Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe…
Bagt köşgi
Aşgabat şäher häkimliginiň «Bagt köşgi» toý dabaralary merkezi
Ömrüňiziň iň bagtly güni şu ýerden başlanýar
- Telefon95-57-68
- Açylan ýyly2011
- gat11
Soňky habarlar
Türkmenistan bilen Russiýa Federasiýasynyň arasynda gazanylan ikitaraplaýyn ylalaşyklary durmuşa geçirmek hem-de iki ýurduň özara gatnaşyklaryny mundan beýläk-de…
Şu gün Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň Birleşen Milletler Guramasynyň…
Şu gün “Awaza” milli syýahatçylyk zolagynda GDA ýurtlarynyň parlamentarileriniň duşuşygy dowam etdi. “Awaza” toplumynda Garaşsyz Döwletleriň Arkalaşygyna gatnaşyjy…
Baý milli mirasymyzy gorap saklamak, ony giňden wagyz etmek we täze taryhy döwürde ösdürmek ýurdumyzyň Gahryman Arkadagymyz tarapyndan başy başlanan hem-de hormatly…
Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen GDA gatnaşyjy döwletleriň Parlamentara Assambleýasynyň…
Habarlar Türkmenistanyň Döwlet habarlar gullugyndan (tdh.gov.tm) · Ähli habarlar
Merkez barada
«Bagt köşgi» toý dabaralary merkezi 2011-nji ýylyň 28-nji oktýabrynda Türkmenistanyň Garaşsyzlygynyň 20 ýyllygy mynasybetli açyldy. Merkez milli däp-dessurlarymyza laýyklykda toý we nikalaşmak dabaralaryny geçirmek, ýaş nesli ýokary ahlak ruhunda terbiýelemek, halkymyzyň agzybirligini we bitewiligini pugtalandyrmak maksady bilen döredildi.
Merkeziň binasy 11 gatdan ybarat. Onda üç sany uly toý zaly, ýedi sany banket zaly, ýedi sany nika zaly, 22 otagly myhmanhana, 36 dükan we hyzmat salony, dynç alyş otaglary we kafeler ýerleşýär. Bina ýerasty we daşky duralgalar bilen üpjün edilen.
Merkez toý we baýramçylyk dabaralaryny guraýar, toý dabaralaryny gurnamak boýunça ýaş hünärmenleri taýýarlaýar, zallary, söwda nokatlaryny we toý awtoulaglaryny kärendesine berýär, şeýle hem ýaňy öýlenenlere, ýerli ilata we daşary ýurtly myhmanlara myhmanhana hyzmatlaryny hödürleýär.
- 11gat
- 3toý zaly
- 7banket zaly
- 7nika zaly
- 22myhmanhana otagy
- 36dükan we salon
- 600awtoulag duralgasy
Zallarymyz
Toý zallary merkeziň 1-nji gatynda ýerleşýär. Olarda halkymyzyň asylly däp-dessurlaryna laýyk dabaralar — sadaka, bäbek toýy, sowgat gowşurmak, toý we beýleki baýramçylyklar geçirilýär. Banket zallaryny kärendesine almak üçin: 95-57-64, 95-57-65.
Toý zallary
1000
orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
500
orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
500
orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Banket zallary
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Nika zallary
Myhmanhana
Myhmanhananyň maksady — ýurdumyzyň raýatlaryna we daşary ýurtly myhmanlara rahat otaglarda ýokary hilli hyzmatlary hödürlemek. «Bagt köşgi» ýaşlara toý dabaralaryny aýratyn ýagdaýda geçirmäge mümkinçilik berýär.
Myhmanhana 22 otagdan ybarat: 10-sy lýuks, 12-si standart otag. Her otagda myhmanlaryň rahat dynç almagy we işlemegi üçin ähli şertler döredilen.
- 10 lýuks otag
- 12 standart otag
- Bir wagtyň özünde 44 myhman
- Ýörite mümkinçilikli adamlar üçin otag
- Konferens otagy
- Eşik ýuwmak we taksi çagyrmak
Bahalar
Toý awtoulaglary
Merkeziň awtoulag bölüminde toý we baýramçylyk dabaralary üçin 14 awtoulag bar: 2 «Lincoln» limuzin, 10 «Lincoln» kabriolet-sedan we 2 «Toyota Coaster» awtobusy. Awtoulaglar milli we häzirkaýl bezegler bilen bezelýär, hyzmat amatly şertlerde berilýär.
58 manat / sagat
10 sany
66 manat / sagat
2 sany
64 manat / sagat
2 sany
Hünär kurslary
Medeni-usulyýet bölümi toý dabaralaryny gurnamak boýunça gysga möhletli hünär kurslaryny geçirýär. Okuwyň ahyrynda diňleýjilere degişli şahadatnama gowşurylýar.
Toý dabaralarynda wideo-surat operatorlygy
Toý dabaralaryny gurnamak we geçirmek
Toý dabaralarynyň bezeg işi
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Habarlaşmak üçin
-
SalgymyzAşgabat şäheri, Bagtyýarlyk etraby, Bagtyýarlyk köçesi, 15-nji jaý
-
Telefon95-57-68 · Faks: 95-57-60
-
E-poçtabagtkoshgi@sanly.tm
1 / 10
Ak ýol
Toý zallary
1000 orun
Gündizki dabaralar üçin 2, agşamky toýlar üçin 5 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
1 / 10
Nur
Toý zallary
500 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
1 / 9
Älem
Toý zallary
500 orun
Toý hyzmatlarynyň menýusy 130 manatdan, myhmanlar üçin menýu 70 manatdan başlaýar. Bahanyň 50%-i öňünden, galan 50%-i göterimsiz 24 aýa çenli tölenýär; bank karzy 36 aýa çenli. Sowgat: tort, zalyň bezegi, surat, ses we yşyk enjamlary, myhmanhana, bezelen toý awtoulagy.
Çeşme
Banket zallary
200 orun
Gündizki dabaralar üçin 2, agşamky toýlar üçin 3 baha görnüşi bar. Ýaňy öýlenenlere amatlyklar we ýadygärlik sowgatlar berilýär.
Bagtly
Banket zallary
100 orun
Sahawat
Nika zallary
150 orun
Şäher
Nika zallary
150 orun
Dessan
Nika zallary
100 orun
Ylham
Nika zallary
100 orun
Ýyldyz
Nika zallary
100 orun
Şamçyrag
Nika zallary
100 orun
Şapak
Nika zallary
100 orun
1 / 7
Myhmanhana
22 otagly myhmanhana: 10 lýuks we 12 standart otag. Her otagda rahat dynç almak we işlemek üçin ähli şertler bar. Otag we bahalar barada jaň ediň.
Ýerli raýatlar üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 114,00 manat | 114,00 manat |
| Lýuks otag (LUX) | 199,50 manat | 199,50 manat |
Daşary ýurt raýatlary üçin nyrhnama
| Otag görnüşi | TWIN | DBL |
|---|---|---|
| Adaty otag (STD) | 50 USD | 100 USD |
| Lýuks otag (LUX) | 50 USD | 100 USD |
Bir gije üçin
1 / 6
1 / 5
1 / 3
Toý dabaralarynda wideo-surat operatory
Toý dabaralarynda wideo-surat operatorlygy
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň menejeri
Toý dabaralaryny gurnamak we geçirmek
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
Ýazylmak
Toý dabaralarynyň dizaýneri
Toý dabaralarynyň bezeg işi
3 aýlyk kurs · 1449 manat
Okuw tamamlanda şahadatnama berilýär. Merkeziň 4-nji gatynda, medeni-usulyýet bölüminde.
ÝazylmakTürkmenistanyň Ministrler Kabinetiniň mejlisi
20.11.2026
Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi.
Ilki bilen, Ministrler Kabinetiniň Başlygynyň orunbasary H.Geldimyradow “GDA agza döwletleriň ulag baglanyşygyny berkitmekde zähmeti guramagy we kadalaşdyrmagy ösdürmegiň mümkinçilikleri” atly halkara maslahata görülýän taýýarlyk barada hasabat berdi.
Bellenilişi ýaly, Aşgabat şäherinde geçirilmegi meýilleşdirilýän halkara maslahatyň esasy maksady ykdysadyýetleriň sanlylaşdyrylmagy we döwletleriň ulag-logistika taýdan özara baglanyşykly şertlerinde zähmeti kadalaşdyrmak babatda öňdebaryjy tejribeleri paýlaşmakdan, zähmeti kadalaşdyrmak ulgamynda GDA ýurtlarynyň, guramalaryň arasynda hyzmatdaşlygy pugtalandyrmakdan ybaratdyr. Forumyň işine Azerbaýjanyň, Belarusuň, Ermenistanyň, Gazagystanyň, Gyrgyzystanyň, Täjigistanyň, Özbegistanyň, Russiýanyň degişli ygtyýarly we ulag edaralarynyň, GDA-nyň Ýerine ýetiriji komitetiniň, Arkalaşyga gatnaşyjy döwletleriň zähmeti kadalaşdyrmakda usulyýet, guramaçylyk-tehniki işlerini üpjün edýän binýatlyk guramalarynyň, döwletara statistika komitetiniň wekilleriniň, ýurdumyzyň degişli ministrlikleriniň hem-de edaralarynyň wekilleriniň gatnaşmagy göz öňünde tutulýar.
Döwlet Baştutanymyz hasabaty diňläp, milli ykdysadyýete sanly ulgamy ornaşdyrmakda öňdebaryjy halkara tejribeden ugur almagyň möhümdigini belledi. Şunuň bilen baglylykda, hormatly Prezidentimiz wise-premýere bu ugurda halkara hyzmatdaşlygy berkitmek maksady bilen guraljak maslahata gowy taýýarlyk görmegi we ony ýokary guramaçylyk derejesinde geçirmegi tabşyrdy.
Ministrler Kabinetiniň Başlygynyň orunbasary G.Agajanow Ykdysady hyzmatdaşlyk boýunça hökümetara türkmen-ermeni toparynyň on birinji mejlisini geçirmäge görülýän taýýarlyk işleri barada hasabat berdi.
Bellenilişi ýaly, häzirki wagtda Türkmenistan bilen Ermenistan Respublikasynyň arasyndaky köptaraplaýyn hyzmatdaşlyk yzygiderli ösdürilýär. Şunuň bilen baglylykda, hökümetara toparyň işine aýratyn ähmiýet berilýär. Toparyň nobatdaky mejlisinde iki ýurduň arasyndaky söwda-ykdysady hyzmatdaşlygy mundan beýläk-de ösdürmek we gerimini has-da giňeltmek maksady bilen, ýangyç-energetika, maliýe-ykdysady, ylym-bilim, ýokary tehnologiýalar, sport, medeniýet, saglygy goraýyş, ulag ýaly ulgamlarda özara gatnaşyklary pugtalandyrmagyň mümkinçiliklerini ara alyp maslahatlaşmak göz öňünde tutulýar. Şunuň bilen baglylykda, döwlet Baştutanymyzyň garamagyna degişli teklip hödürlenildi.
Hormatly Prezidentimiz hasabaty diňläp, Türkmenistan bilen Ermenistanyň arasyndaky köpugurly gatnaşyklaryň yzygiderli ösdürilýändigini aýtdy hem-de wise-premýere Ykdysady hyzmatdaşlyk boýunça hökümetara türkmen-ermeni toparynyň on birinji mejlisine gowy taýýarlyk görmegi we ony ýokary derejede geçirmegi tabşyrdy.
Ministrler Kabinetiniň Başlygynyň orunbasary T.Atahallyýew oba hojalyk pudagynda we welaýatlarda möwsümleýin işleriň alnyp barlyşy barada hasabat berdi.
Nygtalyşy ýaly, häzirki wagtda geljek ýylyň hasyly üçin bugdaý ekilen meýdanlarda agrotehnikanyň kadalaryna laýyklykda, ösüş suwuny tutmak, mineral dökünler bilen iýmitlendirmek işleri geçirilýär. Gowaça meýdanlarynda pagta hasylyny soňky hanasyna çenli ýygnap almak boýunça degişli işler alnyp barylýar. Daşoguz, Lebap welaýatlarynyň ekin meýdanlarynda ýetişdirilen şaly hasylyny ýygnap almak üçin zerur çäreler görülýär. Mary welaýatynda gant şugundyryny ýygnap almak, bu möwsümi öz wagtynda geçirmek babatda degişli işler geçirilýär. Şeýle hem welaýatlaryň ekerançylyk meýdanlarynyň suw üpjünçiligini, ýerleriň melioratiw ýagdaýyny gowulandyrmak, suw serişdelerini tygşytly peýdalanmak ugrunda zerur işler alnyp barylýar.
