 sany
66 manat / sagat
2 sany
64 manat / sagat
2 sany
Hünär kurslary
Medeni-usulyýet bölümi toý dabaralaryny gurnamak boýunça gysga möhletli hünär kurslaryny geçirýär. Okuwyň ahyrynda diňleýjilere degişli şahadatnama gowşurylýar.
Toý dabaralarynda wideo-surat operatorlygy
Toý dabaralaryny gurnamak we geçirmek
Toý dabaralarynyň bezeg işi
3 aýlyk kurs
1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Habarlaşmak üçin
-
SalgymyzAşgabat şäheri, Bagtyýarlyk etraby, Bagtyýarlyk köçesi, 15-nji jaý
-
Telefon95-57-68 · Faks: 95-57-60
-
E-poçtabagtkoshgi@sanly.tm
1 / 10
Ak ýol
Toý zallary
1000 orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
1 / 10
Nur
Toý zallary
500 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bronlamak üçin95-06-47
1 / 9
Älem
Toý zallary
500 orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Çeşme
Banket zallary
200 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bagtly
Banket zallary
100 orun
Sahawat
Nika zallary
150 orun
Şäher
Nika zallary
150 orun
Dessan
Nika zallary
100 orun
Ylham
Nika zallary
100 orun
Ýyldyz
Nika zallary
100 orun
Şamçyrag
Nika zallary
100 orun
Şapak
Nika zallary
100 orun
1 / 7
Myhmanhana
22 otagly myhmanhana: 10 lýuks we 12 standart otag. Her otagda rahat dynç almak we işlemek üçin ähli şertler bar. Otag we bahalar barada jaň ediň.
Ýerli raýatlar üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 114,00 manat | 114,00 manat |
| Lýuks otag (LUX) | 199,50 manat | 199,50 manat |
Daşary ýurt raýatlary üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 50 USD | 100 USD |
| Lýuks otag (LUX) | 50 USD | 100 USD |
Bir gije üçin
Otag bronlamak95-57-68
1 / 6
1 / 5
1 / 3
Toý dabaralarynda wideo-surat operatory
Toý dabaralarynda wideo-surat operatorlygy
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň menejeri
Toý dabaralaryny gurnamak we geçirmek
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň dizaýneri
Toý dabaralarynyň bezeg işi
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
ÝazylmakHormatly Prezidentimiz ählihalk bag ekmek dabarasyna gatnaşdy
07.11.2026
Şu gün ýurdumyzda hormatly Prezidentimiz Serdar Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi.
Täze taryhy eýýamda Gahryman Arkadagymyzyň ýurdumyzy bagy-bossanlyga öwürmäge gönükdirilen başlangyçlary hormatly Prezidentimiziň baştutanlygynda üstünlikli durmuşa geçirilýär. Ählihalk bag ekmek dabarasy umumymilli çäreleriň iň möhümleriniň biri bolup, ýurdumyzyň ekologiýa abadançylygy ýörelgelerine ygrarlydygyny alamatlandyrýar.
Hormatly Prezidentimiziň baştutanlygynda ýurdumyzda durmuşa geçirilýän ekologiýa strategiýasy diňe bir milli bähbitleri öz içine alman, eýsem, tutuş adamzadyň abadançylygyna gönükdirilen ählumumy meseleler bilen hem berk baglanyşyklydyr. Häzirki wagtda döwletimiz tarapyndan ekologiýa diplomatiýasyny ösdürmek, tebigy baýlyklary aýawly saklamak we "ýaşyl" ykdysadyýete geçmek ugrunda möhüm ädimler ädilýär. Bu yzygiderli tagallalar ýurdumyzyň halkara derejesindäki abraýyny has-da belende göterýär.
Şu günki dabara gatnaşyjylaryň hatarynda Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, syýasy partiýalaryň we jemgyýetçilik guramalarynyň, diplomatik wekilhanalaryň we halkara guramalaryň ýolbaşçylary hem-de wekilleri, halk köpçüligi bar.
Ählihalk bag ekmek dabarasy diňe bir ekologiýa çäresi bolman, eýsem, jemgyýetde jebisligi pugtalandyrmaga ýardam berýän möhüm medeni-durmuş wakadyr. Bu çäreler ýaş nesilde tebigata aýawly garamak we daşky gurşaw bilen sazlaşykly ýaşamak medeniýetini kemala getirýär. Ýurdumyzda asylly däbe öwrülen bag nahallaryny ekmek çäreleri giň möçberli özgertmeleri durmuşa geçirmäge gönükdirilen döwlet syýasatynyň möhüm ugry bolup, täze seýilgähleri, tokaý zolaklaryny döretmäge, türkmen topragynyň ösümlik dünýäsini baýlaşdyrmaga ýardam berýär. Şeýle yzygiderli tagallalaryň netijesinde paýtagtymyzyň we ýurdumyzyň beýleki şäherleriniň daş-töwerekleri tokaý zolaklary bilen gurşalýar.
Çeşme: tdh.gov.tm
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz ählihalk bag ekmek dabarasyna gatnaşdy
07.11.2026
Şu gün ýurdumyzyň ähli künjeklerinde bolşy ýaly, Gahryman Arkadagymyzyň yhlasyndan binýat bolan Arkadag şäherinde hem ählihalk bag ekmek dabarasynyň güýzki möwsümine badalga berildi.
“Garaşsyz, baky Bitarap Türkmenistan –bedew batly at-myradyň mekany”ýylynyň taryhy ähmiýeti bolan wakalarynyň üstüni ýetiren umumymilli çäre halal zähmetiň joşguny we belent ruha beslenen aýdym-sazly dabaralar bilen utgaşykly dowam etdi.
Häzirki döwürde ýurdumyzyň çar künjeklerinde, ýol-ýakalarynda, derýalaryň we iri göwrümli suw akabalarynyň, kolleriň kenarlarynda köpçülikleýin bag nahallary ekilýär. Asylly işler ýurdumyzyň oba-şäherleriniň çäklerinde ýokary ekologiýa derejesiniň saklanmagyny üpjün edýär. Munuň özi Gahryman Arkadagymyzyň başyny başlan we Arkadagly Gahryman Serdarymyzyň ýolbaşçylygynda üstünlikli alnyp barylýan döwlet syýasatynyň esasy ugurlarynyň birine öwrüldi.
Ýurdumyzda ählihalk bag ekmek dabarasynyň ýazky hem-de güýzki möwsümleriniň geçirilmeginde çuňňur many bar. Munuň özi döwlet Baştutanymyzyň ekologiýa syýasatynyň rowaçlyklara beslenýändigini görkezýär. Şunda Köpetdagyň etegindäki ajaýyp künjekde gurlan Arkadag şäheriniň çäklerinde asylly çäräniň ýazky hem-de güýzki tapgyrlarynda müňlerçe düýp bag nahallary ekilýär. Munuň özi täze şäheriň çäklerinde ýakymly howa gurşawyny döretmek meselelerine döwlet derejesinde ähmiýet berilýändiginiň aýdyň beýanydyr.
Çeşme: tdh.gov.tm
Türkmenistanyň Prezidentiniň Gazagystan Respublikasyna iş sapary tamamlandy
06.11.2026
Şu gün Gazagystan Respublikasyna iş saparynyň ikinji gününde hormatly Prezidentimiz Serdar Berdimuhamedow emeli aň ulgamynda howpsuzlyk boýunça Akaba prosesiniň Merkezi Aziýa döwlet Baştutanlary derejesindäki duşuşygyna gatnaşdy.
...Ir bilen döwlet Baştutanymyz çäräniň geçirilýän ýerine — Garaşsyzlyk köşgüne bardy. Bu ýerde hormatly Prezidentimizi Gazagystan Respublikasynyň Prezidenti Kasym-Žomart Tokaýew we Iordaniýa Haşimit Patyşalygynyň Patyşasy Abdulla II mähirli garşyladylar hem-de bilelikde ýadygärlik surata düşdüler.
Ähli wekiliýet Baştutanlarynyň bilelikde resmi surata düşmek dabarasyndan soňra sammit öz işine başlady.
Bu ýokary derejeli duşuşyga Gazagystan Respublikasynyň Prezidenti, Iordaniýanyň Patyşasy, Täjigistan Respublikasynyň Prezidenti, Özbegistan Respublikasynyň Prezidenti, Azerbaýjan Respublikasynyň Milli mejlisiniň başlygy, Gyrgyz Respublikasynyň daşary işler ministri, halkara guramalaryň, şol sanda BMG-niň ýöriteleşdirilen edaralarynyň, Ýewropa Bileleşiginiň, GDA-nyň ugurdaş edaralarynyň, Şanhaý Hyzmatdaşlyk Guramasynyň wekilleri, emeli aň howpsuzlygy ulgamyndaky halkara bilermenler we beýlekiler gatnaşdylar.