Arkadagly Gahryman Serdarymyz hasabaty diňläp, oba hojalyk pudagyny ösdürmegiň, bugdaý ekilen meýdanlarda agrotehniki kadalar esasynda ideg etmek işlerini geçirmegiň möhümdigini belledi. Döwlet Baştutanymyz wise-premýere pagta hasylyny soňky hanasyna çenli ýygnap almak boýunça alnyp barylýan işleri dowam etdirmegi tabşyrdy.
Ministrler Kabinetiniň Başlygynyň orunbasary B.Annamämmedow “Türkmenhimiýa” döwlet konserniniň “Balkanabat” ýod zawodyny döwrebaplaşdyrmak boýunça alnyp barylýan işler barada hasabat berdi.
Bellenilişi ýaly, ýerli çig mal serişdelerinden rejeli we netijeli peýdalanmak bilen, himiýa senagatyny diwersifikasiýa ýoly bilen ösdürmek boýunça ýurdumyzda ösen tehnologiýalar esasynda täze himiýa kärhanalary gurulýar, öňden işleýänleriniň durky täzelenilýär hem-de döwrebaplaşdyrylýar. Bu babatda “Balkanabat” ýod zawodynda hem degişli işler amala aşyrylýar. Şunda öňdebaryjy daşary ýurt kompaniýalary bilen hyzmatdaşlyga uly ähmiýet berilýär. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.
Hormatly Prezidentimiz hasabaty diňläp, ýurdumyzda himiýa senagatyny ösdürmek, ýerli çig mal serişdelerini rejeli peýdalanmak boýunça maksatnamalaýyn işleriň alnyp barylýandygyny aýtdy. Döwlet Baştutanymyz “Türkmenhimiýa” döwlet konserniniň “Balkanabat” ýod zawodynyň düzüminde tehniki uglerod öndürýän desgany gurmak boýunça taýýarlanan teklibi goldap, wise-premýere degişli işleri geçirmegi tabşyrdy.
Ministrler Kabinetiniň Başlygynyň orunbasary N.Atagulyýew söwda toplumy tarapyndan Halkara Bitaraplyk gününe hem-de Täze ýyl baýramyna görülýän taýýarlyk işleri barada hasabat berdi.
Nygtalyşy ýaly, şu ýylyň 5-nji dekabryndan başlap ýurdumyzyň welaýatlarynda hem-de Aşgabat we Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny guramak, göçme söwda nokatlaryny gurnamak göz öňünde tutulýar. Şunuň bilen baglylykda, döwlet Baştutanymyzyň garamagyna degişli teklip hödürlenildi.
Arkadagly Gahryman Serdarymyz hasabaty diňläp, Halkara Bitaraplyk güni hem-de Täze ýyl baýramy bilen baglylykda, bazarlarda göçme söwda nokatlaryny gurnamagyň wajypdygyny aýtdy hem-de olary dürli görnüşli sowgatlyk harytlar bilen üpjün etmegi gözegçilikde saklamagy tabşyrdy.
Ministrler Kabinetiniň Başlygynyň orunbasary B.Seýidowa taryhy we medeni ýadygärlikleri rejelemek, dikeltmek hem-de gorap saklamak babatda alnyp barylýan işler barada hasabat berdi.
Bellenilişi ýaly, «Milli taryhy-medeni mirasyň obýektlerini aýap saklamagyň, goramagyň, öwrenmegiň hem-de olara syýahatçylary çekmegiň 2022 — 2028-nji ýyllar üçin Döwlet maksatnamasyna» laýyklykda, şu ýylyň güýzki möwsüminde Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirligi tarapyndan ýurdumyzyň taryhy-medeni ýadygärliklerinde ylmy-barlag we rejeleýiş işleri dowam etdirildi. Şeýle hem halkymyzyň şöhratly taryhyny, gadymy medeniýetini häzirki zaman ylmynyň gazananlarynyň esasynda öwrenmek maksady bilen, taryhy-medeni ýadygärliklerinde bilelikdäki arheologik ekspedisiýalary ylmy-barlag işlerini alyp bardylar. Geçirilýän ylmy gözlegleriň dowamynda toplanan maglumatlary öz wagtynda çap etmek, olar bilen halkara ylmy jemgyýetçiligi tanyşdyrmak maksady bilen, «Asyrlaryň yzlary» atly halkara ylmy ýygyndynyň dördünji goýberilişi çapa taýýarlanyldy.
Hormatly Prezidentimiz hasabaty diňläp, halkymyzyň baý taryhy-medeni mirasyny ylmy taýdan öwrenmegiň we geljek nesillere ýetirmegiň döwlet syýasatynyň ileri tutulýan ugurlarynyň biri bolup durýandygyny aýtdy hem-de wise-premýere taryhy-medeni ýadygärlikleri rejelemek, dikeltmek hem-de gorap saklamak boýunça alnyp barylýan işleri dowam etdirmegi tabşyrdy.
Ministrler Kabinetiniň Başlygynyň orunbasary B.Mämmedow şu ýylyň dekabrynda ýurdumyzyň ýokary okuw mekdeplerinde sanly ulgam arkaly halkara ylmy-amaly maslahatlary we olimpiadalary geçirmek boýunça alnyp barylýan işler barada hasabat berdi.
Bellenilişi ýaly, milli bilim ulgamyny döwrebaplaşdyrmak, ýaşlaryň intellektual ukyplaryny ösdürmek, olaryň ylma we döredijilige höwesini artdyrmak, hünäre ugrukdyrmak babatda toplumlaýyn işler durmuşa geçirilýär. Hususan-da, geljek aýda Seýitnazar Seýdi adyndaky Türkmen döwlet mugallymçylyk institutynda VI Açyk halkara fizika internet olimpiadasyny, Birleşen Milletler Guramasynyň Baş Assambleýasy tarapyndan “2028-nji ýyl — Halkara hukuk ýyly” atly Kararnamanyň kabul edilmegi mynasybetli, Halkara ynsanperwer ylymlary we ösüş uniwersitetinde I Halkara hukugy bäsleşigini, III Halkara filosofiýa we III Halkara ykdysadyýet olimpiadalaryny geçirmek meýilleşdirilýär. Türkmen oba hojalyk institutynda “Oba hojalyk pudagynyň durnukly ösüşinde biotehnologiýalaryň orny” atly III halkara ylmy-amaly maslahaty, Aba Annaýew adyndaky Halkara atçylyk akademiýasynda “Atçylyk pudagynda ylmy barlaglar we innowasiýalar: halkara tejribe we geljekki ösüş ugurlary” atly halkara ylmy-amaly maslahaty geçirmek göz öňünde tutulýar. Şunuň bilen baglylykda, wise-premýer döwlet Baştutanymyzyň garamagyna degişli teklibi hödürledi.
Hormatly Prezidentimiz hasabaty diňläp, ýurdumyzda ýaş nesliň zehin-başarnygyny ösdürmäge, bu ugurda halkara hyzmatdaşlygy berkitmäge möhüm ähmiýet berilýändigini belledi. Döwlet Baştutanymyz Diýarymyzyň degişli ýokary okuw mekdeplerinde halkara maslahatlary hem-de olimpiadalary geçirmek baradaky teklibi makullap, wise-premýere degişli işleri geçirmegi tabşyrdy.
Soňra Ministrler Kabinetiniň Başlygynyň orunbasary, daşary işler ministri R.Meredow Birleşen Milletler Guramasynyň Baş Assambleýasy tarapyndan kabul edilen täze Kararnama barada hasabat berdi.
Bellenilişi ýaly, halkara düzümler, ilkinji nobatda, Birleşen Milletler Guramasy bilen köpugurly gatnaşyklary yzygiderli ösdürmek hormatly Prezidentimiziň alyp barýan daşary syýasatynyň esasy ugurlarynyň biridir. BMG bilen hyzmatdaşlygyň çäklerinde köp ýyllaryň dowamynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de hormatly Prezidentimiziň alyp barýan daşary syýasatynyň esasynda ýurdumyz dünýä ösüşiniň derwaýys meseleleri boýunça möhüm başlangyçlary öňe sürýär. Olar ählumumy parahatçylygy, howpsuzlygy, ynanyşmagy pugtalandyrmaga, durnukly ösüşi üpjün etmäge, ynsanperwer işler we beýleki gaýragoýulmasyz mowzuklar babatda halkara hereketleri işjeňleşdirmäge gönükdirilendir. Netijede, Birleşen Milletler Guramasynyň Baş Assambleýasy Türkmenistanyň teklibi boýunça ençeme ugurlarda wajyp Kararnamalary kabul edýär. Bu bolsa ýurdumyzyň öňe sürýän halkara başlangyçlarynyň dünýä jemgyýetçiliginde giň goldaw tapýandygyna şaýatlyk edýär.
Wise-premýer, daşary işler ministri Birleşen Milletler Guramasynyň Nýu-Ýork şäherinde ýerleşýän ştab-kwartirasyndan gelip gowşan hoş habar barada aýtdy. 16-njy noýabrda BMG-niň Baş Assambleýasynyň 81-nji sessiýasynyň çäklerinde Türkmenistanyň öňe sürmegi esasynda «Birleşen Milletler Guramasynyň we Garaşsyz Döwletleriň Arkalaşygynyň arasynda hyzmatdaşlyk» atly Kararnama kabul edildi. Möhüm ähmiýetli resminamanyň Türkmenistanyň Garaşsyz Döwletleriň Arkalaşygynda başlyklyk edýän ýylynda we Arkalaşygyň 35 ýyllyk ýubileý ýylynda kabul edilendigi bellenildi. Täze Kararnama ýurdumyzyň Arkalaşygyň halkara giňişlikdäki ornuny we abraýyny pugtalandyrmak, onuň Birleşen Milletler Guramasy bilen özara gatnaşyklaryny ösdürmek babatda uly tagalla edýändigine şaýatlyk edýär. Şunuň bilen baglylykda, bu Kararnamanyň Garaşsyz Döwletleriň Arkalaşygynyň sebitleýin gurama hökmünde halkara derejede has giňden ykrar edilmegine, onuň mundan beýläk-de Birleşen Milletler Guramasynyň ulgamy bilen özara gatnaşyklarynyň pugtalandyrylmagyna, köptaraplaýyn hyzmatdaşlygynyň ösdürilmegine ýardam berjekdigi nygtaldy.
Wise-premýer, daşary işler ministri hormatly Prezidentimizi we Gahryman Arkadagymyzy bu Kararnamanyň kabul edilmegi bilen tüýs ýürekden gutlady.
Döwlet Baştutanymyz Ministrler Kabinetiniň agzalaryna ýüzlenip, Garaşsyz Türkmenistanyň dünýä döwletleri we halkara guramalar bilen hemişelik Bitaraplyk hukuk derejesine esaslanýan “Açyk gapylar” syýasatyny alyp barýandygyny belledi. “Şunuň bilen baglylykda, Birleşen Milletler Guramasynyň Baş Assambleýasynyň sessiýasynda Türkmenistanyň başlangyjy bilen “Birleşen Milletler Guramasynyň we Garaşsyz Döwletleriň Arkalaşygynyň arasynda hyzmatdaşlyk” atly Kararnama biragyzdan kabul edildi. Biz geljekde hem Birleşen Milletler Guramasy bilen netijeli hyzmatdaşlygy ösdürmek boýunça alyp barýan işlerimizi dowam etdireris” diýip, Arkadagly Gahryman Serdarymyz aýtdy. Pursatdan peýdalanyp, hormatly Prezidentimiz mejlise gatnaşyjylaryň ählisini gelip gowşan hoş habar — möhüm ähmiýetli Kararnamanyň kabul edilmegi bilen tüýs ýürekden gutlady.