Sammitiň gün tertibine emeli aň ulgamynda howpsuzlygy üpjün etmek, kiberhowplara garşy durmak hem-de bu ugurda Merkezi Aziýa we Ýakyn Gündogar ýurtlarynyň ugurdaş düzümleriniň hem-de maglumat tehnologiýalary ulgamynyň wekilleriniň tagallalaryny birleşdirmek bilen baglanyşykly meseleler girizildi.
Hormatly Prezidentimiz Serdar Berdimuhamedow sammitde çykyş etmek bilen, ýurdumyz tarapyndan öňe sürülýän başlangyçlary beýan etdi.
Hormatly Prezidentimiz: “Türkmenistan halkara ähmiýetli teklipleri öňe sürmek bilen, dünýäde uzak möhletli howpsuzlygy, ilkinji nobatda, öňüni alyş diplomatiýasyny işjeňleşdirmek, bitaraplyk ýörelgelerini iş ýüzünde ulanmak, şeýle hem parahatçylyk, ynanyşmak we syýasy dialog medeniýetini gaýtadan dikeltmek arkaly üpjün edip boljakdygyndan ugur aldy” diýip belledi.
Döwlet Baştutanymyz Türkmenistanyň Merkezi Aziýada we tutuş dünýäde berk howpsuzlygy we durnuklylygy üpjün etmek boýunça hyzmatdaşlyga üýtgewsiz ygrarlydygyny hem-de Akaba prosesiniň maksatlaryny hem-de wezipelerini durmuşa geçirmäge netijeli goşandyny goşmaga taýýardygyny tassyklady.
Şeýle hem sammitiň dowamynda sebit we halkara gün tertibiniň özara gyzyklanma bildirilýän möhüm meseleleri boýunça pikir alşyldy.
Gazagystan Respublikasyna iş saparynyň maksatnamasy tamamlanandan soňra, hormatly Prezidentimiz Serdar Berdimuhamedow Astana şäheriniň Nursultan Nazarbaýew adyndaky Halkara howa menziline bardy we bu ýerden Watanymyza ugrady.
Birnäçe sagatdan soňra, döwlet Baştutanymyzyň uçary paýtagtymyzyň Halkara howa menziline gelip gondy. Bu ýerde hormatly Prezidentimizi ýurdumyzyň resmi adamlary mähirli garşyladylar.
Şeýlelikde, döwlet Baştutanymyzyň Astanada geçirilen ýokary derejedäki duşuşyga gatnaşmagy ýurdumyzyň parahatçylygyň, durnuklylygyň we ählumumy howpsuzlygyň bähbidine köptaraplaýyn dialoga ygrarlydygyny nobatdaky gezek tassyklady. Hormatly Prezidentimiziň ählumumy kiberhowpsuzlygyň täze arhitekturasyny kemala getirmäge gönükdirilen netijeli başlangyçlary hem-de teklipleri bolsa sammite gatnaşyjylaryň ýokary bahasyna mynasyp boldy.
Çeşme: tdh.gov.tm
Türkmenistanyň Prezidentiniň Iordaniýanyň Patyşasy bilen duşuşygy
06.11.2026
Şu gün Gazagystan Respublikasyna iş saparynyň çäklerinde hormatly Prezidentimiz Serdar Berdimuhamedow Iordaniýa Haşimit Patyşalygynyň Patyşasy Abdulla II ibn Al Husseýn bilen duşuşdy.
Söhbetdeşler emeli aň ulgamynda howpsuzlyk boýunça Akaba prosesiniň Merkezi Aziýanyň döwlet Baştutanlary derejesindäki duşuşygyň çäklerinde duşuşmaga dörän mümkinçilige kanagatlanma bildirip, Türkmenistanyň hem-de Iordaniýanyň dostlukly gatnaşyklary ösdürmäge we özara bähbitli hyzmatdaşlygy mundan beýläk-de pugtalandyrmaga uly ähmiýet berýändiklerini bellediler.
Hormatly Prezidentimiz Türkmenistanyň Iordaniýa bilen deňhukukly we özara hormat goýmak esasynda ýola goýlan hyzmatdaşlygy giňeltmäge ygrarlydygyny tassyklap, şu duşuşygyň ikitaraplaýyn gatnaşyklary ösdürmäge we hyzmatdaşlygyň täze ugurlaryny kesgitlemäge möhüm goşant goşjakdygyna ynam bildirdi.