Soňra wise-premýer, daşary işler ministri hasabatyny dowam edip, “Türkmenistanyň biologik dürlüligini gorap saklamak boýunça 2027 — 2035-nji ýyllar üçin täzelenen Milli strategiýa” we Hereketleriň meýilnamasy barada aýtdy.
Bellenilişi ýaly, ýurdumyzyň baý tebigatyny, onuň biologik dürlüligini gorap saklamak, tebigy baýlyklarymyzy rejeli peýdalanmak we bu ugurda halkara hyzmatdaşlygy yzygiderli ösdürmek hormatly Prezidentimiziň alyp barýan döwlet syýasatynyň esasy ugurlarynyň biridir. Şu ýylyň 16-njy oktýabrynda Ermenistan Respublikasynyň Ýerewan şäherinde geçirilen biologik dürlülik boýunça Liderler sammitinde döwlet Baştutanymyzyň eden taryhy çykyşynda biodürlüligi gorap saklamagyň, ösümlik we haýwanat dünýäsiniň seýrek hem-de ýitmek howpy astyndaky görnüşlerini goramagyň, bu ugurdaky halkara hyzmatdaşlygy berkitmegiň möhüm ähmiýetine üns çekildi. Şeýle hem biologik dürlüligi gorap saklamak boýunça Milli strategiýanyň we Hereketleriň meýilnamasynyň bu ugurdaky wezipeleri durmuşa geçirmekde wajyp gural bolup hyzmat etjekdigi nygtaldy.
Türkmenistan 1996-njy ýylda Birleşen Milletler Guramasynyň Biologik dürlülik hakyndaky Konwensiýasyny tassyklady. Şeýle hem ýurdumyz 2008-nji ýylda bu Konwensiýanyň Biohowpsuzlyk boýunça Kartahena teswirnamasyna, 2020-nji ýylda bolsa Genetiki serişdeleriň elýeterliligi we olary peýdalanmakdan alynýan peýdalaryň adalatly hem-de deňhukukly paýlaşylmagy baradaky Nagoýa teswirnamasyna goşuldy. Häzirki wagtda Türkmenistan halkara resminamalardan gelip çykýan borçnamalaryny ýerine ýetirmek, biologik dürlüligi gorap saklamak we degişli mümkinçilikleri berkitmek boýunça yzygiderli işleri alyp barýar. 2023-nji ýylda ýurdumyzyň “Bereketli Garagum”, “Gaplaňgyr” we “Repetek” döwlet tebigy goraghanalarynyň ÝUNESKO-nyň Bütindünýä mirasynyň sanawyna girizilmegi bu ugurda alnyp barylýan döwlet syýasatynyň möhüm netijeleriniň biridir.
Wise-premýer, daşary işler ministri döwlet Baştutanymyzyň bu babatda öňde goýýan wezipelerinden ugur alyp, Birleşen Milletler Guramasynyň Ösüş maksatnamasy bilen hyzmatdaşlykda “Türkmenistanyň biologik dürlüligini gorap saklamak boýunça 2027 — 2035-nji ýyllar üçin täzelenen Milli strategiýanyň” we Hereketleriň meýilnamasynyň taslamasynyň taýýarlanylandygyny aýtdy. Bu resminama ýurdumyzyň milli bähbitlerine we ileri tutulýan ugurlaryna laýyklykda işlenip taýýarlanyldy hem-de 2022-nji ýylda kabul edilen Biologik dürlülik boýunça Kunmin-Monreal ählumumy Çarçuwaly maksatnamasynda kesgitlenen halkara maksatlary we wezipeleri göz öňünde tutýar. Milli strategiýanyň esasy maksady ýurdumyzyň biologik dürlüligini häzirki we geljek nesiller üçin gorap saklamakdan, dikeltmekden hem-de tebigy serişdeleri rejeli peýdalanmakdan ybaratdyr. Strategiýada birnäçe milli maksat we olara ýetmäge gönükdirilen maksatlaýyn wezipeler kesgitlenildi.
Bu maksatlara ýetmek üçin strategiýada birnäçe esasy ugur boýunça degişli çäreleri durmuşa geçirmek göz öňünde tutulýar. Taýýarlanan resminamada «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda», “Türkmenistanyň 2026 — 2030-njy ýyllar üçin Milli tokaý maksatnamasynda” we beýleki degişli döwlet resminamalarynda kesgitlenen wezipeler göz öňünde tutuldy. Milli strategiýanyň taslamasyna degişli döwlet edaralarynyň, beýleki gyzyklanýan taraplaryň gatnaşmagynda ýerine ýetirilmeli çäreleri öz içine alýan Hereketleriň meýilnamasynyň taslamasy hem goşulýar. Bu resminamalaryň kabul edilmegi ýurdumyzyň biologik dürlüligini gorap saklamak boýunça alnyp barylýan işleri täze derejä çykarmaga, tebigy baýlyklarymyzy geljek nesiller üçin aýawly saklamaga, Türkmenistanyň halkara ekologiýa başlangyçlaryny we degişli halkara borçnamalarynyň durmuşa geçirilmegini ilerletmäge ýardam berer. Şunuň bilen baglylykda, degişli teklip beýan edildi.
Döwlet Baştutanymyz hasabaty diňläp, ýurdumyzda tebigy baýlyklary gorap saklamak, daşky gurşawy goramak, ekologiýa howpsuzlygyny üpjün etmek boýunça netijeli işleriň alnyp barylýandygyny aýtdy. Şunuň bilen baglylykda, hormatly Prezidentimiz “Türkmenistanyň biologik dürlüligini gorap saklamak boýunça 2027 — 2035-nji ýyllar üçin täzelenen Milli strategiýa” we Hereketleriň meýilnamasy boýunça taýýarlanan teklibi makullap, wise-premýer, daşary işler ministrine degişli işleri geçirmegi tabşyrdy.
Ministrler Kabinetiniň Başlygynyň orunbasary M.Akmämmedow şu ýylyň 24 — 26-njy noýabry aralygynda Aşgabat şäherinde “Halkara ulag-üstaşyr geçelgeleri: özara arabaglanyşyk we ösüş — 2026” atly halkara maslahaty we sergini, “Türkmentel — 2026” atly halkara sergini we ylmy maslahaty geçirmäge görülýän taýýarlyk işleri barada hasabat berdi.
Bellenilişi ýaly, bu çärelere halkara guramalaryň we daşary ýurt kompaniýalarynyň jemi 300-den gowrak wekiliniň, 600-den agdyk wekiliýetiň gatnaşmagy meýilleşdirilýär. Sergide sanly ykdysadyýet, emeli aň, kiberhowpsuzlyk, 5G tehnologiýalary we telekommunikasiýa ugurlary boýunça täze innowasion çözgütler görkeziler. Şeýle hem Halkara Elektroaragatnaşyk Birleşigi tarapyndan kiberhowpsuzlyk boýunça hem-de BMG-niň Ösüş maksatnamasy tarapyndan “Emeli aň we innowasiýa bilen Türkmenistanyň sanly geljegini emele getirmek” atly okuw maslahatlarynyň geçirilmegi meýilleşdirilýär.
«Halkara ulag-üstaşyr geçelgeleri: özara arabaglanyşyk we ösüş — 2026» atly halkara maslahatda ulag ulgamynyň geljegi, sebitleýin baglanyşyk, multimodal üstaşyr geçelgeler, howa gatnawlarynyň durnuklylygy, ulag-logistika zynjyrynyň innowasion çözgütleri, olara maýa goýumlary çekmegiň mümkinçilikleri ýaly ugurlar boýunça çykyşlar diňlener. Şeýle hem halkara ähmiýetli çäreleriň çäklerinde “Sanly çözgüt — 2026” atly innowasion bäsleşigiň jemi jemlener we onuň ýeňijilerini sylaglamak dabarasy bolar.
Hormatly Prezidentimiz hasabaty diňläp, ýurdumyzyň ulag we aragatnaşyk toplumynyň işini kämilleşdirmek, bu ugurda halkara hyzmatdaşlygy ösdürmek boýunça işleriň alnyp barylýandygyny belledi hem-de wise-premýere halkara üstaşyr ulag geçelgelerine bagyşlanan halkara maslahata we sergä hem-de “Türkmentel — 2026” atly halkara sergä we ylmy maslahata gowy taýýarlyk görmegi, olary ýokary derejede geçirmegi tabşyrdy.
Mejlisde döwlet durmuşyna degişli başga-da birnäçe möhüm meselelere seredildi we olar boýunça degişli çözgütler kabul edildi.
Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglyk, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.
Çeşme: tdh.gov.tm
Ykdysady hyzmatdaşlyk boýunça hökümetara türkmen-rus toparynyň türkmen böleginiň düzümi tassyklanyldy
20.11.2026
Türkmenistan bilen Russiýa Federasiýasynyň arasynda gazanylan ikitaraplaýyn ylalaşyklary durmuşa geçirmek hem-de iki ýurduň özara gatnaşyklaryny mundan beýläk-de ösdürmek maksady bilen, Türkmenistanyň Prezidenti Karara gol çekdi. Resminama laýyklykda, Ykdysady hyzmatdaşlyk boýunça hökümetara türkmen-rus toparynyň türkmen böleginiň düzümi tassyklanyldy.
Çeşme: tdh.gov.tm
Çagalaryň şatlygy — dünýäniň abatlygy
20.11.2026
Şu gün Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň Birleşen Milletler Guramasynyň Çagalar gaznasy (ÝUNISEF) bilen bilelikde guramagynda “Garaşsyz, baky Bitarap Türkmenistan — bedew batly at-myradyň mekany” ýyly mynasybetli “Arzuw ganatlary” atly dabara geçirildi.
Çagalar döwletimiziň hemişe üns merkezindedir. Gadymdan gelýän ynsanperwerlik we mätäje goldaw bermek ýaly asylly ýörelgelere eýerilip, Garaşsyz Watanymyzda ata-enesiniň howandarlygyndan mahrum bolan çagalar we ýetginjekler aýratyn alada bilen gurşalýar. Olaryň hemmetaraplaýyn ösmegi, bagtyýar geljegini üpjün etmek üçin döwlet derejesinde tagalla edilýär. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy tarapyndan näsag çagalara uly goldaw berilýär. Bu gazna 2021-nji ýylda Gahryman Arkadagymyzyň başlangyjy bilen döredildi. Haýyr-sahawat gaznasy näsag çagalara dürli lukmançylyk operasiýalaryny geçirmek, çagalar öýlerinde, ýöriteleşdirilen mekdeplerde, mekdep-internatlarda terbiýelenýän çagalara lukmançylyk kömegini bermek hem-de olaryň saglygyny dikeltmek, zerur bolan lukmançylyk enjamlaryny satyn almak üçin yzygiderli serişdeleri bölüp berýär.
Häzirki wagtda Howandarlyga mätäç çagalara hemaýat bermek boýunça haýyr-sahawat gaznasy halkara ynsanperwerlik ulgamynda alyp barýan işiniň gerimini has-da giňeldýär. Halkymyzyň gadymdan gelýän haýyr-sahawat däplerine, ynsanperwerlik ýörelgelerine eýermek bilen, dürli ýurtlarda tebigy betbagtçylyklardan ejir çeken çagalara kömek we goldaw berýär. Bu gazna bilen Birleşen Milletler Guramasynyň Çagalar gaznasynyň, Hytaýyň Sun Sinlin adyndaky gaznasynyň, Azerbaýjanyň Geýdar Aliýew adyndaky gaznasynyň arasynda gol çekilen özara düşünişmek hakynda Ähtnamalar çagalaryň bähbidine halkara hyzmatdaşlygy giňeltmäge gönükdirilendir.
...Dabara Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti, ýurdumyzyň ministrlikleriniň we pudaklaýyn dolandyryş edaralarynyň, jemgyýetçilik guramalarynyň, Türkmenistandaky halkara guramalaryň we diplomatik wekilhanalaryň ýolbaşçylary hem-de wekilleri, ýurdumyzyň, daşary ýurtlaryň köpçülikleýin habar beriş serişdeleriniň, orta hem-de ýokary okuw mekdepleriniň, mekdebe çenli çagalar edaralarynyň wekilleri, talyplar gatnaşdylar. Dabara gatnaşyjylar, ilki bilen, “Jahan” döredijilik merkeziniň çagalar aýdym-saz we tans toparlarynyň çykyşlaryna tomaşa etdiler.