“Biz Iordaniýa bilen Birleşen Milletler Guramasynyň we beýleki halkara guramalaryň çäklerinde özara gyzyklanma bildirilýän meseleler boýunça hyzmatdaşlygy dowam etdirmäge, şeýle hem parahatçylygy, ynanyşmagy we durnuklylygy pugtalandyrmaga gönükdirilen başlangyçlary goldamaga taýýardyrys” diýip, döwlet Baştutanymyz aýtdy hem-de häzirki wagtda syýasy-diplomatik, söwda-ykdysady, medeni-ynsanperwer ugurlary boýunça ikitaraplaýyn hyzmatdaşlygy giňeltmek üçin uly mümkinçilikleriň bardygyny belledi.
Döwlet Baştutanymyz şeýle hem häzirki döwürde emeli aň tehnologiýalarynyň çalt depginler bilen ösmegini nazara almak bilen, olaryň howpsuz we jogapkärli ulanylmagyny üpjün etmek meselesiniň halkara gün tertibiniň möhüm ugurlarynyň birine öwrülýändigini belläp, Akaba prosesiniň çäklerinde bu mesele boýunça halkara hyzmatdaşlygy ösdürmegiň we döwletleriň tagallalaryny utgaşdyrmagyň aýratyn ähmiýetini nygtady.
Duşuşygyň dowamynda hormatly Prezidentimiz Serdar Berdimuhamedow Patyşa Abdulla II-ni özi üçin islendik amatly wagtda sapar bilen Türkmenistana gelmäge çagyrdy. Iordaniýanyň Patyşasy çakylygy hoşallyk bilen kabul edip, şu günki duşuşygyň döwletara gatnaşyklary mundan beýläk-de ösdürmäge itergi berjekdigine ynam bildirdi.
Duşuşygyň ahyrynda hormatly Prezidentimiz Serdar Berdimuhamedow hem-de Iordaniýa Haşimit Patyşalygynyň Patyşasy Abdulla II ibn Al Husseýn birek-birege berk jan saglyk, alyp barýan jogapkärli döwlet işlerinde uly üstünlikleri, iki ýurduň dostlukly halkyna bolsa mundan beýläk-de abadançylyk arzuw etdiler.
Çeşme: tdh.gov.tm
Medeni hyzmatdaşlyk — parahatçylygyň we ösüşiň bähbidine
06.11.2026
Şu gün paýtagtymyzda GDA gatnaşyjy döwletleriň Medeni hyzmatdaşlyk boýunça geňeşiniň nobatdaky mejlisi geçirildi. Bu iri halkara çäre Arkalaşyga agza döwletleriň arasyndaky medeni-ynsanperwer gatnaşyklaryň häzirki ýagdaýyna baha bermek, geljekki bilelikdäki meýilnamalary kesgitlemek hem-de dostluk köprülerini has-da berkitmek ugrunda möhüm ädim boldy. Mejlisde GDA giňişliginde medeni gatnaşyklary ösdürmegiň esasy ugurlary we hyzmatdaşlygyň gerimini giňeltmek bilen bagly birnäçe meseleler ara alnyp maslahatlaşyldy.
Duşuşyga GDA agza döwletleriň ugurdaş ministrlikleriniň hem-de edaralarynyň wekilleri gatnaşdylar. Mejlisiň esasy maksady Arkalaşyga agza ýurtlaryň arasyndaky taryhy-medeni gatnaşyklary pugtalandyrmakdan, dowam edip gelýän ruhy-döredijilik baglanyşyklaryny täze derejelere çykarmakdan we özara bähbitli hyzmatdaşlygy giňeltmekden ybaratdyr.
Mejlisiň gün tertibine laýyklykda, taraplar häzirki zaman şertlerinde medeniýet ulgamynda köptaraplaýyn hyzmatdaşlygyň ýagdaýyna baha berip, geljekki bilelikdäki meýilnamalary ara alyp maslahatlaşdylar.
Ýurdumyz medeni mümkinçiliklerini durmuşa geçirmek üçin köptaraplaýyn platformalary işjeň ulanyp, iri halkara we sebit guramalary bilen gatnaşyklaryny pugtalandyrýar. Bu işde Garaşsyz Döwletleriň Arkalaşygyna aýratyn orun degişlidir. Şu günki çäre hem muny aýdyňlygy bilen subut edýär.