Soňra çykyş etmek üçin Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa söz berildi. Ol hemmeleri mähirli mübärekläp, dostlugy, wepalylygy we arzuwlaryň hasyl bolmagyny alamatlandyrýan, «Garaşsyz, baky Bitarap Türkmenistan — bedew batly at-myradyň mekany» ýylynda geçirilýän bu dabaranyň haýyr-sahawat gaznasy bilen Birleşen Milletler Guramasynyň Çagalar gaznasynyň arasyndaky ýakyn hyzmatdaşlygyň nyşany bolup durýandygyny belledi.
Soňra O.Atabaýewa Gahryman Arkadagymyzyň we onuň asylly başlangyçlaryny mynasyp dowam etdirýän hormatly Prezidentimiziň goldawy bilen geçirilýän çärä daşary ýurtly myhmanlaryň gatnaşýandygyny nazara alyp, çykyşyny BMG-niň resmi dilleriniň biri bolan iňlis dilinde dowam etdi.
“Şu günki çärä gatnaşýandygyňyz üçin size minnetdarlyk bildirýärin. Biz bu şanly günde — Bütindünýä çagalar gününde ähli çagalaryň abadançylygyny üpjün etmek işine umumy ygrarlylygymyzy ýene-de bir gezek tassyklamak üçin bir ýere jemlendik. Haýyr-sahawat gaznasy hökmünde biz ösüp gelýän ýaş nesliň beden, intellektual, durmuş abadançylygyna işjeň ýardam etmek üçin ýerli guramalar hem-de halkara hyzmatdaşlar bilen ýakyndan hyzmatdaşlyk edýäris. Biz dogry iýmitlenme bolmasa, doly derejeli sagdynlygy üpjün edip bolmaýandygyny, berk jan saglyk bolmasa, ýokary hilli bilim berip bolmaýandygyny nazara almak bilen, her bir çaganyň ýagdaýyna toplumlaýyn çemeleşýäris. Bu düşünjeler özara baglanyşykly bolup, hemmetaraplaýyn çemeleşmäni talap edýär. Biz çagalaryň sagdyn we hemmetaraplaýyn ösüşi üçin öňdebaryjy tejribäni hem-de bilimleri çekmäge çalyşýarys. Şunuň bilen baglylykda, 11-nji dekabrda döredilmeginiň 80 ýyllygyny belleýän ÝUNISEF bilen işjeň hyzmatdaşlygymyza ýokary baha berýäris” diýip, O.Atabaýewa nygtady hem-de mümkinçilikden peýdalanyp, bu abraýly guramany şanly sene bilen tüýs ýürekden gutlady we onuň ýolbaşçylaryna, işgärlerine, meýletinçilerine iň gowy arzuwlaryny beýan etdi.
“80 ýylyň dowamynda BMG-niň Çagalar gaznasy asylly işleri alyp bardy we bu gün ÝUNISEF goldaw bermegiň hem-de asylly işlere wepalylygyň nyşany bolup durýar. Baýramyňyz gutly bolsun!” diýip, gaznanyň wise-prezidenti aýtdy.
O.Atabaýewa ÝUNISEF bilen geçirilýän çäreler barada aýdyp, ene süýdi bilen iýmitlendirmegi goldamak boýunça bilelikdäki çäre barada aýratyn belläp geçdi. Nygtalyşy ýaly, bu çäre köp enelere hem-de maşgalalara çaganyň ömrüniň ilkinji gününden başlap oňa sagdyn badalga bermegiň möhümdigine düşünmäge ýardam etdi. “Hakykatdan-da, çaganyň ömrüniň ilkinji ýyllary aýratyn ähmiýete eýe bolup durýar. Ömrüniň iň irki döwründen çaganyň saglygyna we ösüşine maýa goýum biziň milletimiziň abadançylygyna goşup biljek iň saldamly goşantlarymyzyň biridir.
Elbetde, çaganyň önüp-ösýän maşgala ýagdaýy hem örän wajypdyr. Biziň ÝUNISEF bilen bilelikdäki ene-atalygy goldamak boýunça çärämiz çagany terbiýelemek ulgamynda ukyp-başarnyklaryny ösdürmäge gönükdirilendir. Şeýle-de biz bu gurama bilen bilelikde her bir çaganyň öz deň-duşlary bilen deňlikde okamaga, oýnamaga, önüp-ösmäge mümkinçiligini üpjün etmek üçin inklýuziw bilimi ilerletmek ugrunda işleýäris. Biziň haýyr-sahawat gaznamyzyň esaslandyryjysy hem-de prezidenti Gahryman Arkadagymyzyň belleýşi ýaly, çagalar milletiň geljegi we iň uly baýlygydyr. Çagalaryň saglygy, abadançylygy, hemmetaraplaýyn ösüşi biziň umumy gün tertibimiziň aýrylmaz bölegi bolmalydyr” diýip, gaznanyň wise-prezidenti sözüni dowam etdi.
O.Atabaýewa çagalaryň hukuklaryny goramagyň, olaryň durmuş taýdan goldawyny üpjün etmegiň, aýratyn-da, howandarlyga mätäç çagalaryň bagtyýar durmuşda ýaşamagy we jemgyýete işjeň goşulyşmagy üçin zerur şertleri döretmegiň möhüm ähmiýetini belläp, bu ugurda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen Birleşen Milletler Guramasynyň Çagalar gaznasynyň arasyndaky hyzmatdaşlygyň mundan beýläk-de pugtalandyryljakdygyna berk ynam bildirdi. “Çünki çagalaryň bähbidine gönükdirilen her bir başlangyç, her bir haýyrly iş we her bir bilelikdäki tagalla olaryň geljegine goýulýan gymmatly maýa goýumdyr” diýip, gaznanyň wise-prezidenti aýtdy hem-de şu dabaranyň diňe bir ýatdan çykmajak baýramçylyk pursatlaryna däl, eýsem, dostlugyň, ynsanperwerligiň, özara düşünişmegiň, ýagşy arzuwlaryň dabaralanýan gününe hem öwrüljekdigini nygtady.
O.Atabaýewa dabara gatnaşýan çagalara ýüzlenip, olaryň her biriniň ýüreginde göterýän arzuwlarynyň hasyl bolmagyny, ýüzleriniň hemişe şatlykdan gülüp durmagyny, durmuş ýollarynyň ýagty we röwşen bolmagyny, her bir gününiň täze açyşlara, şatlykly pursatlara, ýatdan çykmajak üstünliklere beslenmegini arzuw etdi.
Gaznanyň wise-prezidenti bu çäräniň her bir çaganyň arzuwynyň hasyl bolmagy üçin hemmeleriň bilelikde tagalla etmeginiň zerurdygyny aňladýan ajaýyp wakalaryň biri boljakdygyna ynam bildirip, dabara gatnaşyjylaryň ählisine berk jan saglyk, abadançylyk, dünýämiziň ýagty geljegi üçin edýän ähli tagallalarynyň üstünliklere beslenmegini arzuw etdi.
Birleşen Milletler Guramasynyň Türkmenistandaky hemişelik utgaşdyryjysy Sýaoszýun Greýs Wan çykyşynda Bütindünýä çagalar güni mynasybetli şu dabara gatnaşmagyň özi üçin uly hormatdygyny belläp, bu çäräni geçirýändikleri üçin Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna hem-de Birleşen Milletler Guramasynyň Çagalar gaznasyna hoşallyk bildirdi.
“Türkmenlerde “Bal süýji, baldan-da bala süýji” diýen parasatly nakyl bar. Ähli döwürlerde, ähli medeniýetlerde çagalar hemişe geljege bolan umydy alamatlandyrýar. Biziň çagalar baradaky aladamyz şu günki günümize berýän bahamyzy, geljekde haýsy jemgyýeti gurmaga çalyşýandygymyzy görkezýär. Her bir çaga goldanylmaga, abadan durmuşda ýaşamak üçin mümkinçilik almaga mynasypdyr. Munuň özi dabaranyň “Arzuw ganatlary” diýen adynda hem öz beýanyny tapýar. Bu bize çagalygyň arzuw-hyýallaryň, açyşlaryň we mümkinçilikleriň döwrüdigini ýatladýar. Her bir çaganyň arzuwynyň hasyl bolmagy üçin mümkinçilikleri hem-de şertleri döretmek biziň umumy jogapkärçiligimizdir.
Şu ýyl Türkmenistanda “Garaşsyz, baky Bitarap Türkmenistan — bedew batly at-myradyň mekany” şygary astynda geçýär. Ganatly bedewler kimin, çagalar hem maksada okgunlylygy alamatlandyrýar. Olar Türkmenistanyň diňe bir geljegi bolman, eýsem, şu günki ösüşiniň hem işjeň gatnaşyjylarydyr” diýip, BMG-niň ýurdumyzdaky hemişelik utgaşdyryjysy sözüni dowam etdi we çagalara maýa goýumyň islendik jemgyýetiň edip biljek iň möhüm maýa goýumlarynyň biri bolup durýandygyny nygtady.
Sýaoszýun Greýs Wan BMG bilen Türkmenistanyň durnukly ösüş ulgamynda alyp barýan hyzmatdaşlygy barada-da durup geçdi. “Biz Türkmenistanyň çagalary goramak ulgamyny pugtalandyrmak, olaryň hukuklaryny we abadançylygyny üpjün etmek boýunça alyp barýan yzygiderli tagallalaryna ýokary baha berýäris. Birleşen Milletler Guramasy Türkmenistanyň bu ugurdaky tagallalarynda ygtybarly hyzmatdaşy bolmagynda galýar. Bütindünýä çagalar güni gutly bolsun!” diýip, BMG-niň wekili sözüni jemledi.
Soňra çykyş etmek üçin Birleşen Milletler Guramasynyň Çagalar gaznasynyň (ÝUNISEF) Türkmenistandaky wekili Jalpa Ratna söz berildi.
ÝUNISEF-niň wekili şu ýyl Bütindünýä çagalar gününiň “Meniň günüm, meniň hukuklarym, meniň geljegim” atly ählumumy çäräniň howandarlygynda geçýändigini we dünýäde adam hukuklary ulgamynda iň giňden tassyklanylan Çaganyň hukuklary hakynda Konwensiýanyň döredilmeginiň şanly senesini dabaralandyrýandygyny belledi. Türkmenistan bu Konwensiýa 1993-nji ýylda goşuldy.
Jalpa Ratna çagalaryň hukuklarynyň hökmany ykrar edilmelidigini, olaryň goragynyň bolsa maşgaladan, ene-atalardan başlanýandygyny nygtady. ÝUNISEF-niň wekili öz çagalarynyň esasy terbiýeçileri hökmünde ene-atalara ýüzlenip, ýurdumyzyň ugurdaş ministrlikleri bilen bilelikde Aşgabat we Daşoguz şäherlerinde ene-atalary goldamak boýunça synag toparlarynyň üstünlikli ýola goýlandygyny, bu toparlaryň ozal hereket edýän durmuş hyzmatlarynyň aýrylmaz bölegi boljakdygyny aýtdy. Jalpa Ratna maşgalalary goldamak boýunça anyk gurallar barada aýtmak bilen, ýurdumyzyň Saglygy goraýyş we derman senagaty hem-de Bilim ministrlikleri bilen bilelikde “Çaganyň saglygy” atly ykjam goşundynyň işlenip taýýarlanylýandygyny habar berdi.
Çykyşynyň ahyrynda ÝUNISEF-niň wekili ene süýdi bilen iýmitlendirmek, ene-atalyk we mümkinçiligi çäkli çagalar üçin inklýuziw gurşawy döretmek meselelerinde işjeň hyzmatdaşlyk edýändigi üçin Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna tüýs ýürekden hoşallyk bildirdi.
Soňra dabara gatnaşyjylar “Galkynyş” milli at üstündäki oýunlar toparynyň çykyşlaryna tomaşa etdiler. Tomaşa “Akja kepderi” atly aýdym-sazly kompozisiýa bilen açyldy.