Bellenilişi ýaly, medeniýet Garaşsyz Döwletleriň Arkalaşygynyň giňişliginde milli özboluşlylygy saklamagyň, halklaryň arasyndaky özara düşünişmegi pugtalandyrmagyň we ynsanperwer hyzmatdaşlygy ösdürmegiň iň möhüm şerti bolup durýar. Türkmenistan milli medeni mirasymyzy gorap saklamaga, öwrenmäge we wagyz etmäge, sungaty, edebiýaty hem-de döredijilik kuwwatyny ösdürmäge, şeýle hem halkara medeni hyzmatdaşlygy giňeltmäge gönükdirilen döwlet syýasatyny yzygiderli durmuşa geçirýär.
2026-njy ýylda Türkmenistanyň GDA-da başlyklyk edýän döwründe Arkalaşykda Türkmenistanyň başlyklyk etmeginiň Konsepsiýasyna laýyklykda, ynsanperwer gün tertibini amala aşyrmaga aýratyn üns berilýär. Geçirilýän çäreler GDA gatnaşyjy döwletleriň arasyndaky medeni gatnaşyklary berkitmäge, hünärmen alyşmalaryny işjeňleşdirmäge we bilelikdäki başlangyçlary mundan beýläk-de ösdürmäge gönükdirilendir. Bu babatda «Garaşsyz, baky Bitarap Türkmenistan — bedew batly at-myradyň mekany» ýylynda geçirilýän Garaşsyz Döwletleriň Arkalaşygynyň 35 ýyllygyna we Türkmenistanyň Garaşsyzlygynyň 35 ýyllygyna bagyşlanan çäreler aýratyn ähmiýete eýedir.
Türkmenistan GDA halklarynyň umumy medeni baýlygynyň aýrylmaz bölegi bolup durýan taryhy-medeni mirasy gorap saklamaga we wagyz etmäge, GDA gatnaşyjy döwletleriň arasynda medeni hyzmatdaşlygy mundan beýläk-de berkitmäge, bilelikdäki medeni taslamalary durmuşa geçirmäge uly üns berýär. Şu günki mejlis hem ynsanperwer ulgamdaky netijeli özara gatnaşyklaryň mundan beýläk-de ösdürilmegine we döwletlerimiziň halklarynyň arasyndaky dostlugy pugtalandyrmaga möhüm goşant goşar.
Mejlisiň dowamynda 2026-njy ýylda geçirilen möhüm medeni çäreler, şol sanda GDA gatnaşyjy döwletleriň medeniýet ulgamyndaky 2026 — 2028-nji ýyllar üçin esasy hyzmatdaşlyk çäreleri we 2027-nji ýylda meýilleşdirilýän giň möçberli çäreler ara alnyp maslahatlaşyldy. Şunuň bilen birlikde, Garaşsyz Döwletleriň Arkalaşygynyň 35 ýyllygyna bagyşlanan Meýilnamanyň durmuşa geçirilişi boýunça Geňeşiň agzalarynyň maglumatlary diňlenildi.
Mundan başga-da, «Garaşsyz Döwletleriň Arkalaşygynyň Medeniýet günleri» Konsepsiýasynyň taslamasy we GDA gatnaşyjy döwletleriň «Arkalaşyk» atly halkara kinofestiwaly hakyndaky Düzgünnamanyň taslamasyny taýýarlamak boýunça alnyp barylýan işler barada maglumat berildi hem-de «GDA-nyň medeni paýtagtlary» döwletara maksatnamasyny durmuşa geçirmek bilen bagly meselelere garaldy.
Şeýle hem mejlisiň dowamynda medeni mirasy gorap saklamak, dikeltmek we bütin dünýäde wagyz etmek boýunça bilelikdäki taslamalary amala aşyrmak meselesine üns çekildi. Şunda Arkalaşygyň çäklerinde geçirilýän halkara festiwallaryň, medeniýet günleriniň we döredijilik duşuşyklarynyň uly ähmiýete eýedigi bellenildi. Ara alyp maslahatlaşylan ugurlaryň hatarynda GDA giňişliginde yzygiderli ýagdaýda geçirilýän ýaşlaryň döredijilik oýunlaryny, halkara bäsleşikleri we ylmy-amaly maslahatlary guramak meselesi hem beýan edildi.
Mejlisiň ahyrynda geňeşiň başlyklygy, nobatdaky mejlisiň geçiriljek ýeri bilen bagly guramaçylyk meselelerine seredildi.