Sirk sungatynda her bir çykyş zehiniň, ussatlygyň özboluşly sazlaşygy bolup, olaryň her biriniň öz many-mazmuny bar. Ak kepderi parahatçylygyň nyşany bolup, onuň keşbi adamlary agzybirlige, asuda we abadan durmuşa çagyrýar. Sirk sungatyň aýratyn görnüşi bolmak bilen, ähli ýaşdaky adamlar üçin gyzyklydyr. Onda ýerine ýetirilýän çykyşlar batyrgaýlygy, çeýeligi, gözelligi, zehini özünde jemleýär. Gahryman Arkadagymyzyň tagallalary we hormatly Prezidentimiz tarapyndan yzygiderli dowam etdirilýän işleriň netijesinde ýurdumyzda sirk sungaty täze ösüşe eýe bolýar.
Ýeri gelende bellesek, “Galkynyş” milli at üstündäki oýunlar topary 2007-nji ýylda türkmen halkynyň Milli Lideriniň başlangyjy esasynda döredildi. Türkmenistanyň çäklerinden daşarda hem örän meşhur bolan “Galkynyş” topary milli medeni mirasymyzy Ýer ýüzünde giňden tanatmaga uly goşant goşýar hem-de ýurdumyzda ýaýbaňlandyrylýan dabaralarda we şanly seneler mynasybetli guralýan medeni-köpçülikleýin çärelerde çykyş edip, olaryň ähmiýetini artdyrýar. Ajaýyp bedewleriň gözelligi we çeýeligi, çapyp barýan atyň üstünde dürli çylşyrymly hereketleri ýerine ýetirýän ýigitleriň ussatlyklary tomaşaçylarda ýatdan çykmajak täsirleri galdyrýar.
Soňra dabara gatnaşyjylar “Arzuw ganatlary” atly dabara mynasybetli ýörite gurnalan pawilýonlary synladylar.
“Arzuw ganatlary: her bir çaga üns merkezinde” atly we Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň, Birleşen Milletler Guramasynyň Çagalar gaznasynyň pawilýonlary ösüp gelýän nesli goldamak boýunça bilelikdäki başlangyçlary aýdyň beýan edýär.
Maşgala, bilime, ýaş zehinleriň ösüşine bagyşlanan “Maşgala meýdançasy”, “Ýaşyl” mekdepler”, “Çagalar we ekologiýa medeniýeti”, “Döredijilik çagalary” atly pawilýonlar dabara gatnaşyjylaryň aýratyn ünsüni çekdi. Olarda ýerleşdirilen diwarlyklar çagalary terbiýelemäge, olarda ekologiýa medeniýetini kemala getirmäge, maşgala gymmatlyklaryny pugtalandyrmaga, ösüp gelýän ýaş nesliň döredijilik mümkinçiliklerini açmaga gönükdirilen toplumlaýyn çemeleşmäni özünde jemleýär.
Gahryman Arkadagymyzyň tagallasyndan binýat bolan we ýaşlaryň şäheri diýlip ykrar edilen Arkadag şäherinde geçirilen “Arzuw ganatlary” atly dabara ýatda galyjy wakalara, täsirli pursatlara baý boldy.
Şeýlelikde, bu dabara Türkmenistanyň we onuň halkara hyzmatdaşlarynyň ösüp gelýän ýaş nesliň hukuklaryny goramak, her bir çaganyň sazlaşykly ösüşi üçin amatly şertleri döretmek işine üýtgewsiz ygrarlydygynyň nobatdaky aýdyň beýany boldy. Bu baýramçylyk çäresi döwlet we jemgyýetçilik edaralarynyň, BMG-niň ýöriteleşdirilen düzümleriniň tagallalaryny birleşdirip, Garaşsyz, baky Bitarap döwletimiziň esasy baýlygy bolan ýaş raýatlaryň bagtyýar çagalygy, abadan geljegi baradaky aladanyň umumy jogapkärçiligimizdigini görkezdi.
Çeşme: tdh.gov.tm
GDA ýurtlarynyň parlamentara hyzmatdaşlygynyň täze ugurlary kesgitlenildi
20.11.2026
Şu gün “Awaza” milli syýahatçylyk zolagynda GDA ýurtlarynyň parlamentarileriniň duşuşygy dowam etdi. “Awaza” toplumynda Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 61-nji plenar mejlisi geçirildi.
Mejlis başlanmazdan ozal, oňa gatnaşýan wekiliýet ýolbaşçylary hem-de GDA-nyň Baş sekretary Sergeý Lebedew bilelikde resmi ýadygärlik surata düşdüler. Soňra «Awaza» toplumynyň uly mejlisler zalynda Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 61-nji plenar mejlisi öz işine başlady.
Mejlisiň başynda oňa gatnaşyjylar “Awaza” milli syýahatçylyk zolagynyň ýurtlaryň hyzmatdaşlygy ösdürmäge ymtylyşynyň we halklaryň dostlugynyň mekany bolup durýandygyny nobatdaky gezek subut edendigini aýdyp, şeýle wakalaryň Türkmenistanyň 2026-njy ýylda GDA-da başlyklyk etmeginiň çäklerinde bolup geçmeginiň aýratyn mana eýedigini nygtadylar. Bellenilişi ýaly, 19-njy noýabrda türkmen halkynyň Milli Lideri Arkalaşygyň ýurtlarynyň parlament ýolbaşçylary bilen duşuşdy. Şol gün GDA gatnaşyjy döwletleriň Parlamentara Assambleýasynyň Geňeşiniň mejlisi geçirilip, onda Türkmenistanyň Mejlisine GDA-nyň Parlamentara Assambleýasynyň ýanynda synçy derejesi berildi, şeýle hem BMG-niň Baş Assambleýasy tarapyndan Türkmenistanyň başlangyjy esasynda “Birleşen Milletler Guramasynyň we Garaşsyz Döwletleriň Arkalaşygynyň arasynda hyzmatdaşlyk” atly Kararnamanyň kabul edilendigi barada habar berildi. Bu wakalaryň Türkmenistanyň 2026-njy ýylda GDA-da başlyklyk etmeginiň çäklerinde, Arkalaşygyň döredilmeginiň 35 ýyllygynyň öňüsyrasynda bolup geçmegi taryhy ähmiýete eýedir.
Mejlise gatnaşyjylar Awazada işlemäge döredilen mümkinçilikler hem-de bildirilen myhmansöýerlik üçin Gahryman Arkadagymyza we Arkadagly Gahryman Serdarymyza tüýs ýürekden hoşallyklaryny beýan etdiler.
Çykyşlarda Türkmenistanyň GDA-da başlyklyk etmeginiň çäklerinde köp sanly çäreleriň geçirilendigi barada nygtalyp, olaryň her biriniň özboluşly mazmuny we häsiýeti bilen tapawutlanandygy aýdyldy. Garaşsyz Döwletleriň Arkalaşygyna gatnaşyjy döwletleriň parlament wekiliýetleriniň ýolbaşçylary çykyşlarynda Arkalaşygyň çäklerinde hyzmatdaşlygy has-da pugtalandyrmak, hususan-da, parlamentara gatnaşyklary ösdürmek boýunça öz ýurtlarynda ýerine ýetirilýän işler, toplanan tejribeler barada gürrüň berdiler. Olar “Awaza” milli syýahatçylyk zolagynda geçirilýän mejlisleriň çäklerinde kabul edilen taryhy çözgütleriň GDA gatnaşyjy döwletleriň halklarynyň abadançylygyny üpjün etmäge, sebitde parahatçylygy we durnukly ösüşi gazanmaga goşant goşjakdygyna berk ynam bildirdiler hem-de Türkmenistanyň Mejlisine Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynda synçy derejesiniň berilmegi bilen türkmen kärdeşlerini gutladylar.
Parlament wekiliýetleriniň ýolbaşçylary pursatdan peýdalanyp, Parlamentara Assambleýanyň nobatdaky mejlislerini ýokary derejede geçirmäge, şeýle hem parlamentara gatnaşyklary ösdürmäge giň mümkinçilikleri döredýän hormatly Prezidentimize we Gahryman Arkadagymyza çuňňur hoşallyklaryny beýan etdiler.
Gün tertibindäki meseleler ylalaşylandan soňra, şol meseleler boýunça çykyşlara orun berildi.
Bellenilişi ýaly, GDA-nyň Parlamentara Assambleýasynyň 61-nji plenar mejlisiniň gün tertibine girizilen meseleler döwrüň möhüm wezipelerini öz içine alýar. Howpsuzlygy üpjün etmek, emeli aň, sanly tehnologiýalar ulgamyny hukuk taýdan düzgünleşdirmek, durmuş syýasatyny kämilleşdirmek, ýaş nesliň hünär taýdan taýýarlygyny goldamak boýunça taýýarlanylan nusgalyk kanunlar ýurtlarymyzyň bähbitlerine doly laýyk gelýär. GDA-nyň Parlamentara Assambleýasy tarapyndan işlenip taýýarlanylan nusgalyk kanunçylyk binýady Arkalaşygyň döwletleriniň hukuk ulgamlaryny ýakynlaşdyrmakda, umumy ykdysady we ynsanperwer giňişligi ösdürmekde möhüm gural bolup hyzmat edýär. Şeýle hem çykyşlarda nobatdaky mejlisiň Türkmenistanyň parlamentiniň taryhynda täze sahypany açandygy bellenildi. Çünki şu günden başlap Türkmenistanyň Mejlisi Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň mejlislerine synçy derejesinde ilkinji gezek gatnaşýar.
Ýurdumyzyň Mejlisine Parlamentara Assambleýada synçy derejesini bermek baradaky çözgüdiň kabul edilmegi döwletimiziň ählumumy daşary syýasy ugruna, hemişelik Bitaraplyk hukuk ýagdaýyna, GDA-nyň çäklerindäki diplomatik gatnaşyklaryna doly laýyk gelýär. 1992-nji ýylda döredilen Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynda Türkmenistanyň Mejlisiniň synçy derejesine eýe bolmagy ýurdumyzyň GDA-nyň giňişligindäki parlamentara gatnaşyklaryny ösdürmäge, milli kanun çykaryjylyk işinde halkara we sebit tejribesini öwrenmäge, parlamentara hyzmatdaşlygyň mümkinçiliklerinden netijeli peýdalanmaga, halkara we sebit meseleleri boýunça parlamentleriň arasynda gatnaşyklary pugtalandyrmaga, parlament diplomatiýasynyň mümkinçiliklerinden netijeli peýdalanmaga goşmaça şertleri döreder. Bu dereje öňde goýlan täze wezipeler bilen birlikde, Arkalaşygyň çäginde köptaraplaýyn hyzmatdaşlygy we parlamentara gepleşikleri hil taýdan täze, has işjeň hem-de netijeli derejä çykarmak üçin giň mümkinçilikleri döredýär.
Hormatly Prezidentimiziň baştutanlygynda ýurdumyz hemişelik Bitaraplyk hukuk derejesine esaslanyp, dünýä döwletleri, şol sanda GDA agza ýurtlar bilen dürli ugurlarda döredijilikli hyzmatdaşlygy ösdürýär. GDA-nyň döwlet Baştutanlarynyň gatnaşmaklarynda we olaryň yzygiderli goldawlary bilen geçirilýän maslahatlardyr duşuşyklaryň jemleri boýunça kabul edilýän kararlardyr çözgütler syýasy-diplomatik, söwda-ykdysady, medeni-ynsanperwer ulgamlarda hyzmatdaşlygy berkitmäge itergi berýär. Şundan ugur alyp, Türkmenistanyň Mejlisiniň mundan beýläk-de GDA-nyň Parlamentara Assambleýasynyň alyp barýan işine yzygiderli gatnaşmagynyň, parlamentara hyzmatdaşlygyň täze ugurlaryny ösdürmek boýunça bilelikdäki çäreleri guramagynyň maksadalaýyk boljakdygy barada pikirler beýan edildi.
BMG-niň Baş Assambleýasy tarapyndan Türkmenistanyň başlangyjy esasynda «2028-nji ýyl — Halkara hukuk ýyly» atly Kararnamanyň kabul edilmegi halkara hukugyň ýörelgelerini we ählumumy kadalary berkitmekde parlamentleriň ornuny has-da ýokarlandyrýar. Bu taryhy Kararnama halkara şertnamalaryň we konwensiýalaryň kadalaryny milli kanunçylyga has netijeli ornaşdyrmaga, hökümetara ylalaşyklaryň berjaý edilmegine parlament gözegçiligini güýçlendirmäge hem ýardam berer.