Duşuşyga gatnaşyjylar Gahryman Arkadagymyzyň başlangyçlary esasynda hem-de hormatly Prezidentimiziň parasatly baştutanlygynda Türkmenistanyň medeniýet ulgamynda öňe sürýän halkara başlangyçlarynyň ähmiýetini belläp, şu günki mejlisiň guramaçylyk derejesine ýokary baha berdiler hem-de Arkalaşyga agza döwletleriň arasyndaky dostluk, parahatçylyk we ynsanperwerlik köprüleriniň mundan beýläk hem berkäp, täze mazmun bilen baýlaşdyryljakdygyna ynam bildirdiler.
Çeşme: tdh.gov.tm
Türkmenistanda teatr sungatynyň halkara festiwaly badalga aldy
06.11.2026
Şu gün paýtagtymyzda «Bagtyýarlyk döwrüniň teatr sungaty» atly V halkara teatr festiwalynyň açylyş dabarasy boldy. Teatr sungatynyň bu uly baýramçylygy Gazagystanyň, Russiýa Federasiýasynyň, Täjigistanyň, Özbegistanyň, Ermenistanyň wekiliýetlerini, teatr sungatynyň ussatlaryny, döredijilik toparlaryny we sungat söýüjileri bir ýere jemledi.
Berkarar döwletiň täze eýýamynyň Galkynyşy döwründe türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow tarapyndan binýady goýlan medeni syýasatyň hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilmegi esasynda milli medeniýetimiziň ösdürilmegine we dünýäde wagyz edilmegine aýratyn ähmiýet berilýär. Şunuň bilen baglylykda, medeniýet ulgamynyň maddy-enjamlaýyn binýady berkidilýär, milli we halkara derejede döredijilik bäsleşikleridir festiwallar yzygiderli geçirilýär. Şunuň bilen bir hatarda, Bitarap Türkmenistan ähli döwletler bilen özara bähbitli hyzmatdaşlygy we dostlukly dialogy giňeltmegi dowam etdirýär, şeýle hem ählumumy parahatçylygy pugtalandyrmak işine uly goşant goşýar. Medeni diplomatiýa özara ynanyşmagy pugtalandyrmak, milli bähbitleri öňe sürmek we ýurdumyzyň oňyn abraýyny döretmek ýaly daşary syýasy maksatlara ýetmek üçin medeni alyşmalary işjeňleşdirmekde hem-de bu ugurda gatnaşyklary ýola goýmakda möhüm orun eýeleýär.
Milli medeniýetleriň özara dialogynyň yklymlaryň syýasy, ykdysady, medeni taýdan ýakynlaşmagynda aýratyn ähmiýetiniň bardygyny bellemek gerek. Medeniýet dürli halklarydyr ýurtlary birleşdirýän özboluşly köpri bolup, onuň dili hemmeler üçin elýeterli we düşnüklidir. Döredijilik çäreleri, şolaryň arasynda teatr, kino festiwallary, dünýäniň dürli ýurtlarynyň Medeniýet günleri, halkara sergi-ýarmarkalar we beýlekiler dostlugyň hem-de özara düşünişmegiň nyşanyna öwrüldi. Bu çäreler medeni gatnaşyklary giňeltmek, halklaryň milli gymmatlyklaryny wagyz etmek we baýlaşdyrmak, özara düşünişmegi pugtalandyrmak ýaly maksatlara ýetmäge itergi berýär. Şunda teatr sungatyna hem aýratyn orun degişlidir.
Gahryman Arkadagymyzyň asylly başlangyçlary we hormatly Prezidentimiz Arkadagly Gahryman Serdarymyzyň taýsyz tagallalary bilen, milli teatr sungatymyz halkara ülňülere laýyklykda ösýär, kämilligiň täze belentliklerine ýetýär. Sahna oýunlarynda mukaddes Garaşsyzlygymyzyň we hemişelik Bitaraplygymyzyň beýik işlere galkyndyrýan kuwwatly güýji dabaralandyrylýar. Teatr sahnalarynda milli gymmatlyklarymyz çeper sungatyň üsti bilen dünýä ýaýylýar. Şunuň bilen baglylykda, teatr sungatynyň wekilleriniň abraý-mertebesi dünýä dolýar.