Mejlisde 2026-njy ýylyň dowamynda Türkmenistanyň Mejlisi tarapyndan alnyp barlan işlere-de üns çekildi. Şunuň bilen baglylykda, ýurdumyzda “Garaşsyz, baky Bitarap Türkmenistan — bedew batly at-myradyň mekany” ýylynda parlament diplomatiýasy arkaly halkara we sebit hyzmatdaşlygyny hem-de oňyn başlangyçlary goldamak bilen baglanyşykly giň gerimli işleriň amala aşyrylandygy nygtaldy. Aýratyn-da, ýylyň dowamynda GDA gatnaşyjy döwletleriň parlament wekiliýetleri bilen ýokary derejede duşuşyklar geçirilip, parlamentara dostluk toparlarynyň işi işjeňleşdirildi. Parahatçylygy, howpsuzlygy üpjün etmäge, ulag-logistika gatnaşyklaryny giňeltmäge, saglygy goraýşa, demografiýa, Durnukly ösüş maksatlaryna bagyşlanan halkara parlament maslahatlary guraldy. Milli maksatnamalary amala aşyrmak, milli kanunçylygy döwrebaplaşdyrmak üçin hukuk binýadyny döretmek maksady bilen, türkmen parlamenti sanly ykdysadyýet, ekologiýa, ýaşlar syýasaty, durmuş taýdan goraglylyk ýaly ulgamlarda halkara tejribäni, nusgalyk kanunlary yzygiderli we düýpli öwrendi.
Mejlisiň ahyrynda onuň işiniň netijeleri jemlenip, ýokary derejede döredilen mümkinçilikler hem-de bildirilen myhmansöýerlik üçin Gahryman Arkadagymyza we Arkadagly Gahryman Serdarymyza ýene-de bir gezek hoşallyk beýan edildi hem-de Hazaryň kenarynda geçirilen bu mejlisler Türkmenistanyň 2026-njy ýylda GDA-da başlyklyk etmeginiň nobatdaky üstünligi bolup taryha girer.
Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 61-nji plenar mejlisiniň esasy işi tamamlanandan soňra, bu ýerde Parlamentara Assambleýanyň Geňeşiniň çözgüdi bilen käbir parlamentarileri sylaglamak dabarasy geçirildi. Olara Assambleýanyň “Arkalaşyk” ordeni hem-de “Parlament hyzmatdaşlygyny pugtalandyrandygy üçin” diýen medallary, Parlamentara Assambleýanyň Geňeşiniň Hormat hatlary gowşuryldy.
Şeýlelikde, Türkmenistanyň GDA-da başlyklyk etmeginiň çäklerinde, GDA-nyň döredilmeginiň 35 ýyllyk şanly senesiniň öňüsyrasynda BMG-niň Baş Assambleýasy tarapyndan Türkmenistanyň başlangyjy esasynda “Birleşen Milletler Guramasynyň we Garaşsyz Döwletleriň Arkalaşygynyň arasynda hyzmatdaşlyk” atly Kararnamanyň kabul edilmegi hem-de Türkmenistanyň Mejlisine Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynda synçy derejesiniň berilmegi ýaly ajaýyp wakalar bilen utgaşan nobatdaky çäreler taryhy ähmiýete eýe boldy. Munuň özi Türkmenistanyň GDA ýurtlary bilen gatnaşyklary mundan beýläk-de döredijilikli ösdürmäge ymtylmasy esasynda şertlendirilen oýlanyşykly ädimdir.
***
Şu gün «Berkarar» myhmanhanasynda Türkmenistanyň Mejlisiniň Başlygynyň we degişli komitetleriň ýolbaşçylarynyň ýurdumyza sapar bilen gelen GDA gatnaşyjy döwletleriň parlament wekiliýetleriniň ýolbaşçylary we agzalary bilen ikitaraplaýyn duşuşyklary geçirildi. Duşuşyklara gatnaşyjylar Awazada geçirilen çäreleriň maksadynyň GDA-nyň çäklerinde parlament ugry boýunça sebitleýin dialogy pugtalandyrmakdan, geljekki nesilleriň abadançylygynyň bähbidine howpsuzlygy, pugta parahatçylygy üpjün etmek üçin toplumlaýyn çemeleşmeleri öňe sürmekden hem-de ilerletmekden ybaratdygyny nygtadylar. GDA agza ýurtlaryň parlament wekiliýetleriniň ýolbaşçylarynyň türkmen kärdeşleri bilen geçiren duşuşyklary ýurtlaryň hyzmatdaşlyk gatnaşyklaryny has-da giňeltmegi maksat edinýändiklerini tassyklady.
Soňra bu ýerde Türkmenistanyň Mejlisiniň Russiýa Federasiýasynyň Federal Ýygnagynyň Federasiýa Geňeşi bilen parlamentara dostluk toparynyň hem-de Russiýa Federasiýasynyň Federal Ýygnagynyň Federasiýa Geňeşiniň Türkmenistanyň Mejlisi bilen hyzmatdaşlyk boýunça toparynyň 2027-nji ýyl üçin iş meýilnamasyna gol çekildi.
Çeşme: tdh.gov.tm
Milli miras — geçmişiň tejribesini, häzirki döwrüň gazananlaryny we geljege tarap ynamly ädimleri baglanyşdyrýan köpri
19.11.2026
Baý milli mirasymyzy gorap saklamak, ony giňden wagyz etmek we täze taryhy döwürde ösdürmek ýurdumyzyň Gahryman Arkadagymyz tarapyndan başy başlanan hem-de hormatly Prezidentimiziň baştutanlygynda yzygiderli durmuşa geçirilýän döwlet syýasatynyň ileri tutulýan ugurlarynyň biridir. Bu bolsa döwletimiz tarapyndan işjeň öňe sürülýän medeni diplomatiýanyň möhüm ähmiýetini we üstünliklerini aýdyň subut edýän «Garaşsyz, baky Bitarap Türkmenistan — bedew batly at-myradyň mekany» ýylynyň wakalarynda öz beýanyny tapýar.
Bütin dünýäde şöhrat gazanan ahalteke atçylyk sungaty halkymyzyň gaýtalanmajak mirasynyň aýrylmaz bölegidir. Onuň köpasyrlyk özboluşly däpleri, nesilden-nesle geçirilip gelinýän milli at üstündäki oýunlar mekdebiniň ýörelgeleri şu günki günde mynasyp dowam etdirilýär. Gözelligi we syraty boýunça deňi-taýy bolmadyk ahalteke bedewleri täze taryhy döwrüň janly nyşany bolmak bilen, milli hem-de dünýä medeniýetiniň gymmatlygy hökmünde ykrar edildi. Bu günki gün behişdi bedewler halklaryň arasynda parahatçylygyň we dostlugyň ilçileri hökmünde belent wezipäni ýerine ýetirýärler.
Sentýabr aýynda Niderlandlar Patyşalygynda bedewlere bagyşlanyp geçirilen, gözelligiň, sungatyň, medeni dialogyň hem-de netijeli halkara hyzmatdaşlygyň ajaýyp baýramçylygyna öwrülen giň möçberli forum mukaddes Garaşsyzlygymyzyň 35 ýyllygyna beslenen 2026-njy ýylyň şanly wakalarynyň biri boldy. Halkara ahalteke atçylyk assosiasiýasynyň açyk mejlisi, atçylyk sporty boýunça dünýä çempionaty we ahalteke bedewleriniň arasynda gözellik bäsleşigi taryhda ilkinji gezek Ýewropa giňişliginde — Kronenberg şäherindäki «Pilbergen» atçylyk-sport toplumynda geçirildi. Şunuň bilen birlikde, Niderlandlar Patyşalygynyň Wenraý şäherinde Gahryman Arkadagymyzyň «Atda wepa-da bar, sapa-da» atly kitabynyň niderland dilindäki neşiriniň tanyşdyrylyş dabarasy boldy.
Milli Liderimiziň Halkara ahalteke atçylyk assosiasiýasynyň açyk mejlisine hem-de ahalteke atlarynyň arasynda atly sport we gözellik bäsleşiginiň dünýä çempionatynyň ýeňijilerini sylaglamak dabaralaryna gatnaşmagy bolsa bu wakanyň ähmiýetini has-da artdyrdy.
Gahryman Arkadagymyz açyk mejlisde çykyş edip, ahalteke bedewleriniň dürli milletlerden bolan dürli hünärdäki, dürli ýaşdaky adamlary birleşdirýändigini, olary öňde goýan maksatlaryna tarap bilelikde gitmäge ruhlandyrýandygyny belledi. Türkmenistan ahalteke atçylygy ulgamyndaky halkara hyzmatdaşlygy giňden makullaýar we goldaýar hem-de bu asylly işe öz goşandyny goşmaga taýýardyr.
Mejlise gatnaşyjylaryň çykyşlarynda nygtalyşy ýaly, behişdi bedewleriň şanyna ilkinji gezek Ýewropa yklymynda geçirilen bu iri çäreler dünýäniň dürli künjeklerinden atşynaslary, alymlary, hünärmenleri, türgenleri bir ýere jemledi. Ahalteke bedewiniň diňe bir at däl-de, eýsem, türkmen halkynyň taryhynyň, ruhunyň, milli baýlygynyň hem-de ÝUNESKO-nyň Adamzadyň maddy däl medeni mirasynyň aýrylmaz bölegidigi bellenildi. Şunda bedewleriň dünýädäki şan-şöhratyny artdyrmakda, atçylyk pudagynda netijeli halkara hyzmatdaşlygy pugtalandyrmakda Gahryman Arkadagymyzyň başlangyçlarynyň möhüm ähmiýetine üns çekildi.
Türkmen halkynyň Milli Lideriniň Ýewropa ahalteke atçylyk assosiasiýasynyň «Atçylygy ösdürmäge goşan uly goşandy üçin» atly abraýly baýragy we degişli Kubok bilen sylaglanylmagy behişdi bedewleri parahatçylygyň, halklaryň arasynda dostlugyň we hyzmatdaşlygyň ilçileri hökmünde dünýäde giňden wagyz etmek boýunça Gahryman Arkadagymyzyň asylly işleriniň ykrar edilýändiginiň, halkymyzyň özboluşly taryhyna, medeniýetine goýulýan uly hormatyň beýany boldy.
Türkmenistanyň Halk Maslahatynyň Başlygy ahalteke bedewleriniň geljekki ykbalynyň geçmişden hem şöhratly bolmagyny gazanmagyň hemmeleriň umumy borjy bolup durýandygyna ynam bildirip, bu babatda birnäçe täze teklipleri öňe sürdi. Şunda anyk strategiýany işläp düzmek, ýakyn onýyllykda ahalteke atçylygyny ösdürmek boýunça esasy ugurlary kesgitlemek baş wezipe bolup durýar. Şolaryň hatarynda ahalteke atlarynyň dünýä atçylyk sportuna, şol sanda Olimpiýa ýaryşlaryna gatnaşmagyny giňeltmek ýaly wezipeler bar. Şeýle-de atlara baş öwretmegiň we konkuryň halkara standartlary esasynda ýaş atlary taýýarlamak boýunça maksatnamalary işläp düzmek, ahalteke tohum atlaryna degişli iri halkara baýraklary döretmek göz öňünde tutulýar. «Ýaşyl» diplomatiýany we ekosyýahatçylygy ösdürmäge hem aýratyn ähmiýet berilýär. Ahalteke bedewlerinde Beýik Ýüpek ýolunyň taryhy ugry boýunça atly syýahatyň guralmagy dünýä syýahatçylygynyň täze we geljegi uly ugry bolup biler.
Gahryman Arkadagymyz weterinar ylmyna maýa goýmagyň, özboluşly genomy öwrenmek üçin halkara barlag grantlaryny döretmegiň zerurdygyny aýtdy. Halk Maslahatynyň Başlygy Kronenbergde guralan çäräniň ahalteke atlaryny söýüjileriň, bu ugurdaky hünärmenleriň, pikirdeşleriň arasynda ýakyn gatnaşyklary ýola goýmak üçin gowy mümkinçilik döredendigini nygtap, halkara assosiasiýalar derejesinde hyzmatdaşlygyň ulgamlaýyn ugurlaryny döretmegiň zerurdygyny aýtdy hem-de olaryň arasyndan aň-bilim, barlag işlerini utgaşdyrmagy, anyk taryhy materiallary we maglumatlary alyşmagy teklip etdi. Şeýle-de ahalteke bedewlerine bagyşlap köpçülikleýin habar beriş serişdelerinde, telewideniýede, dokumental esasda, sanly çeşmelerde, çap ediş önümi görnüşinde döredijilik eserlerini döretmegiň meýilnamalaryny we maksatnamalaryny işläp düzmek babatda teklip öňe sürüldi. Teklipleriň arasynda ahalteke bedewiniň bitewi genetik bankyny, ahalteke atlarynyň Halkara gaznasyny döretmek başlangyjyna seretmek hem bar.
Ynanyşmagy, medeni dialogy pugtalandyrmak zerurlygyny talap edýän häzirki zaman dünýäsinde Ýewropanyň Kronenberg şäherinde geçirilen çäreler medeniýeti, ylmy, sporty, sergi işini özünde sazlaşykly jemlemek bilen, özara düşünişmegiň, umumadamzat gymmatlyklaryna hormat goýmagyň, netijeli hyzmatdaşlyga ygrarlylygyň nusgasyna öwrüldi. Ol halklary we döwletleri jebisleşdirmäge gönükdirilen medeni diplomatiýamyzyň täsirli guraly hökmünde baý milli mirasymyzy aýdyň görkezdi. Çärelere gatnaşyjylardyr myhmanlar diňe bir ahalteke bedewleriniň deňsiz-taýsyz gözelligi bilen däl, bütin dünýäde ykrar edilen türkmen halyçylyk, zergärçilik, amaly-haşam sungatynyň köpasyrlyk däp-dessurlary, milli lybaslarymyz, halkymyzyň özboluşly adatlary, häzirki döwürde ýurdumyzyň ýeten belent sepgitleri bilen ýakyndan tanyşmaga hem mümkinçilik aldylar.
«Garaşsyz, baky Bitarap Türkmenistan — bedew batly at-myradyň mekany» ýylynyň halkara çäreleriniň hatarynda «Galkynyş» milli at üstündäki oýunlar toparynyň daşary ýurtlarda guran çykyşlaryny görkezmek bolar. Mälim bolşy ýaly, bu topar abraýly halkara baýraklaryň, şol sanda her ýyl Monte-Karloda geçirilýän halkara sirk sungaty festiwalynyň baş baýragynyň eýesidir. «Galkynyş» toparynyň ýurdumyzyň çäklerinden daşyndaky täsin çykyşlary hemişe uly üstünlige beslenip, tomaşaçylarda ýatdan çykmajak ýakymly täsirleri döredýär. Munuň özi halkara derejede Türkmenistana we onuň baý medeniýetine bolan gyzyklanmanyň barha artýandygyna şaýatlyk edýär.
Eger-de, halkara giňişlikde Türkmenistanyň milli mirasy medeni diplomatiýanyň ynsanperwer maksatlaryna gulluk edýän bolsa, içeri syýasatda ol döredijilik işleri, ýurdumyzy mundan beýläk-de ösdürmekde täze üstünlikleri gazanmak üçin tükeniksiz ylham çeşmesine öwrülýär. Onuň egsilmez kuwwaty bolsa ýaş nesli terbiýelemek işinde örän möhümdir. Çünki ýaşlar ýurdumyzyň geljegidir. Bu hakykat Gahryman Arkadagymyzyň 2-nji sentýabrda Arkadag şäheriniň Ruhyýet köşgünde geçen umumy okuw sapagyndaky çykyşynda aýdyň beýanyny tapdy. Milli Liderimiz çykyşynda şahsyýetiň kemala gelşi, ruhy-ahlak ýörelgeler, Bitarap Türkmenistanyň Garaşsyzlygynyň 35 ýylynyň dowamynda gazanan üstünlikleri, onuň häzirki zaman dünýäsindäki orny we wezipesi, geljek üçin maksatlardyr wezipeler hakynda aýdyp, taryhy-medeni mirasymyzy öwrenmek we wagyz etmek meselelerine aýratyn ünsi çekdi.
“Beýik taryh we baý özboluşly medeniýet watançylyk duýgusyny oýarýar, munuň özi ýaşlar üçin aýratyn ähmiýete eýedir. Sebäbi hut ýaşlyk döwri adamda Watana bolan söýgi, ýurduna bolan buýsanç duýgusy kemala gelýär, oňa wepaly, mynasyp hyzmat etmelidigine akyl ýetirýär. Häzirki döwürde hormatly Prezidentimiziň parasatly baştutanlygynda ösüşiň ýoly bilen ynamly öňe barýan Türkmenistan kuwwatly, durnukly we ýokary depginler bilen ösýän ýurt hökmünde giňden tanalýar. «Watan diňe halky bilen Watandyr! Döwlet diňe halky bilen döwletdir!» diýen şygarymyzdan ugur alyp, gazanylýan ajaýyp üstünlikler, amala aşyrylýan toplumlaýyn işler şu günümiziň hem-de geljegimiziň beýikdigini ykrar edýär” diýip, Gahryman Arkadagymyz nygtady.
Halkyň medeni özboluşlylygyny, döredijilik ruhuny özünde jemleýän milli mirasy goramak örän wajypdyr. Türkmenistanyň Bitaraplygynyň halkymyzyň bütin taryhy ýoly bilen kesgitlenilendigini, ata-babalarymyz tarapyndan wesýet edilendigini belläp, Milli Liderimiz akyldar şahyr Magtymguly Pyragynyň türkmenler üçin esasy zadyň parahatçylyk, hoşniýetli goňşuçylyk, ähli halklar bilen dostlukly gatnaşyk etmek bolup durýandygyna düşünendigini aýtdy. Häzirki wagtda Türkmenistan bitaraplygyň nazaryýetini hem-de amalyýetini baýlaşdyrmagyň, syýasy we ylmy binýadyny döretmegiň üstünde işlemegini dowam etdirmek bilen, ýaşlar, aýratyn-da, talyplar üçin giň mümkinçilikleri açýar. Çünki bitaraplyk diňe bir syýasat däldir. Halkara hyzmatdaşlygyň nusgasy hökmünde bitaraplyk ykdysadyýeti, ylym-bilimi, tehnologiýalary, medeniýeti, sporty, maglumat we kommunikasiýany hem-de ençeme beýleki ugurlary öz içine alýar. Şunuň bilen baglylykda, türkmen halkynyň Milli Lideri ýurdumyzyň ýaş raýatlarynyň häzire çenli amala aşyrylan işleri berkitmek, Garaşsyz döwletimiziň mynasyp geljegi üçin giň gerimli maksatnamalary durmuşa geçirmek ýaly belent wezipäni mynasyp amala aşyrjakdyklaryna ynam bildirdi.
Gahryman Arkadagymyz milli baýlygymyz bolan ahalteke bedewi barada aýtmak bilen, onuň türkmen halkynyň Garaşsyzlygynyň, özbaşdaklygynyň we milli mertebesiniň nyşanlarynyň biridigine ünsi çekdi. Behişdi bedewlerimiz ýurdumyzyň parahatçylyk söýüjilikli daşary syýasatynda, medeni diplomatiýasynda uly orun eýeleýär. Ahalteke bedewi türkmen ýaşlary üçin diňe bir milli buýsanç däl, eýsem, okgunly ösüşiň, kämilligiň we wepalylygyň belent nusgasy bolmalydyr.
Halk Maslahatynyň Başlygy çykyşynda ýaş nesli terbiýelemek, türkmen halkynyň medeni-ruhy mirasyny, onuň däp-dessurlaryny gorap saklamak we baýlaşdyrmak baradaky garaýyşlaryny paýlaşyp, jemgyýetimiziň ýaşaýşynyň taryhy milli esaslaryny berkitmäge hemişe uly üns beriljekdigini nygtady. Türkmen taryhy — bu iň gadymy siwilizasiýalary döreden, dünýä ýaň salan beýik döwletleri guran türkmen halkynyň buýsançly beýik geçmişi. Mukaddes topragymyzyň her bir daban ýeri ylmy barlaglar we gazuw-agtaryş işleri üçin gymmatly çeşmedir. Türkmen halkynyň Milli Lideriniň belleýşi ýaly, Garaşsyz, baky Bitarap Türkmenistan gadymy ekerançylyk we şäher medeniýetleriniň — Jeýtun, Änew, Marguş, Dehistan, Horezm-Ürgenç siwilizasiýalarynyň dörän Watanydyr. Türkmenistan müňýyllyklaryň dowamynda dünýäniň syýasy, medeni-ruhy we ykdysady ösüşine ummasyz goşant goşup gelýän türkmen halkynyň ata Watanydyr.
Eziz Watanyňy, il-günüňi söýmek üçin onuň şöhratly geçmişini giňden öwrenmeli. Türkmen halkynyň taryhynda bolsa guwanmaga, buýsanmaga şan-şöhratly sahypalar näçe diýseň bar. Bu barada aýtmak bilen, Gahryman Arkadagymyz Änew medeniýetini ilkinjileriň biri bolup dünýäde ykrar etdiren arheolog, taryhçy Rafael Pampelli, şeýle-de Wadim Masson, Wiktor Sarianidi ýaly ägirtleriň ýurdumyzda arheologik işlere goşantlarynyň uludygyny nygtady. Olar türkmen halkynyň köpasyrlyk taryhyny, adamzat siwilizasiýasyna goşan mynasyp goşandyny Ýer ýüzüne ýaýmakda köp tagalla etdiler.
Hormatly Arkadagymyz ýaşlara ýüzlenip, türkmenleriň dünýäniň iň gadymy halklarynyň biridigini belledi. Ata-babalarymyzyň akyl-paýhasyndan dörän milli mirasymyz asyrlaryň synagyndan geçip, biziň günlerimize gelip ýetipdir. Muhammet Horezmi, Abusagyt Abulhaýyr, Abu Nasr Faraby, Abu Reýhan Biruny, Ibn Sina, Mahmyt Kaşgarly, Mahmyt Zamahşary, Hoja Ahmet Ýasawy, Nejmeddin Kubra, Alyşir Nowaýy, Baýram han, Nurmuhammet Andalyp, Döwletmämmet Azady, Magtymguly Pyragy ýaly meşhur akyldarlarymyzyň mirasy, döreden eserleri dünýä nusgalyk gymmatlyklardyr. «Oguznama», «Gorkut ata», «Görogly», «Şasenem-Garyp», «Zöhre-Tahyr», «Saýatly-Hemra» ýaly eserlerimiz milletimiziň egsilmez ruhy baýlygydyr. Oguz han, Togrul beg, Çagry beg, Alp Arslan, Jelaleddin Menguberdi ýaly, Tumar şa, Törebeg hanym ýaly akyl-paýhasly, gaýduwsyz şahsyýetlerimiz ýakyn we alys ýurtlarda heniz ýaş mahallary meşhurlyga eýe bolupdyr. Ýurt azatlygy, Watan goragy ugrundaky agyr söweşlerde mertlik görkezen milli gahrymanlar bu günki nesiller üçin gaýduwsyzlygyň belent mekdebidir.
Milli miras — bu halallyk, topraga yhlas etmek, ahlak arassalygy, nebse çapmazlyk, beden tämizligi, gaýduwsyzlyk ýaly paýhas eleginden geçirilen öwüt-ündewlerdir. Ene dilimize sarpa goýmaga çagyrmak bilen, Gahryman Arkadagymyz çykyşynda daşary ýurt dillerini we edebiýatyny hem öwrenmegiň zerurdygyny nygtady.