...Teatr festiwalynyň açylyş dabarasy gatnaşyjylaryň ählisiniň öz ýurtlarynyň medeni däp-dessurlaryny görkezýän baýramçylyk çykyşlary bilen badalga aldy. Türkmenistanyň Mollanepes adyndaky talyplar teatrynyň we Türkmenistanyň Beýik Saparmyrat Türkmenbaşy adyndaky Baş akademiki drama teatrynyň öňündäki meýdançada teatr toparlarynyň dabaraly ýörişi ýaýbaňlandyryldy. Bu ýerde ýerine ýetirilen edebi-çeper çykyşlar özüniň baý mazmuny we çeperçilik derejesi bilen tapawutlanyp, tomaşaçylara hem-de festiwalyň myhmanlaryna egsilmez ruhy joşgun paýlady.
Türkmen döwlet medeniýet institutynyň talyplar topary tarapyndan ýerine ýetirilen «Türkmenistan — dost-doganlyk mekany» atly teatrlaşdyrylan edebi-çeper kompozisiýada Türkmenistanyň parahatçylyk söýüjilikli başlangyçlary we durmuşa geçirýän dost-doganlyk syýasaty sungatyň dili bilen çeper beýan edildi. Türkmen döwlet gurjak teatrynyň döredijilik toparynyň taýýarlan «Janly gurjaklar» atly edebi-çeper çykyşy, Türkmenistanyň Döwlet sirkiniň agzalarynyň özüne çekiji çykyşlary we çylşyrymly akrobatik hereketleri baýramçylygyň şowhunyny has-da artdyrdy.
«Leýli-Mejnun» operasyndan parçanyň ýerine ýetirilmegi türkmen opera sungatynyň üstünliginiň ajaýyp şöhlelenmesi boldy. «Türkmenistan — eziz Diýar, waspyň dillerde dessan!» atly aýdym-sazly çykyşda türkmen halkynyň ösüşiň täze tapgyryna gadam basan Garaşsyz, hemişelik Bitarap Watanymyza bolan buýsanjy we bagtyýarlyk duýgusy öz beýanyny tapdy.
Soňra dabara Türkmenistanyň Beýik Saparmyrat Türkmenbaşy adyndaky Baş akademiki drama teatrynyň binasynda dowam etdi. Onuň zalynda ýurdumyzda teatr sungatynyň ösüş taryhyny hem-de häzirki zaman gazananlaryny beýan edýän sergi ýaýbaňlandyryldy.
Bu ýerde «Bagtyýarlyk döwrüniň teatr sungaty» atly V halkara teatr festiwalynyň resmi açylyş dabarasy geçirildi. Oňa ýurdumyzyň medeniýet ulgamynyň, festiwala gatnaşyjy döwletleriň döredijilik wekiliýetleriniň, köpçülikleýin habar beriş serişdeleriniň ýolbaşçylarydyr wekilleri, ugurdaş ýokary hem-de ýöriteleşdirilen orta hünär okuw mekdepleriniň mugallymlarydyr talyplary gatnaşdylar.
Dabara «Agzybirlik — dost-doganlyk binýady» atly teatrlaşdyrylan edebi-çeper kompozisiýa bilen açyldy. Onda ýurdumyzyň bütin dünýäde parahatçylygy, dostlugy we medeni hyzmatdaşlygy dabaralandyrmaga gönükdirilen başlangyçlary, bu ugurda Gahryman Arkadagymyzyň we hormatly Prezidentimiziň durmuşa geçirýän asylly işleri wasp edildi.
Soňra hormatly Prezidentimiz Serdar Berdimuhamedowyň festiwala gatnaşyjylara iberen Gutlagy okaldy. Döwlet Baştutanymyz Gutlagynda Türkmenistanda bäşinji gezek geçirilýän halkara teatr festiwalynyň medeni diplomatiýanyň aýrylmaz bölegine öwrülendigini belläp, halkara teatr festiwallaryna dostlukly ýurtlaryň teatrlarynyň döredijilik toparlarynyň yzygiderli gatnaşmagynyň özara medeni hyzmatdaşlygy has-da pugtalandyrýandygyny, halkara medeni gatnaşyklary ösdürmekde, sungatyň ähli ugurlary bilen birlikde, teatr sungatyna hem uly orun degişlidigini belledi.
Bellenilişi ýaly, «Bagtyýarlyk döwrüniň teatr sungaty» atly V halkara teatr festiwalynyň «Garaşsyz, baky Bitarap Türkmenistan — bedew batly at-myradyň mekany» ýylynda guralmagy aýratyn ähmiýete eýedir. Bu halkara medeni çäre türkmen bedewleriniň şan-şöhratynyň dünýä ýüzünde belende göterilýän ýylynda özara medeni gatnaşyklaryň bedew batly ösüşlere beslenýändigini alamatlandyrýar.