Öz taryhy ösüşiniň dowamynda halkymyz hiç wagt ylymdan daşda bolan däldir. Türkmen ýaşlary bu gün öz pederleriniň ylym dünýäsindäki beýik ýeňişlerine, beýik açyşlaryna buýsanmaga haklydyr. Dünýäniň häzirki zaman ylmyndaky özgertmeler adamzat jemgyýetiniň barha kämilleşmegine ýol açýar. Bu barada aýtmak bilen, türkmen halkynyň Milli Lideri ýaşlarymyzyň täze ylmy-tehniki ösüşden baş çykarmalydygyny belledi. Türkmen ýaşlary innowasion barlaglara işjeň gatnaşmalydyrlar, täze tehnologiýalary döretmelidirler. «Häzirki XXI asyr tehnikanyň we tehnologiýanyň, sanly ulgamyň hem emeli aňyň yzygiderli ösýän asyrydyr. Bu şertler geljekki ösüşi kesgitleýär. Biziň maksadymyz Türkmenistany senagat taýdan ösen döwletleriň hataryna goşmakdyr» diýip, hormatly Arkadagymyz nygtady.
Ýurdumyzda «akylly» şäherleri döretmek ugrunda yzygiderli işler alnyp barylýar. Şeýle hem «Akylly» jemgyýet» konsepsiýasynyň taslamasynyň üstünde işlemek zerurdyr. Bu konsepsiýa toplumlaýyn bolmalydyr we işiň ähli esasy ugurlaryny öz içine almalydyr. Bu barada aýtmak bilen, Halk Maslahatynyň Başlygy şol taslama ýaşlary, şol sanda talyplary işjeň çekmegiň maksadalaýyk boljakdygyny belledi. Çünki olar täze garaýyşlary, teklipleri, täzeçil nusgalary batyrgaý girizmäge ukyplydyrlar. Öňdebaryjy ylmy-tehniki sepgitlere çykmak üçin Türkmenistan bilim ulgamynda halkara hyzmatdaşlygyny dowam etdirer. Şunda gürrüň Diýarymyzy bilim, pikir alyşmak we startap döretmek merkezine, ýaşlary intellektual kooperasiýa üçin özüne çekýän ýurda öwürmek barada barýar. Şunuň bilen baglylykda, Türkmenistanda dürli ugurlar boýunça halkara ylym-bilim ýaşlar klasterlerini döretmek üçin hukuk we guramaçylyk şertlerini emele getirmegiň üstünde işlemek teklip edildi. «Goý, beýleki ýurtlaryň zehinli ýaşlary Türkmenistana gelsinler, türkmen ýaşlary bilen bilelikde öz döredijilik maksatlaryny durmuşa geçirsinler! Bu hemmeler üçin bähbitli bolar» diýip, Gahryman Arkadagymyz aýtdy.
Türkmenistanyň ynsanperwer syýasaty işjeň durmuşa geçirmekde BMG we onuň ýöriteleşdirilen düzümleri, beýleki halkara guramalar bilen netijeli hyzmatdaşlygy çuňlaşdyrmaga uly ähmiýet berýändigini bellemek gerek. Bu babatda BMG-niň Bilim, ylym we medeniýet meseleleri boýunça ýöriteleşdirilen edarasy (ÝUNESKO) bilen oňyn dialog ýola goýuldy. Türkmen halkynyň umumadamzat gymmatlygy hökmünde ykrar edilen taryhy-medeni we tebigy obýektleri, özboluşly däp-dessurlary, sungatynyň we senetçiliginiň görnüşleri ÝUNESKO-nyň Bütindünýä mirasynyň hem-de Adamzadyň maddy däl medeni mirasynyň sanawlarynda mynasyp orun aldy.
Ýurdumyz bilen Türki medeniýetiň halkara guramasynyň (TÜRKSOÝ) arasyndaky okgunly ösdürilýän gatnaşyklary bu ugurdaky üstünlikli hyzmatdaşlygyň mysaly hökmünde görkezmek bolar. Şu ýyl Türkmenistana Yslam dünýäsiniň Bilim, ylym we medeniýet meseleleri boýunça guramasynda (ICESCO) synçy derejesi berildi.
Ýurdumyzda we daşary döwletlerde halkara ähmiýetli dürli çäreleriň — Medeniýet günleriniň, festiwallaryň, konsertleriň, kino görkezilişleriniň, sergileriň we beýleki dabaralaryň geçirilmegi medeni diplomatiýanyň işjeň ilerledilmegine ýardam edýär. Şunuň bilen baglylykda, noýabr aýynda Aşgabatda dünýäniň dürli döwletleriniň döredijilik toparlaryny myhmansöýer türkmen topragynda jemlän «Bagtyýarlyk döwrüniň teatr sungaty» atly V halkara teatr festiwaly geçirildi. Türkmenistanyň sungat ussatlary daşary ýurtlarda guralýan medeni-döredijilik çärelerine yzygiderli gatnaşyp, milli medeniýetimizi halkara giňişlikde giňden wagyz etmäge mynasyp goşant goşýarlar.
Şeýlelikde, döwürleriň we nesilleriň aýrylmaz arabaglanyşygyny özünde jemleýän milli mirasymyz saýlap alan parahatçylyk söýüjilik hem-de döredijilik ýoly bilen ynamly öňe barýan Garaşsyz, baky Bitarap Watanymyz üçin ygtybarly binýat bolup hyzmat edýär.
Çeşme: tdh.gov.tm
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Russiýa Federasiýasynyň Federal Ýygnagynyň Federasiýa Geňeşiniň Başlygynyň duşuşygy
19.11.2026
Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen GDA gatnaşyjy döwletleriň Parlamentara Assambleýasynyň Geňeşiniň nobatdaky mejlisine gatnaşmak üçin ýurdumyza sapar bilen gelen Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenkonyň arasynda duşuşyk geçirildi.
Walentina Matwiýenko bildirilen myhmansöýerlik üçin hoşallygyny beýan edip, Russiýa Federasiýasynyň Türkmenistan bilen däp bolan dostlukly gatnaşyklary we netijeli hyzmatdaşlygy ösdürmäge uly ähmiýet berýändigini tassyklady hem-de bu gatnaşyklary ösdürmekde Gahryman Arkadagymyzyň uly goşandyny belledi. Şeýle-de myhman «Awaza» milli syýahatçylyk zolagynyň binagärlik keşbiniň özünde ýakymly täsirleri galdyrandygyny aýtdy. Ol pursatdan peýdalanyp, Russiýa Federasiýasynyň Prezidentiniň Milli Liderimize hem-de hormatly Prezidentimize iberen mähirli salamyny ýetirdi we Prezident Wladimir Putiniň GDA-nyň döwlet Baştutanlarynyň Geňeşiniň mejlisine gatnaşmak üçin ýurdumyza amala aşyran saparyny ýakymly duýgular bilen ýatlaýandygyny nygtady.
Gahryman Arkadagymyz dostlukly ýurduň Prezidentine iň gowy arzuwlaryny beýan edip, RF-niň Federal Ýygnagynyň Federasiýa Geňeşiniň Başlygyna ýurdumyza gelmek baradaky çakylygy kabul edendigi üçin minnetdarlyk bildirdi hem-de bu saparyň möhüm waka bilen utgaşýandygyny — 16-njy oktýabrda Türkmenistanyň Mejlisine Garaşsyz Döwletleriň Arkalaşygyna gatnaşyjy döwletleriň Parlamentara Assambleýasyna synçy derejesini bermek hakyndaky meseläni bu Assambleýanyň öňde boljak mejlisiniň gün tertibine girizmek baradaky haýyş bilen Walentina Matwiýenko hat iberilendigini belledi. Türkmen halkynyň Milli Lideri Türkmenistanyň Mejlisine bu derejäni bermek baradaky teklibiň W.Matwiýenkonyň şahsy başlangyjydygyny aýratyn nygtap, ýurdumyzda bu başlangyja ýokary baha berilýändigini aýtdy hem-de munuň üçin RF-niň parlamentiniň ýokarky palatasynyň ýolbaşçysyna minnetdarlyk bildirdi.
Türkmenistanyň Halk Maslahatynyň Başlygy ähli halklaryň däp-dessurlaryny, adatlaryny, medeni-ruhy gymmatlyklaryny ilerletmekde Walentina Matwiýenkonyň şahsy goşandyny belläp, Russiýada şu ýylyň «Russiýanyň halklarynyň agzybirligi ýyly» şygary bilen geçýändigini, ýurdumyzyň bu ýörelgeleri goldaýandygyny aýtdy. Milli Liderimiz Türkmenistanyň hem köpmilletli halkynyň agzybirliginiň, raýatlarynyň jebisliginiň we raýdaşlygynyň, jemgyýetdäki ylalaşygyň, parahatçylygyň döwlet syýasatymyzyň özeni, daşary syýasy ugrumyzyň ygtybarly daýanjy bolup durýandygyny, bu ugurda Türkmenistanyň hem-de Russiýanyň bilelikdäki işi üçin uly mümkinçilikleriň bardygyny nygtady.
Bellenilişi ýaly, häzirki wagtda iki tarap hem A.S.Puşkin adyndaky umumybilim berýän bilelikdäki türkmen-rus mekdebiniň täze binasyny gurmak, Türkmen-rus uniwersitetini döretmek, paýtagtymyzda A.S.Puşkin adyndaky teatryň täze binasyny hem-de Dostluk binasyny gurmak ýaly başlangyçlary durmuşa geçirmek üçin köp işleri alyp barýar.
Häzirki wagtda türkmen-rus hyzmatdaşlygynyň ugurlaryny, Türkmenistanyň Russiýanyň sebitleri, hususan-da, Sankt-Peterburg şäheri, Tatarystan Respublikasy, Astrahan oblasty bilen gatnaşyklaryny ösdürmek üçin uly mümkinçilikler bar. Gahryman Arkadagymyz tamamlanyp barýan ýylyň jemlerine iki ýurduň parlamentleriniň hyzmatdaşlygy nukdaýnazaryndan örän oňyn we netijeli diýip baha berdi.
Türkmenistanyň Halk Maslahatynyň Başlygy 2027-nji ýylda möhüm wakanyň — Türkmenistan bilen Russiýa Federasiýasynyň arasynda diplomatik gatnaşyklaryň ýola goýulmagynyň 35 ýyllygynyň belleniljekdigini aýtdy. Şunuň bilen baglylykda, Türkmenistanyň Mejlisiniň, RF-niň Federasiýa Geňeşiniň we Döwlet Dumasynyň dostluk hem-de hyzmatdaşlyk toparlarynyň ýörite bilelikdäki mejlisini, bu senä bagyşlanan çäreleri geçirmek, olara iki ýurduň parlamentarileriniň gatnaşmagy we şunuň bilen bagly beýleki meseleleri ara alyp maslahatlaşmak barada teklip beýan edildi. Gahryman Arkadagymyz bu meselä seretmegi hem-de ylalaşylan ýagdaýynda, degişli tabşyryklary bermegi teklip etdi.
Türkmen halkynyň Milli Lideri şu günler Türkmenistanda birnäçe iri, möhüm çäreleriň geçirilýändigini we olara Walentina Matwiýenkonyň hem gatnaşýandygyny belläp, munuň üçin RF-niň Federal Ýygnagynyň Federasiýa Geňeşiniň Başlygyna minnetdarlyk bildirdi. Hormatly Arkadagymyz bu çäreleriň iň esasysynyň Walentina Matwiýenkonyň başlyklyk etmeginde geçirilýän GDA gatnaşyjy döwletleriň Parlamentara Assambleýasynyň Geňeşiniň nobatdaky mejlisidigini aýdyp, göz öňünde tutulan ähli meýilnamalaryň ýerine ýetiriljekdigine hem-de möhüm we oňyn netijeleriň gazanyljakdygyna ynam bildirdi.
Walentina Matwiýenko GDA gatnaşyjy döwletleriň Parlamentara Assambleýasynyň Geňeşiniň nobatdaky mejlisiniň ýokary guramaçylyk derejesi üçin türkmen tarapyna tüýs ýürekden hoşallyk bildirdi hem-de bu çäräniň Arkalaşygyň döredilmeginiň 35 ýyllygynyň bellenilýän ýylynda geçirilýändigini, Türkmenistanyň GDA-da başlyklyk etmeginiň çäklerinde dürli ugurlar boýunça wajyp çözgütleriň kabul edilendigini aýtdy.
Duşuşygyň ahyrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko dostlukly döwletara gatnaşyklaryň iki ýurduň halklarynyň bähbidine mundan beýläk-de ösdüriljekdigine ynam bildirip, birek-birege iň gowy arzuwlaryny beýan etdiler.
Çeşme: tdh.gov.tm