«Dostlukly ýurtlaryň teatr toparlaryny, režissýorlaryny, artistlerini, dramaturglaryny bir döredijilik giňişliginde jemleýän bu halkara teatr festiwaly halklaryň arasyndaky medeni-ynsanperwer gatnaşyklary has-da dabaralandyrýar. Bu özboluşly sungat baýramy ýaş nesilleriň teatr sungatyna söýgüsini artdyrmaga, dostlukly ýurtlaryň teatr sungatynyň ösüşleri bilen ýakyndan tanyşdyrmaga uly ýardam berer» diýlip, hormatly Prezidentimiziň Gutlagynda bellenilýär.
Dabara festiwala gatnaşýan döwletleriň döredijilik wekiliýetleriniň gutlag çykyşlary bilen dowam etdi. Çykyşlarda bu forumyň halklary ýakynlaşdyrmakda we medeniýetleri özara baýlaşdyrmakda ähmiýeti bellenildi. Çykyş edenler halkara teatr festiwalyna gatnaşmak maksady bilen Aşgabada gelmäge döredilen mümkinçilik üçin döwlet Baştutanymyza tüýs ýürekden hoşallyk bildirdiler hem-de şeýle duşuşyklaryň özara döredijilik gatnaşygynyň ösdürilmeginde täze gözýetimleri açýandygyny nygtadylar.
Soňra halkara teatr festiwalynyň çäklerinde ýurdumyzyň teatrlarynda tomaşaçylara görkeziljek sahna oýunlarynyň wideoşekilli tanyşdyrylyşy boldy. Olaryň hatarynda täze sahna eserleri we tomaşaçylaryň söýgüsine mynasyp bolan meşhur spektakllar bar.
Açylyş dabarasy «Uzak ýaşa, Arkadagly Serdarymyz!» atly alkyşnama aýdymy bilen jemlendi. Bu aýdym hormatly Prezidentimiziň parasatly baştutanlygynda üstünlikli durmuşa geçirilýän beýik özgertmeleriň we Garaşsyz, baky Bitarap Watanymyzyň bedew batly ösüşleriniň senasy bolup ýaňlandy.
Döredijilik forumynyň dowamynda ýurdumyzyň teatrlarynda spektakllaryň görkezilişleri guralar. Festiwalyň maksatnamasy žanr babatda dürli sahna eserlerini öz içine aldy. Sahna eserleriniň ählisi päk duýgulara, çuňňur özboluşlylyga, keşpleriň ynandyryjy ýerine ýetirilişine beslenendigi, hiç wagt gymmatyny ýitirmejek ynsaplylyk, borç, söýgi we dostluk, wyždan arassalygy, adam mertebesi, ýaşaýşyň manysynyň gözlegi ýaly mowzuklar bilen berk baglanyşýandygy bilen tapawutlanýar.
Şeýle hem halkara teatr festiwalynyň çäklerinde teatr ýolbaşçylarynyň we döredijilik işgärleriniň gatnaşmaklarynda teatr sungatyny ösdürmek we hyzmatdaşlygy ýola goýmak boýunça iş maslahaty geçiriler.
«Bagtyýarlyk döwrüniň teatr sungaty» atly V halkara teatr festiwalynyň ýapylyş dabarasy 8-nji noýabrda geçiriler. Onda festiwalyň jemleri jemlener hem-de gatnaşyjylary ýörite diplomlar, tapawutlandyryş nyşanlary we ýadygärlik sowgatlar bilen sylaglamak dabarasy bolar.
Şeýle hem festiwala gatnaşyjy myhmanlar üçin paýtagtymyzyň gözel ýerlerine gezelençleri we muzeýler bilen tanyşlygy göz öňünde tutýan giň gerimli medeni maksatnama taýýarlanyldy.
Şeýlelikde, «Bagtyýarlyk döwrüniň teatr sungaty» atly V halkara teatr festiwaly teatr sungatyny ösdürmekde, milli medeniýetimizi halkara giňişlikde wagyz etmekde uly ähmiýete eýe bolmak bilen, Türkmenistanyň iri medeniýet we sungat merkezi hökmündäki ornuny nobatdaky gezek tassyklady.
Çeşme: tdh.gov.tm